Mika 6:8 - IBAYIBOLO 2024

⁸ Wee muntu, u Mwene akulanjizya kale chicho chiza. Nkimba u Mwene akulonda choni kukwako? Ukuti ubombaye ubwanaloli, ubanje we wachisa, sona wiyisyanje pamaso pa Chala wako.

Mika 6:8 Iomraidhean Croise

Ubwandilo 18:19

Namusala umwakuti angabalamula abana bache na baluko ukuti banyivwilaye nukubomba chicho chanaloli ni chigholosu. Nanti bakubomba bunubu, nane nkwiza pakumubombela zyosi zizyo nkamulayizya.”

Ubwandilo 5:22

Pisinda pache u Enoki akikala mukumamatilana poka nu Chala amaka 300. Akapapa abana abanji abalumendo na balindu.

2 Imbili 30:11

Pope bulo abantu bamo aba muchisu icha Asheli nicha Manase nicha Zebuloni bakiyisya nukubuka ku Yelusalemu.

2 Imbili 32:26

Pisinda pache u Hezekiya akiyisya nukuleka pakwituvya, ukuyana namumo bakabombela abantu aba mu Yelusalemu. Po u Mwene atakabakalalila abantu pakabalilo aka Hezekiya.

2 Imbili 33:19

Ulwiputo lwache sona namumo akamulambilizizya u Chala ni mbibi zyache zyosi nukusita kusubiliwa kwache na pakwiputilapo ivifwani ni vifwani ivya Ashela ni vifwani ivinji bo achili pakwiyisya, zyosi zisimbiwe mwibuku ilya Mbili iya balaghuzi.

2 Imbili 33:23

U Amoni atakiyisya pamaso pa Mwene ukuyana namumo akabombelagha uwise u Manase, loli akabombagha imbibi.

2 Imbili 34:27

Pachifukwa ichakuti wapinduka nukwiyisya we mwene pamaso pa Chala, bo wivwa amazyu aghakususannya nakaya akakulu nkani kanaka, poka na bantu bache sona nukuti wiyisya pamaso papane pakuzepula inkazo yako nukulila pamaso papane, nane nivwa ulwiputo lwako. Ane ne Mwene nene nanena.

Nehemiya 9:13

“Ukika pighamba ilya Sinayi sona ukanenagha nabo bo uli kumwanya. Ukabapa indaghilo ingolosu na malamulo aghakufikapo, sona ni vimanyisyo ivyiza.

Masalimo 101:1

Wee Mwene, nkwiza pakwimba nizya lughano, sona nu bwanaloli, nkwiza pakukwimbila inyimbo izya mapalo.

Masalimo 112:4

Napapo mungaba mo muchisi ulukozyo lukumwizila, pachifukwa ichakuti wachisa, wachililizi sona nu mugholosu.

Masalimo 112:9

Abagabila abapina ivyabupi mubwighane bwache, ubugholosu bwache ubwa bwila na bwila, akwiza pakuba wamaka nu muchindamu.

Masalimo 37:26

Akabalilo kosi bakuba bachisa, sona bakubazimya abantu abanji. Po abana babo bakwiza pakuba lusayo.

Masalimo 73:28

Loli kukwane chiza ukuti mbanje papipi nu Chala, nakusala we Mwene Uwamaka Ghosi ukuti ubanje we buzilo bwane ubwakuvwamamo, sona nkwiza pakubapangila abanji nizya mbombo zyako zyosi.

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Umulumbilili 12:13

Losi ulu vyosi vyivwika. Po ifundo iyenecho yo iyi: Umuchindikaye u Chala nukughakonka amalamulo ghache pakuti iyi yo mbombo inkulu iya muntu.

Yesaya 56:1

U Mwene akuti, “Mubombaye ubwanaloli sona nu bungolosu, pakuti ubupoki bwane buli papipi, sona ubugholosu bwane, bukwiza pakuvumbuliwa umwalubilolubilo.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Yelemiya 22:16

Akabalongela akiza inongwa abapina na bakusobelwa, vyosi vikamwendela akiza. Nkimba ichi chitakulanjizya ukuti ammenye? Ane ne Mwene nanena.

Yelemiya 22:3

U Mwene akuti: Ulongelaye inongwa mubugholosu na mubwanaloli. Umupokaye umuntu munyobe izya bayinvyi sona na yuyo afyuliwe ivyache. Utakamubombelaye nachimochimo ichibibi umuyeni, pamo umupina, pamo umwana umulanda, pamo umukolo umufwilwe, sona utakakupulaye ibanda ilya bantu babo bate nakalema mubuzilo bunubu.

Yelemiya 9:23

U Mwene akuti, “Uwamahala atakituvyanje chifukwa icha mahala ghache pamo uwamaka atakituvyanje pachifukwa icha maka ghache, pamo umukabi atakituvyanje pachifukwa icha bukabi bwache.

Nkuto 3:26

Pakuti chiza pakubanga bulo myee, pakubulindilila ubupoki ubwa Mwene.

Ezekiyeli 16:63

Ukumbuke nukuba nisoni umwakuti utakighulaye sona umulomo wako, pachifukwa icha kusamuliwa kwako, bo nkukuhobokela zyosi zizyo wabomba, u Mwene Uwamaka Ghosi anena.’ ”

Ezekiyeli 33:14

Nanti nkumusoka umuntu umubibi ukuti, ‘Naloliloli ukwiza pakufwa,’ loli akuzileka imbibi nukubomba ubwanaloli nu bugholosu,

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Hoseya 6:6

Pakuti intakulonda ivyakwiyipa, loli nkulonda ichisa. Chicho nkunyonywa ko kumumanya u Chala, ukuchila ivyakwiyipa ivyakocha.

Aba Levi 26:41

kuko kukampela ukuti imbabenge, nukubatuma kuchisu icha balwani babo, sona nanti amoyo ghabo amakafu ghiyisya nukwitika pakuchemeliwa pachifukwa icha mbibi zyabo,

Amosi 5:24

Loli buleke ubwanaloli bwendaye ngati lusoko, bope ubugholosu bwendaye ngati kasoko kako katakupwa nalumo.

Mika 6:9

Umulaghuzi akuti, “Teghelezya! Pakulinyila itabwa ilya Mwene gho mahala.” U Mwene akwitizya ku kaya akakulu nkani akuti, “Muyivwile indisa sona na yuyo akayisala.

Zefaniya 2:3

Mumulondaye u Mwene mwebosi mwe mukwiyisya, mwe muli muchisu, amwe mwe mukubomba zizyo akubalamula. Mubulondaye ubugholosu, sona nukwiyisya. Lumo mungapona pisiku ilya kukalala ukwa Mwene.

Zekaliya 7:9

“U Mwene Uwamaka Ghosi akuti, ‘Wenelezye ukuti ubwanaloli bukubombiwa, ubapelelaye ichisa abantu sona mubanje nichililizi ku weka na weka.

Matayi 5:3

“Basayiwa abantu babo bazimenye ukuti bapina mubuzimu, pakuti Ubumwene ubwa Kumwanya bwabo.

Matayi 5:7

Basayiwa abantu babo bali ni chisa na bamwabo, pakuti u Chala akwiza pakubapelela bope ichisa.

Luka 10:42

loli ichintu choka chikulondiwa. U Maliya asala ichintu ichiza, sona chitakwiza pakufyuliwapo nalumolumo kukwache.”

Luka 11:42

“Chighune nkani kukwinyu, amwe mwe ba Falisayi pakuti mukubika kwa Chala ichigaba choka pa vigaba 10 ivya vilungo vyinyu ngati bo busambya nu kale, sona nu kanyezi. Loli mukukana pakubomba ubwanaloli nukumughana u Chala. Ivi vyo vintu vivyo mubaghiye mubombaye ukusita ukulekapo vimo.

Luka 12:14

Loli u Yesu akamwamula akati, “Mumanyani, nkimba wewenu akampa imbombo iyakulonga, pamo iyakubagabannya ivyuma ivya muyazi yula?”

Luka 6:36

Mubanje bantu abachisa ukuyana namumo Ughuso abeleye ni chisa.

Aba Loma 7:16

Sona nanti nkubomba chicho intakulonda pakubomba, kokuti nkwitika ukuti Indaghilo nyiza.

Aba Loma 9:20

Loli awe we muntu bulo, nkimba wewenu awe ukuti umwamule u Chala? Nkimba isonta yikumulalusyapo umumatasonta ukuti, “Choni chicho ukamata bunubu?”

1 Aba Kolinti 7:16

Awe we mukolo umukilisitu, nkimba ungazimanya bulibuli ukuti pamo ukwiza pakumupoka umulume wako umukilisitu? Pamo awe we mwanavuli umukilisitu, nkimba ungazimanya bulibuli ukuti pamo ukwiza pakumupoka umuchi wako?

Aba Efeso 4:32

Loli mubanje mwe bachisa, sona na bololo na bantu abanji. Muhobokelanaye ukuyana namumo u Chala akabahobokela ukwendela mwa Kilisitu.

Ukukumbusya Amalamulo 27:10

Po mumwivwilaye u Mwene u Chala winyu nukuzikonka indaghilo zyache, sona na malamulo ghache ghosi ghagho nkubapa ilelo.”

Ukukumbusya Amalamulo 30:15

Ivwa kuno! Ilelo nkubapa ulusako ulwa kusalapo ubwiza pamo ububibi, ubumi pamo ubufwe.

Aba Kolosi 3:12

Pakuti mukasaliwa nu Chala ukuti mubanje mwe bantu abache na bache, sona nukuti umwene abaghanite. Mubanje mwe balupazikizyo, na bachisa, na bakwiyisya, na bololo, sona na bafisalyoyo.

2 Aba Tesalonika 2:16

U Mwene witu u Yesu Kilisitu nu Tata witu u Chala yuyo akatughana aswe, sona yuyo muchisa chache akatupa ulukazyo lwache lulo lutakupotwapo nalumo, sona nu lusubilo ulwiza,

Yakobo 2:20

Wee mupunganu wee! Nkimba ukulonda ubwakaboni ubwakusimikizya ukuti ulwitiko ulusita imbombo lufuye?

Yoshwa 24:14

“Polelo mumunyile u Mwene nukumubombela mubwanaloli bwinyu bosi. Mwefyemo abachala abanji babo abanyenya binyu bakabiputagha mulubazu lwalusoko ulwa Yufuleti na mu Ijiputi, po mumubombelaye u Mwene.

1 Pitala 3:8

Amazyu aghabumalilo gho agha: Mwebosi mubanje nu moyo ghoka; mupazikizannyanje, sona mughananaye mwebenebene pakuti mwe bakamu. Mubanje bachisa, sona na bakwiyisya.

1 Samuweli 12:23

Ane ntakulonda ukuti imunangile u Mwene pakukana pakubiputila. Loli nkwiza pakubamanyisya chicho chiza sona chigholosu.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.