Mika 6:5 - IBAYIBOLO 2024

⁵ Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Mika 6:5 Iomraidhean Croise

Masalimo 111:4

U Mwene atakulonda ukuti tuluvyanje imbombo zyache izyakuswighisya. U Mwene wachisa sona wachililizi.

Masalimo 143:11

Wee Mwene, sungilila ubumi bwane, pachifukwa icha itabwa lyako. Sona unyefyemo muntamyo pakuti we mugholosu.

Masalimo 36:10

Ubaghanaye abantu babo bakumenye, sona ubalanjizyanje ubulugholosu abantu babo bali na moyo aghanaloli.

Masalimo 71:19

Wee Chala, ubugholosu bwako bwafika mupaka ko kumwanya, sona wabomba ivintu ivikulu nkani, Wee Chala, nkimba wewenu ayanite nawe?

Yesaya 1:27

Pachifukwa ichakuti u Mwene mugholosu, akaya akakulu nkani aka Yelusalemu kakwiza pakupokiwa, poka na bantu bosi babo bapinduka.

Ukubelengiwa 22:41

Indabi yache u Balaki akamusenda u Balamu nukukwela nawe amaghamba agha Bamoti Baala, kuko u Balamu akabennyanga aba Izilayeli akiza bulo.

Ukubelengiwa 23:27

Po u Balaki akamubuzya u Balamu akati, “Twende tubukaye twebosi kubunji, lumo chingamuhobosya u Chala ukuti ungunile abantu banaba kulakula.”

Ukubelengiwa 25:1

Bo aba Izilayeli bali mwikombe ilya Shitimu, abanavuli bakanda pakulowa na bakolo aba mu Mowabu.

Ukubelengiwa 25:2

Abakolo banaba bakabitizya abanavuli kulusekelo lwavyakwiyipa vivyo bakabika ku bachala babo. Abantu bakalya ivyakulya nukubachindika abachala babo.

Ukubelengiwa 31:16

Pakuti abakolo banaba bo babo bakakonka amahala agha Balamu, nukubapuvya aba Izilayeli ukuti batakabe basubiliwa kwa Mwene ku Pewoli, umwakuti ichiwaya chikabawila.

Ukubelengiwa 31:8

Abamwene fayivi aba ba Midiyani babo bakabaghogha bakaba bo aba: U Evi nu Lekemu nu Zuli nu Huli sona nu Leba sona bakabaghogha abantu babo bosi. Bakamughogha wepe nu Balamu umwana uwa Bewoli.

Ukubelengiwa 33:49

Kulakula aba Izilayeli bakazenga ivisakasa vyabo mulubazu ulwa lusoko ulwa Yolodani ukwandila ku Beti Yeshimoti mupaka ku Abeli Shitimu mwikombe ilya Mowabu.

Aba Efeso 2:11

Polelo amwe mwe bantu babo bate ba Yuda, kumbuka ukuti kale mukitiziwanga ukuti mwe bantu abasita ukusilimuliwa na bantu babo bakiyitizyanga ukuti basilimuliwe, (chicho chikubombiwa pamubili ni nyobe izya bantu.)

Ukukumbusya Amalamulo 16:3

Mutakayilyelaye poka ni chibama icha chilungo, loli mulyanje ichibama chicho chite ni chilungo amasiku seveni, chicho chibama icha mayimba, pachifukwa ichakuti mukepamo mu Ijiputi umwalubilolubilo, umwakuti mubumi bwinyu bosi mukakumbukaye akabalilo kako mukepelaghamo mu Ijiputi.

Ukukumbusya Amalamulo 23:6

Mubumi bwinyu bosi, mutakabombaye nachimochimo ichintu ukuti chibavwe abantu aba inko zinizi, umwakuti ivintu vyabo vibendelaye akiza.

Ukukumbusya Amalamulo 8:18

Loli mukumbukaye ukuti we Mwene u Chala winyu yuyo akubapa amaka aghakuti mubanje nu bukabi. Akabomba bunubu pachifukwa ichakuti atakalondagha pakulunangannya ulufingo lwache, lulo akalapa kubanyenya binyu ukuyana namumo vibeleye nilelo.

Ukukumbusya Amalamulo 8:2

Mukumbukaye namumo u Mwene u Chala winyu akabalongolela munkolongo amaka 40 pakubawisizya amayimba ukuti abayelaye umwakuti aghamanye amoyo ghinyu nanti mungaghakonka amalamulo ghache.

Ukukumbusya Amalamulo 9:7

Mukumbukaye namumo mukamukalalizizya u Mwene u Chala winyu munkolongo. Ukwandila pisiku lilyo mukepelaghamo mu Ijiputi mupaka pisiku lilyo mukafikila kuno, amwe mwamusambukila u Mwene.

Yoshwa 2:1

Po u Yoshwa umwana uwa Nuni akabatuma abatendezi babili ukufuma muvisakasa pa Shitimu akati, “Bukagha pakuchitendela ichisu chila, nkaninkani akaya akakulu nkani aka Yeliko.” Abatendezi bala bakabuka nukufikila munyumba iya Lahabu, yuyo akaba we malaya nukwikala mulamula.

Yoshwa 3:1

Pandabindabi nkani u Yoshwa, poka naba Izilayeli bosi bakavisamya ivisakasa vyabo pa Shitimu nukubuka ku Yolodani, nukuzenga ivisakasa vyabo kulakula.

Yoshwa 4:19

Pisiku ilya 10 ilya mwezi uwakwanda, aba Izilayeli bakaloboka ulusoko ulwa Yolodani, nukuzenga ivisakasa vyabo pa Giligali kumpaka iyakubufumilo bwizuba ukwa Yeliko.

2 Pitala 2:15

Bayileka izila ingolosu, sona basobela pakukonka izila iya Balamu umwana uwa Beyoli, yuyo akazighana nkani indalama, zizyo akakaba pachifukwa ichakubomba imbibi.

1 Yohani 1:9

Loli nanti tukwitika imbibi zyitu, u Chala umwenecho yuyo musubiliwa sona mugholosu, akwiza pakutuhobokela imbibi zyitu. Akwiza pakutuswefya ububibi bwitu bosi bubo tukubomba.

Yuda 1:11

Ichighune chabawile pakuti bakonka izila iya Kayini. Pachifukwa icha ndalama, bakananga ukuyana namumo akanangila u Balamu. Bakamusambukila u Chala ukuyana namumo u Kola akamusambukilila, po bakwiza pakunangika ngati weyuyo.

Ubuvumbuli 2:14

“Loli utuntu utunandi bulo tuto nkubasusya nato twakuti, mukasi mumwinyu muli abantu babo bakukonka ichimanyisyo icha Balamu, yuyo akamumanyisya u Balaki namumo angabadebela aba Izilayeli ukuti balye ichakulya chicho chibikiwe ku vifwani ukuti chibanje chakwiyipa, sona nukubomba ubwamalaya.

Abalongi 11:25

Nkimba mukwinong'ona ukuti mwe bizapo ukumuchila u Balaki, umwana uwa Zipola, u mwene uwa ba Mowabu? Nkimba u Balaki akadalinkanapo naba Izilayeli, pamo ukulwa nabo ubwite?

Abalongi 5:11

Teghelezya ichongo icha bimbi paviziba ivya mizi. Bakubapangila abanji nizya ubupoti ubwa Mwene, nizya ubupoti ubwa ba Izilayeli. “Po abantu aba Mwene bakabungana kulakula, abakufuma mutwaya twabo utukulu nkani.

1 Samuweli 12:7

Polelo imilila bulo panapa ukuti imbasusye pamaso pa Mwene pambombo zyosi ingolosu zizyo u Mwene akababombela, amwe poka na banyenya binyu.