Mika 7:14 - IBAYIBOLO 2024

¹⁴ Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Mika 7:14 Iomraidhean Croise

Masalimo 100:3

Muzimanye ukuti u Mwene we Chala, weyuyo akatupela, po twe bantu bache. Twe bantu bache, ing'ozi izya mudimo wache.

Masalimo 143:5

Nkughakumbuka amasiku aghakale, nkuzyinong'ona imbombo zyako zyosi, sona ni mbombo izya nyobe zyako.

Masalimo 28:9

Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Masalimo 95:7

Pakuti we Chala witu, po aswe twe bantu aba pabuzilo ubwa kudimapo, imidimo yiyo akuyisungilila. Po nanti ilelo mukwivwa izyu lyache,

Ukufuma 33:16

Nkimba abantu bangamanya bulibuli ukuti uhobokite na bantu bako, poka nane nanti utakubuka poka naswe? Ububapo bwako bukwiza pakulesannya pakasi pabantu bako na bantu abanji bosi aba muchisu ichapasi.”

Inyimbo izya Solomoni 4:1

Wee wapamoyo wane, we wakuboneka akiza nkani, sona naloliloli we lutondwa lwane. Amaso ghako ghali ngati gha nkunda muchakuvwinka chicho uvwalite kucheni chako. Isisi zyako zikumekuka ngati mudimo uwa mbuzi, zizyo zikwika pighamba ilya Giliyadi.

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Yesaya 35:2

Chikwiza pakubazya ubwezya ubwinji, chikwiza pakusekela nkani, sona chikwiza pakuhoboka nukwimba. Ubuchindamu ubwa Lebanoni bukwiza pakupeghiwa kukwache, ichisu icha Kalimeli nu Shaloni, vikwiza pakwennya ubuchindamu ubwa Mwene, nu bukulu ubwa Chala witu.

Yesaya 37:24

Wazituma intumi zyako pakumutuka u Mwene, sona ukuti, ‘Ningolo zyane inyinji nakwela pamwanya pamaghamba, pamwanya nkani pakasonga aka Lebanoni, nadumula amakwi ghache amatali agha mwale, sona nagha payini amiza. Nafika kuvigaba ivya mulubazu ulwa pakasonga aka mumisutu umwiza nkani.

Yesaya 40:11

Akuzidima ing'ozi zyache ngati mudimi. Akutubunganika utwana utwa ng'ozi, nukutupakata munyobe zyache, nukuzilongozya akiza zizyo zili nutwana.

Yesaya 49:10

Batakwiza pakuba nizala pamo ni nyota, pamo ichitukizu pamo izuba vikwiza pakubocha. Yuyo ali ni chililizi papabo akwiza pakubalongozya, nukubalongozezya ku mbwibwi izya mizi.

Yesaya 65:10

Ichisu icha Shaloni chikwiza, pakuba buzilo ubwakudimilako ing'ozi ni mbuzi, sona ikombe ilya Akoli, likwiza pakubanga chimo icha midimo, iya bantu babo bakundonda.

Yelemiya 49:31

“Nyamuka nukulwa nuluko lulo lukwinong'ona ukuti lukwikala umwakufwasa. Uluko lulo lute nulupaso nalumo pamo impingwi, abantu bache bakwikala pakwisubila bene. Ane ne Mwene nanena.

Nkuto 1:7

Pakabalilo aka mayimba nu kwendakwenda kwache, u Yelusalemu akubukumbuka ubukabi bwache bubo akaba nabo bo ivintu vikumwendela akiza. Bo abantu bache balemiwa na balwani, patakabapo nayumoyumo umuntu uwakumwavwa. Abalwani bache bakamwenelezya nukumobezya, pachifukwa icha kunangika kwache.

Nkuto 5:21

Wee Mwene tunyosezye kukwako, umwakuti tunyokelemo sona, amasiku ghitu ghabanje ngati gho ghakale ghala.

Ezekiyeli 36:11

Nkwiza pakubabalizya abantu bane ni vinyamana, sona bakwiza pakupapa abana abinji. Abantu babo bakwikala pakasi papinyu nkwiza pakubabalizya ngati mumo bakabela kale sona ivintu vikwiza pakubendelagha akiza ukuchila kale. Po mukwiza pakumanya ukuti ane ne Mwene.

Aba Levi 27:32

Ichigaba chosi pavigaba 10 ivya mudimo uwa vitekwa ivya Mwene. Nanti ivitekwa vikubelengiwa, ichigaba chosi pavigaba 10 cha Mwene.

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Obadiya 1:19

“Abantu aba muchigaba icha Negebu, bobabo bakwiza pakwikala pighamba ilya Esabu, po aba mumakombe agha Shefala ichisu icha ba Filisiti chikwiza pakuba chabo. Bakwiza pakwikala muvyisu ivya Efulayimu nu Samaliya, po aba Benjamini bakwiza pakufyula ichisu icha Giliyadi.

Mika 5:4

Akwiza pakwiyula nkani nukudima ivitekwa vyache na maka agha Mwene, sona nu buchindamu ubwa litabwa ilya Mwene u Chala wache. Sona bakwiza pakwikala umwakufwasa, po ubukulu bwache bukwiza pakufika kubumalilo ubwa chisu ichapasi.

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Zekaliya 10:10

Nkwiza pakubefyamo muchisu icha Ijiputi nukubwela nabo. Nkwiza pakubabungannya ukufuma nabo ku Asiliya, nukufika nabo ku Giliyadi nu Lebanoni, patakwiza pakubapo ubuzilo ubwakubakwana.

Zekaliya 11:7

Po nkazidima zizyo zyabikiwa pakuboliwa, nkaninkani izyakuyivyiwa. Po nkasenda indisa zibili, yoka nkayita ukuti we Chisa, iyinji yila nkayita ukuti Bupoka, po nkazidima ing'ozi zila.

Malaki 3:4

Po u Mwene akwiza pakuhoboka ni vyakwiyipa ivya bantu aba muchisu icha Yuda naba mu Yelusalemu ngati mumo vikabela mumasiku aghakale, sona na mumaka aghakale.

Ukubelengiwa 23:9

Bo indi pamwanya pighamba nkubennya, nkubennya bo indi po pamwanya pighamba, nkubennya abantu babo bakwikala bene, babo batakwiyongannya poka na bantu aba inko izinji zyosi.

Ukubelengiwa 32:1

Uluko ulwa Lubeni nulwa Gadi lukaba ni vitekwa ivyinji nkani po bakachennya ichisu icha Yazeli ni cha Giliyadi ukuti chikaba chiza pakudimilamo ing'ombe zyabo.

Ukubelengiwa 32:4

ichisu chicho u Mwene akabapotelamo aba Izilayeli, cho chisu ichiza pakudimilamo ivitekwa. Po aswe twe babombi binyu tuli ni vitekwa ivinji nkani.

Matayi 2:6

‘Wee Betelehemu, muchigaba icha Yudeya ute we munandi uwabumalilo pakasi patwaya tosi utwa mu Yudeya. Mumwako mukwiza pakufumamo umulongozi, yuyo akwiza pakubalongozya abantu bane aba Izilayeli.’ ”

Yohani 17:16

Bate ba muchisu ichapasi, ukuyana namumo ane inte ne wa muchisu ichapasi.

Ukukumbusya Amalamulo 33:28

Po aba Izilayeli bakwiza pakwikala umwakufwasa. Abaluko ulwa Yakobo bakwikala mumutende, muchisu icha ngano nu vinyo umupya, mumo inganda yikuwa ukufuma kumwanya.