Mika 6:2 - IBAYIBOLO 2024

² Mwee maghamba, ivwa ubulongi ubwa Mwene, teghelezya, mwee lwalo ulwa bwila na bwila ulwa chisu chosi ichapasi. Pakuti u Mwene abapiye inongwa abantu bache; akubasusya aba Izilayeli.

Mika 6:2 Iomraidhean Croise

2 Samuweli 22:16

Amakombe agha nyanja ghakaba pabuzelu. Ulwalo ulwa chisu ichapasi lukabonekela pabuzelu. Bo u Mwene akubachemela abalwani bache, sona bo akulufutila nu muyi uwa mumpuno zyache.

2 Samuweli 22:8

“Ichisu ichapasi chikatetemagha nukukayingana, ulwalo ulwa kumwanya lukayingana, lukayingana pachifukwa ichakuti akakalala.

Masalimo 104:5

Akachikazya ichisu ichapasi palwalo lwache. Po chitangayingana napo panandi.

Ivyili 8:29

Nkabapo bo akuyibikila impaka inyanja, umwakuti amizi ghatakadumusannye impaka yilayila, bo akwala ulwalo ulwa chisu ichapasi.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yesaya 3:13

U Mwene iyannya pakulonga inongwa, imilila pakulonga inko zyache.

Yesaya 43:26

Munkumbuzye ivyakale, ukuti tususannye. Munene inongwa zyinyu ukulanjizya, ukuti mutanangite.

Yesaya 5:3

Po ilelo umumanyani wane akuti, “Mwe bantu mwe mukwikala mu Yelusalemu na muchisu icha Yuda, mulonge pakasi pa ane nu mughunda wane uwa mampesya.

Yelemiya 2:9

Polelo u Mwene akuti, “Nkubapa inongwa, nkwiza pakubapa inongwa abanyenya binyu.

Yelemiya 25:31

Izyu likwiza pakwivwika na kubumalilo ubwa chisu ichapasi, pakuti u Mwene akwiza pakuzipa inongwa inko, akwiza pakubalonga abantu bosi, sona ababibi bakwiza pakughoghiwa nupanga. Ane ne Mwene nanena.’ ”

Yelemiya 31:37

U Mwene akuti, “Nanti angaghiwa umuntu uwakupima kumwanya, nukuchitendela ichisu ichapasi, po ane nkwiza pakubakana abaluko bosi aba mu Izilayeli, pachifukwa icha vyosi vivyo babombite.”

Hoseya 12:2

U Mwene abapiye inongwa abantu aba mu Yuda. Akwiza pakumufunda u Yakobo ukuyana ni nkalo yache, sona akwiza pakumutanizya ukuyana ni mbombo zyache.

Hoseya 12:3

Bo ali mulwanda ulwa nyina, akachilema ichitende icha wamwabo, sona bo akula akalwana nu Chala.

Hoseya 4:1

Mwe ba Izilayeli, teghelezya amazyu agha Mwene, pakuti u Mwene abapiye inongwa amwe mwe mukwikala muchisu chinichi. Inongwa yache yo iyi, “Muchisu mutalimo nabumobumo ubusubiliwa pamo ulughano, sona abantu batakubikilako amahala nizya Chala.

Mika 6:1

Teghelezya ku zizyo u Mwene akunena: “Nyamuka, lingannya inongwa yako pamaso pamaghamba; leka utughamba twivwe zizyo ukulonda pakunena.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

Ukukumbusya Amalamulo 4:26

Ilelo kumwanya ni chisu ichapasi bo bukaboni bwane ukuti amwe mukwiza pakuzimila lunulu muchisu chicho mukwiza pakuchifyula nukwikalamo chicho chili kwisila ilya Yolodani. Mutakwiza pakwikalamo akabalilo akatali loli mukwiza pakunanganika.