Biblia Todo Logo
Bìoball air-loidhne

- Sanasan -




Mika 6:16 - IBAYIBOLO 2024

16 Pakuti mwayikonka inkalo iya Omuli ni mbombo nakikalile aka mbumba iya Ahabu sona nukuti mwazikonka inyiho zyabo. Polelo nkwiza pakubanangannya, abantu binyu bakwiza pakubatuka, mukwiza pakusamuliwa na bantu aba inko zyosi.”

Faic an caibideil Dèan lethbhreac




Mika 6:16
31 Iomraidhean Croise  

Bo u Yezibeli akubaghogha abalaghuzi aba Mwene, u Obadiya akabasenda abalaghuzi 100 nukubafisa mumpako zibili, kokuti akabafisa abalaghuzi 50 mumpako yoka, sona abalaghuzi 50 mumpako iyinji. Akabapanga ichakulya na mizi.


Napapo Inyumba iyi nyiza nkani, abantu bosi babo bakudumusannya pano bakwiza pakuswigha nukupukuzya imitu, po bakwiza pakulalusya ukuti, ‘Nkimba choni chicho u Mwene achibombela bunubu ichisu ichi ni Nyumba iyi?’


Akabombagha zizyo abamwene aba Izilayeli bakabombagha, umwakuti akamocha umwana wache umulumendo pakuba chakwiyipa pachifukwa ichakuti akakonkagha inyiho imbibi izya inko izinji, zizyo u Mwene akazichimbizya pamaso paba Izilayeli.


Akazenga sona ubuzilo ubwapamwanya ubwakwiputilapo ivifwani, bubo uwise u Hezekiya akabumongolannya. Akamuzengela sona u Baala ivighemo nukupanga ivifwani ivya Ashela ukuyana namumo u mwene u Ahabu uwamu Izilayeli akabombelagha. Akazyiputagha intondwa nukuzichindika.


Akananga nkani pamaso pa Mwene pakubomba zizyo abamunyumba iya Ahabu bakabomba, pachifukwa ichakuti bakaba bo babo bakamanyisya amahala bo u wise afwa.


Pachifukwa ichakuti abantu bankana nukufukizya utwakununkila ku bachala abanji nukunkalalizya pavyosi vivyo bapangite ni nyobe zyabo, po ane nkwiza pakukakalalila akaya akakulu nkani kanaka, umwakuti ubukali bwane butakwiza pakutozoka nalumolumo.


Musayiwa umuntu, yuyo atakwenda na bantu ababibi, pamo pakwimilila muzila, izya babomba imbibi, pamo pakwikala mukabukatila aka bantu abalobezyo,


Ukabitikizya abapalamani bitu ukuti batusekaye, abantu babo batuzyunguliye bakutusamula nukutobezya.


Ukatupela pakuba chintu ichakusekezya pakasi pabantu aba inko izinji, sona uluko ulwa bantu lukupukuzya imitu yabo nanti bakutwennya.


Akwiza pakuyimila imfwa bwila na bwila. U Mwene Uwamaka Ghosi akwiza pakubasyumula amasozi, nukubefya isoni abantu bache pachisu chosi ichapasi. U Mwene anena.


Pakuti abalongozi babo bakubalongozya abantu bakubasovya, sona babo bakulongoziwa bakupulumpa.


Nkwiza pakukapela akaya akakulu kanaka pakuba chakoghofya nkani sona umuntu wesi yuyo akudumusannyapo palapala akwiza pakuba nubogha sona ni chiswigho pachifukwa icha kunanganika kwache.


Ku Yelusalemu sona na mutwaya utwa Yuda, na bamwene na makambala pakubapela pakuba chisami, nukuba chintu ichakoghofya, nicha kusekiwa nukughuniwa ngati mumo babeleye ilelo,


nkwiza pakubitizya abantu aba kumitu poka nu mubombi wane u Nebukadineza u mwene uwa ku Babiloni sona nkwiza pakuchitumila ubwite ichisu ichi poka na bantu babo bakwikala mulamula sona ninko izya bantu babo babazyunguliye. Nkwiza pakubanangannya nukubapela pakuba chintu ichakoghofya nichakusekiwa sona ichisu chila chikwiza pakwipela chisami icha bwila na bwila.


Nkwiza pakubakonka nu bwite nizala sona ni chiwaya, nkwiza pakubapela pakuba chintu ichinyazu ku bantu bosi aba bumwene ubwa pachisu ichapasi. Bakwiza pakuba bantu baghuniwa na bantu abakoghofya, abakusekiwa naba kusamuliwa pakasi pabantu aba inko izya bantu kuko nkwiza pakubachimbizizyako.


“Mukuti, ‘Twakoziwa isoni, pakuti twasamuliwa, ivyeni vyitu vili nisoni, pakuti abantu abayeni binjila mu Buzilo Ubuzelu ubwa Nyumba iya Mwene.’


Loli abantu bala batakivwila pamo ukubikilako umoyo, mubuzilo bwache bakendelela pakubomba zizyo amoyo ghabo amabibi ghakalondogha. Bakanyokela kwisinda mubuzilo ubwakwendelela.


Wee Mwene kumbuka zizyo zyatuwila, sona ennya namumo bakutukozezya isoni.


Bakwiza pakuluvya isoni zyabo nukusita kusubiliwa kwabo kosi kuko bakandanjizya, bo bakwikala umwakufwasa muchisu chabo ukusita koghofesiwa nu muntu yumo.


Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.


Loli aba Efulayimu bakamukalalizya nkani u Mwene, po bafwanje pachifukwa ichakunanga kwabo. U Mwene akwiza pakubafunda, pachifukwa icha nkozyasoni zizyo babomba.


Abantu aba Efulayimu bakuyiviwa nkani, bakukanyililiwa pasi pabulongi, pakuti badumula pakuzikonka indaghilo izya bantu.


Abantu bakulumbilila kukwane bakuti, “Mutakalumbililaye kukwitu. Mutakalumbililaye ukuyana nazinizi. U Chala atakwiza pakutukozya isoni.”


Polelo, nanda pakukunangannya, pakukupela chisami pachifukwa icha mbibi zyako.


Loli ichintu chicho nkukususya nacho chakuti, ukumwennya bulo umukolo u Yezebelo yula, yuyo akwinena mwene ukuti mulaghuzi. Akubasovya ababombi bane ni chimanyisyo chache nukubamanyisya ukuti babombaye ubwamalaya nukulya ichakulya chicho chibikiwe ku vifwani ukuti chibanje chakwiyipa.


Lean sinn:

Sanasan


Sanasan