Mika 7:17 - IBAYIBOLO 2024

¹⁷ Bakwiza pakumyanta ulufumbi ngati njoka, ngati vipeliwa vivyo vikwavula pasi. Vikwiza pakwepa mumpako bo vikutetema, vikwiza pakunyokela kwa Mwene u Chala witu, sona vikwiza pakukunyila nkani.

Mika 7:17 Iomraidhean Croise

2 Samuweli 22:46

Abantu bosi bakaba nubogha, sona bakafuma mumalinga ghabo, bo bakutetema.

2 Imbili 17:10

U Mwene akabapelela ubogha abantu bosi aba muvyisu ivipalamani, umwakuti batakalondagha pakulwa ubwite nu Yehoshafati.

Masalimo 18:45

Abantu bosi bakaba nubogha, sona bakafuma mumalinga ghabo, bo bakutetema.

Masalimo 72:11

Abamwene bosi bakwiza pakumufughamilila, sona bope abantu aba inko zyosi bakwiza pakumubombela.

Masalimo 72:9

Abantu aba inko izya munkolongo bakwiza pakumufughamilila, sona abalwani bache bakwiza pakulumyanta ulufumbi.

Masalimo 9:20

Wee Mwene ubapelelaye ubogha, sona inko izinji zimanye ukuti bantu bulo.

Yesaya 25:3

Polelo inko izya bantu abamaka zikwiza pakukuchindika, inko zizyo zite ni nkalo zikwiza pakukunyila.

Yesaya 49:23

Abamwene bakwiza pakuba ngati bo baghuso, sona abamwene babo bakolo bakwiza pakuba boba nyoko. Bakwiza ukwinama pantazi papako bo vyeni vyabo vikotamiye pasi, bakwiza pakumyanta ulufumbi ulwa kunyayo zyinyu. Po mukwiza pakuzimanya ukuti ane ne Mwene, babo bakunsubila batakwiza pakukoziwa isoni.”

Yesaya 59:19

Ukwanda kubwinjililo bwizuba, abantu bakwiza pakulinyila itabwa ilya Mwene, sona kubufumilo bwizuba, bakwiza pakubuchindika ubuchindamu bwache. Pakuti u Mwene akwiza ngati lusoko lulo lwizuye, lulo umuyi uwa Mwene ghukuluchimbizya.

Yesaya 60:14

Abana babo bakukukanyilila, bakwiza pakukufughamilila pantazi papako, bosi babo bakukuyivya bakwiza pakukufughamilila, sona bakwiza pakukwitizya pakuba we kaya akakulu nkani aka Mwene, u Ziyoni akaya aka Muzelu uwa Izilayeli.

Yesaya 64:2

Ngati mumo umoto ghukochela inkwi, nukughapela amizi ukuti ghasebukilaye, ika pasi ukuti itabwa lyako, limanyikwanje na balwani bako, nukuzipela inko ukuti zitetemaye pamaso papako!

Yesaya 65:25

Abakambwe nu mwana uwa ng'ozi vikwiza pakulyanga poka, sona inkalamu yikwiza pakulya isote, ngati ng'ombe, po ulufumbi lukwiza pakuba chakulya icha njoka. Kutakwiza pakuba ukuvulazannya, pamo ukughoghana mwi ghamba lyane izelu.” U Mwene anena.

Yesaya 7:19

Bosi bakwiza pakwikala mumakombe na mumpako, na mumabwe na mumpanya iya mivwa sona nisote iteta.

Yelemiya 16:16

U Mwene akuti, “Loli ilelo nkwiza pakubatumila abaloba iswi abinji nkani, babo bakwiza pakubaloba abantu banaba. Pisinda pache nkwiza pakubatumila ababingi abinji nkani, po bakwiza pakubabinga mumaghamba ghosi na mutughamba tosi sona na mumpako izya mabwe.

Yelemiya 33:9

Akaya akakulu kanaka kakwiza pakuba kaya akakufumusya imbili yane inyiza, niya lusekelo sona niya kunchindika sona niya muchizi pamaso pabantu bosi aba inko zyosi pachisu ichapasi bo bakwivwa inyiza zyosi zizyo nakabombela akaya kanaka. Bakwiza pakuba nubogha bo bakwennya ukuti nabapa ubukabi nu mutende uwakufikapo.

Nkuto 3:29

Muleke alambalalaye pasi palufumbi, lumo angalwagha ulusubilo.

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Ukukumbusya Amalamulo 32:24

Nkwiza pakubawisizya izala inkulu nkani, sona nintamyo ni viwaya ivipalapala nkani. Nkwiza pakubatumila ivinyamana ivyakoghofya, sona ni njoka izya bwanga ukuti zibalume.

Yoshwa 9:24

Abantu bala bakamwamula u Yoshwa bakati, “Twe babombi bako tukabuziwa akiza nkani namumo u Mwene u Chala winyu akamulamulila umubombi wache u Mozesi ukuti abape ichisu chosi chinichi nukuzimizyamo abenekaya bosi pamaso papinyu. Po tukabomba bunubu pachifukwa ichakuti tukabanyilagha.

Ubuvumbuli 3:9

Balipo abantu bamo muchipanga icha Satana, babo bakwinena bene ukuti ba Yuda, loli bate ba Yuda, awe. Abantu banaba nkwiza pakubapela ukuti bize kukwako nukulamba pasi pa nyayo zyako. Bosi bakwiza pakumanya ukuti ane nkughanite.

1 Samuweli 14:11

Po bosi babili bala bakabuka pakwilanjizya bene pamaso paba Filisiti. Aba Filisiti bala bakati, “Ennya, aba Hebeli bakufumamo muviliba mumo bavwamiliyemo!”