Mika 6:12 - IBAYIBOLO 2024

¹² Abantu bache abakabi bavyongo, abantu bache bamyasi, sona bakutamanta bulo.

Mika 6:12 Iomraidhean Croise

Masalimo 120:2

Wee Mwene, mpoka ku bantu aba milomo iyimyasi sona na munyobe izya bazimbuli.

Masalimo 35:20

Batakunenapo nizya mutende, loli bakwighana pakubanena ububibi, babo bakwikala mumutende pachisu ichapasi.

Masalimo 78:36

Loli abene bakaba basubiliwa, bakatamanta pakunena ubumyasi.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 3:8

U Yelusalemu akutantalila bulo sona u Yuda akuwa pasi, pakuti amazyu ghabo ni mbombo zyabo zikumusamula, u Mwene pakunyazya ubuchindamu bwache.

Yesaya 5:7

Umughunda uwa mampesya uwa Mwene Uwamaka Ghosi we Izilayeli, abantu aba mu Yuda vyo vibyalwa vyane vivyo nkuhoboka navyo. Akasubilagha ukuti babombaye ubwanaloli, loli akennyanga ibanda, akasubilagha ubugholosu, loli akivwanga ukulila ukwakuyiviwa kwene.

Yelemiya 9:8

Ululimi lwabo luli ngati kalasilo akakughogha, lukunena izyabumyasi. Numulomo wache akunena nulughano ku mupalamani wache, loli mumoyo wache, akumutegha nakapingo.

Hoseya 7:1

Bo nkuti imbapozye abantu bane aba Izilayeli, zyope imbibi izya Efulayimu zikaboneka pabuzelu, imbombo imbibi izya Samaliya zikavumbuliwa. Abantu bakubomba bo buzimbuli bwene, abiba bakupankula inyumba izya bantu, sona amavyondongo ghakwiba muminalo.

Hoseya 7:13

Baghuniwe abantu banaba, pachifukwa ichakuti bepiteko kukwane. Bananganika pachifukwa ichakuti bansambukiye, nkunyonywa pakubatabula loli bakunzimbula.

Amosi 2:4

U Mwene akuti, “Pakuti abantu aba mu Yuda bakunanga kabilikabili, po ane ntakwiza pakubwisya ubukali bwane. Pachifukwa ichakuti balukana ululaghilo ulwa Mwene sona baghasulannya amalamulo ghache. Pakuti abachala abamyasi babasobezizye, abachala babo abanyenya bakabiputagha.

Amosi 6:4

Chighune ku mwe mukughona pavitala, ivilabannye akiza namino agha zovu, nukwikala pavitengo vyinyu ivitonte nkani, mukulya inyama inyate iya bana abang'ozi ni ngwata inyine.

Zefaniya 1:9

Pisiku lilalila nkwiza pakubafunda, bosi babo bakubiputa aba chala abanji, abantu babo bakwizuzya inyumba izya bachala babo, ni vyongo sona nu bumyasi.

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Imbombo 24:9

Aba Yuda bope bakinjililamo pakunena ukuti zyosi zinizi zikaba zyanaloli.

Aba Loma 3:13

Amamilo ghabo ghasamite ngati gho mapumpa, indimi zyabo zyizuye nu buzimbuli. Amazyu aghakoghofya ghagho ghakufuma mumalomo ghabo ghayanite bulo nubwanga ubwa bachipili.