Mika 7:11 - IBAYIBOLO 2024

¹¹ Wee Yelusalemu, akabalilo akakuzengela amalinga ghako kakwiza pakufikila, isiku ilyakonjelezya impaka zyako likwiza pakufikila.

Mika 7:11 Iomraidhean Croise

Nehemiya 2:17

Po nkababuzya nkati, “Amwe mukuzyennya intamyo zizyo tukukomana nazyo. Akaya akakulu nkani aka Yelusalemu kaba chisami sona imilyango yache yochiwa. Zagha tuzenge sona ulupaso ulwa kaya akakulu nkani aka Yelusalemu, po tutangakoziwa sona isoni.”

Nehemiya 2:8

Umpe sona ukalata uyunji ukuti imupe u Asafu, ukapitawa uwakwenelezya umusitu uwa mwene, ukuti ampe amatabwa aghakupangila intaliko izya milyango iya kaya akakulu nkani, kako kali papipi ni Nyumba iya Chala, na matabwa agha lupaso, sona ni nyumba yane yiyo nkwiza pakwikalamo.” Pachifukwa ichakuti u Chala akampelela ichisa, u mwene akampa vivyo nkamulaba.

Nehemiya 4:3

U Tobiya umu Amoni, yuyo akimilila papipi nawe akati, “Nkimba bali pakuzenga ichoni? Nanti ukabila akwelapo, angamongolannya ulupaso lwabo!”

Nehemiya 4:6

Po tukazenga sona ulupaso lula mupaka tukafika pakasi na pakasi ukukwela mumwanya, pachifukwa ichakuti abantu bakiyula nkani pambombo.

Yesaya 54:11

U Mwene akuti, “Wee Yelusalemu we kaya akakulu nkani akakuyimba, kako kate nu wakukasangalusya, nkwiza pakukuzenga na mabwe amiza pakuluzenga ulwalo lwache, na mabwe agha safile.

Yesaya 54:2

Onjelezya ubuzilo ubwa chisakasa, ghakuzule amenda aghakuzighila, zikuzule impote zyako sona utukwi twache, tubanje twa maka.

Yesaya 58:12

Abantu bako bakwiza pakuzenga sona inyumba zizyo zikalekiwa pakuba visami, nukuzenga palwalo ulwa kale, mukwiza pakwitiziwa ukuti abayannya ivibumba ivyakuwa, abayannya inyumba izya kupankuka.

Yesaya 61:4

Bakwiza pakuzenga sona utwaya tuto tukaba visami, nukubunyosezya ubuzilo bubo bukananganika, bakwiza pakuyannya sona utwaya utukulu nkani, tuto tukaba visami, tuto tukananganika munkulilo izya kale.

Daniyeli 9:25

“Umanye nukwivwisya ichintu ichi: Ukwanda pakabalilo kako indaghilo zikafumuziwanga ukuti akaya aka Yelusalemu kazengiwanje sona mupaka umulaghili umupakiwa afike, pakwiza ukuchilapo amaka 7 aghatubalilo aka 7. Sona amaka 7 aghatubalilo aka 62 pakwiza ukuzengiwa imisebo nukukumba imifolo mu Yelusalemu, loli pakabalilo akantamyo.