Mika 6:3 - IBAYIBOLO 2024

³ “Mwee bantu bane, nkimba imbabombeye ichoni? Nkimba nabalitizya bulibuli? Munyamule.

Mika 6:3 Iomraidhean Croise

Masalimo 50:7

“Ivwa kuno, mwee bantu bane bo nkunena, nkwiza pakubikila ubwakaboni, pakukususya awe Izilayeli. Ane ne Chala, u Chala winyu.

Masalimo 51:4

Nakunangila wewe, sona nabomba ivibibi pamaso papako, umwakuti ukuba mugholosu nanti ukudumula inongwa, sona nukuti ukulongela mubwanaloli.

Masalimo 81:13

“Nanti abantu bane bakanyivwilagha, ngali aba Izilayeli bakabomba vivyo nkavilonda.

Masalimo 81:8

“Mwee bantu bane, ivwa kuno, imbasoke, mwee ba Izilayeli, ngali mukanyivwilagha!

Yesaya 5:4

Nkimba chilipo chicho nkapotwa pakubombapo pamughunda? Po nkimba choni chicho ghukwela amampesya amababe, bo nkulindilila amampesya amiza ghagho intakasubalilagha?

Yelemiya 2:31

Amwe mwe bantu aba nkulilo iya ilelo, ivwa zizyo u Mwene akunena. Nkimba name ne nkolongo kwa Izilayeli pamo ichisu icha chisi ichikulu? Nkimba choni chicho abantu bane bakuti, ‘Aswe twe bantu abasatuke, tutangiza sona kukwako?’

Yelemiya 2:5

U Mwene akukulalusya akuti, “Nkimba bubibi boni bubo abanyenya binyu bakabwagha mumwane, ukuti banchimbile? Bakavyiputa ivifwani ivya mwalwemwalwe nukwipela pakuba bamwalwemwalwe.

Mika 6:5

Mwee bantu bane, kumbuka zizyo u Balaki u mwene uwamu Mowabu, akabatika pakubabombela sona namumo u Balamu umwana uwa Bewoli akamwamulila. Kumbuka ubulendo bwinyu ubwakufuma ku Shitimu ukubuka ku Giligali, ukuti mumanye namumo u Mwene akabapokela.”

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.