Mika 6:6 - IBAYIBOLO 2024

⁶ Nkimba ningiza ni choni pamaso pa Mwene, nukumufughamilila u Chala uwakumwanya? Nkimba ningiza pamaso papache nivyakwiyipa ivyakocha ivya ngwata iya mwaka ghoka?

Mika 6:6 Iomraidhean Croise

2 Samuweli 21:3

U Devedi akabalalusya aba Gibeyoni akati, “Nkimba imbabombele choni? Nkimba ningabika chakupepesezya choni, umwakuti mubasaye abantu aba Mwene?”

Masalimo 116:12

Nkimba ningamunyosezya ichoni u Mwene, pavyiza vyosi vivyo ambombeye?

Masalimo 22:29

Abakabi bosi bakwiza pakuba nu lusekelo nukwiputa, Bosi babo bakusyiliwa mwipumpa bakwiza pakumufughamilila kokuti bosi babo batangisungilila bene pakuba bumi.

Masalimo 95:2

Zagha tufikaye pamaso papache ukuti tumupalizye, sona pakumwimbila inyimbo izyakupalizikizya.

Masalimo 95:6

Zagha tumulambilaye nukumwiputa, zagha tumufughamililaye u Mwene Umupeli witu.

Ukufuma 12:5

Umwana uwa ng'ozi pamo uwa mbuzi yuyo mukumusala atakabanje ni chilema nachimochimo, uwa mwaka ghoka sona inyanavuli.

Ukufuma 23:15

Ulusekelo ulwakwanda mumwaka lubanje Lusekelo ulwa Chibama chicho chite ni chilungo. Mumasiku seveni mumwezi uwa Abibu pakabalilo kako insalite, mulyanje Ichibama chicho chite ni chilungo ukuyana namumo nkubalamulila, pakuti mumwezi ghunughu mukepamo muchisu icha Ijiputi. “Atakabepo nayumo umuntu uwakwiza pamaso papane nyobe zyene.

Ivyili 15:8

U Mwene achibengite ichakwiyipa icha muntu umubibi, loli ulwiputo ulwa muntu umugholosu lukumuhobosyanga.

Ivyili 21:3

Ukubomba ingolosu ni nyiza, kukumuhobosya u Mwene ukuchila ichakwiyipa.

Yesaya 40:16

Umusitu uwa Lebanoni ghutakukwana pakuba nkwi izya moto uwa pachighemo, pamo ivinyamana vyache pakuba ichakwiyipa ichakocha.

Yelemiya 6:20

Nkimba utwakufukizya utwakununkila utwa ku Sheba tuli nimbombo yoni kukwane, pamo ivyakunonanona ivya kuchisu ichakubutali? Ivyakwiyipa vyinyu ivyakocha vitakupokeleliwa, Ivyakwiyipa vyinyu vitakunhobosya.”

Ezekiyeli 46:9

“ ‘Bo abantu aba muchisu bakwiza pamaso pa Mwene patubalilo utwa lusekelo ulupaghuliwa, umuntu wesi yuyo akwinjilila pamulyango uwa kumitu pakwiputa afumilaye kumulyango uwa kuntende, sona umuntu wesi yuyo akwinjilila pamulyango uwa kuntende afumilaye kumulyango uwa kumitu. Patakabepo umuntu uwakunyokela sona kumulyango ghugho akinjilila, loli umuntu wesi afumilaye kumulyango uwakwenannya ghula.

Daniyeli 3:26

Panapo na panapo u mwene u Nebukadineza akapalamila kumulyango ku moto uwa muvuno ghula nukwitizya ukuti, “Mwe babombi aba Chala uwakumwanya nkani, Shadiliki nu Meshaki nu Abedinego, epamo! Zagha kuno!” U Shadilaki nu Meshaki nu Abedinego bakepamo mu muvuno ghula.

Daniyeli 4:9

Nkamubuzya nkati, Wee Belitishazala, we songo uwa bamayele, inzimenye ukuti umuzimu uwa bachala abazelu ghuli mumwako, sona nukuti chitalipo nachimochimo ichakubusyefu chicho chipalapala kukwako. Ichi cho chilota chicho indotite, po losi ulu unsanusizyanje.

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Daniyeli 5:21

Akefiwapo pakasi pabantu, sona inyinong'ono zyache zikaba ngati zya chinyamana. Akikalagha pakasi pampunda sona akalyanga isote ngati ng'ombe, nukunyeka ni nganda mupaka pabumalilo akazyaghannya ukuti u Chala Uwakumwanya Nkani, weyuyo akulaghila sona akumusala wesi yuyo akulonda pakumusala.

Hoseya 5:6

Bo bakubuka ni ng'ozi sona ni ng'ombe zyabo pakumulonda u Mwene, batakwiza pakumwagha. Pachifukwa ichakuti epitepo pakasi papabo.

Amosi 5:22

Napapo mukubika ivyakwiyipa ivyakocha ni vyakwiyipa ivya busu, ntakwiza pakuvipokela. Napapo mukubika ivyakwiyipa ivyabupoka, ntakwiza pakuvipokela, awe.

Ukubelengiwa 7:51

ni nkambaku inyana nu dubi weka, sona na kadubi koka aka mwaka ghoka ukuti chibanje chakwiyipa ichakocha.

Matayi 19:16

Akabalilo kamo umuntu yumo akiza kwa Yesu nukumulalusya ukuti, “Wee Mumanyisi, nkimba imbombe chiza choni ukuti impokele ubumi ubwa bwila na bwila?”

Maliko 12:33

Umughanaye u Chala nu moyo wako ghosi ni nyinong'ono zyako zyosi na maka ghako ghosi. Umughanaye umupalamani wako ukuyana namumo wiyighaniye wemwenecho. Chapamwanya nkani ukukonka indaghilo zibili izi nukuchila ukubika ivyakwiyipa ivya vinyamana ivyakocha ni vinji ivyabupi kwa Chala.”

Maliko 5:7

akakolomoka nkani akati, “Wee Yesu Mwana uwa Chala Uwakumwanya Nkani! Nkimba ukulonda ichoni nane? Nkukulaba mwitabwa ilya Chala, utakanfunde!”

Luka 10:25

Umumanyisi uwa Ndaghilo yumo akiza kwa Yesu nukuyezya pakumutegha. Akalalusya akati, “Wee Mumanyisi, nkimba imbombe ichoni ukuti impokele ubumi ubwa bwila na bwila?”

Yohani 6:26

U Yesu akamula akati, “Naloli nkubabuzya ukuti amwe mutakandonda pachifukwa ichakuti mukennya ivimanyilo, loli pachifukwa ichakuti mukalya ivibama nukwikuta.

Imbombo 16:17

Akamukonka u Pabuli naswe, akukolomoka akati, “Abantu aba babombi aba Chala Uwakumwanya Nkani! Bakubabuzya mumo mungapokeliwa!”

Imbombo 16:30

Po akabafumya kuzi nukubalalusya ukuti, “Mwe basongo, nkimba ningabomba choni ukuti impokiwe?”

Imbombo 2:37

Bo abantu bivwa zinizi, bakapalamasiwa mumoyo, po bakamulalusya u Pitala na batumiwa abanji bakati, “Bakamu bitu, nkimba tubombe choni?”

Aba Efeso 3:14

Pachifukwa ichi, losi ulu nkumufughamilila u Tata,

Aba Hebeli 10:11

Umuputi wesi uwa lufingo ulwakale akwimilila pakubomba imbombo yache isiku ni siku nukubika ivyakwiyipa akinji bulo, loli ivyakwiyipa ivi vitangefya imbibi.

1 Samuweli 15:22

Loli u Samuweli akati, “Nkimba u Mwene akuhoboka ni vyakwiyipa ivyakocha, sona ni vyabupi pamo ukughivwila amazyu ghache? Ukwivwila chintu chizapo ukuchila ichakwiyipa, ukughakonka amalamulo ghache chizapo, ukuchila ichakwiyipa icha mafuta agha dubi.