Mika 6:10 - IBAYIBOLO 2024

¹⁰ Nkimba ningaluvya ubukabi bubo buli munyumba iya bantu ababibi, bubo batakabwaghila mubwanaloli, bakubombezya ivipimilo ivyabumyasi, chinichi cho chintu chicho inchibengite nkani?

Mika 6:10 Iomraidhean Croise

Ivyili 10:2

Ubukabi ubwa buzimbuli butakumupela umuntu pakuba mukabi, loli ubwanaloli bukumupoka umuntu kubufwe.

Ivyili 11:1

U Mwene avibengite ivipimilo ivyabumyasi, loli ivipimilo ivyanaloli vikumuhobosya.

Ivyili 20:10

Ivipimilo vyosi ivyabumyasi u Mwene avibengite.

Ivyili 20:23

Ivipimilo ivyabung'wamu ivyabuzimbuli gho mwiko kwa Mwene sona ivipimilo ivyabumyasi te vyiza.

Ivyili 21:6

Ubukabi ubwakubwaghila mubuzimbuli, buli ngati lyosi, sona chipingo icha bufwe.

Amosi 3:10

U Mwene akuti, “Batamenye na pakubomba ubugholosu, babo bakusunga ivintu ivyakufyula mumalinga ghabo.”

Amosi 3:9

Lumbilila mumalinga agha mu Ashidodi, sona na mumalinga agha mu Ijiputi: “Bungana mumaghamba agha mu Samaliya, umwakuti mwennye ukuvulungana ukukulu nkani, nukuyiviwa kuko kuli pakasi pabantu.”

Mika 6:9

Umulaghuzi akuti, “Teghelezya! Pakulinyila itabwa ilya Mwene gho mahala.” U Mwene akwitizya ku kaya akakulu nkani akuti, “Muyivwile indisa sona na yuyo akayisala.

Zefaniya 1:9

Pisiku lilalila nkwiza pakubafunda, bosi babo bakubiputa aba chala abanji, abantu babo bakwizuzya inyumba izya bachala babo, ni vyongo sona nu bumyasi.

Zekaliya 5:6

Nkalalusya nkati, “Nkimba cho choni?” Akamula akati, “Cho chidudunga ichakupimila.” Akanena sona akati, “Zinizi zyo mbibi izya bantu aba mu Yuda.”

Yoshwa 7:1

Loli aba Izilayeli bamo batakaba basubiliwa pazizyo u Mwene akabalamula ukuti batakasendepo nachimochimo chicho chibaghiye pakunanganika. U Akani umwana uwa Kalimi umwizukulu uwa Zabidi, umwana uwa Zela, yuyo akaba waluko ulwa Yuda akibapo vimo ivintu vila. Po u Mwene akabakalalila nkani aba Izilayeli.