Mika 5:8 - IBAYIBOLO 2024

⁸ Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Mika 5:8 Iomraidhean Croise

Ubwandilo 49:9

Wee Yuda, uli ngati mwana uwa nkalamu, wabwelako pakulema inyama, sona wanyokela kumpanga yako. U Yuda ayanite bulo ni nkalamu inkolo, yiyo yiyanizye pakunyela. Nkimba wewenu mujivu yuyo angayivulungannya?

Masalimo 104:20

Ukachipela ichisi ukuti chibanje busiku, po ivinyamana vyosi ivya munkolongo vikufuma kuzi.

Masalimo 44:5

Pachifukwa icha maka ghako tukubapota abalwani bitu, sona na pachifukwa icha itabwa lyako tukabakanyankila pasi abakulwana naswe.

Masalimo 50:22

“Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Ivyili 30:30

Inkalamu yiyo yamaka nkani ukuvichilla ivinyamana vyosi, sona yitakuchinyila nachimochimo ichinyamana.

Yesaya 5:29

Ukulila kwabo kuli ngati kwa nkalamu, zikubuluma ngati bana aba nkalamu, zikubuluma bo zikulema inyama nukubuka nayo, kuko atalipo nayumo uwakuyipoka.

Ezekiyeli 39:10

Pakuti batakwiza pakubunganika inkwi ukufuma munkolongo pamo pakudumula mumusitu, pachifukwa ichakuti bakwiza pakubombezya ivilwilo pakuba nkwi. Sona bakwiza pakubafyula babo bakabafyulagha sona nukubazompola babo bakabazompolagha, u Mwene Uwamaka Ghosi anena.

Hoseya 5:14

Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.

Mika 2:12

Wee Izilayeli, naloliloli nkwiza pakubabungannya mwebosi poka, naloliloli nkwiza pakubabungannya abantu abakusyalako aba Izilayeli. Nkwiza pakubabungannya ngati ng'ozi muchibagha, sona ngati gho mudimo apakudimilapo, ubuzilo bukwiza pakwizula na bantu abinji nkani.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zekaliya 10:5

Bosi poka bakwiza pakuba ngati bantu abamaka, abakubakanyankila mumatope abalwani babo. Bakwiza pakulwa nkani, pachifukwa ichakuti u Mwene ali nabo, bakwiza pakubapota abakukwela pafalasi.

Zekaliya 11:6

Pakuti ntakwiza pakuba ni chisa na bantu aba muchisu chilachila. Nkwiza pakumubika umuntu wesi munyobe izya mupalamani wache nu mwene wache. Bakwiza pakuchiyivya ichisu, sona ntakwiza pakubapoka munyobe zyabo.” U Mwene anena.

Zekaliya 12:3

Pisiku lilalila, bo inko zyosi izya pachisu ichapasi zimubunganiye, nkwiza pakumupela u Yelusalemu pakuba libwe lilyo litakuyingana pakasi pa inko zyosi. Abantu bosi babo bakuyezya pakuliyingannya bakwiza pakwivulazya bene.

Zekaliya 14:18

Nanti abantu aba muchisu icha Ijiputi batakubukako nukubapo, batakwiza pakuba ni vula. U Mwene akwiza pakuziwisizya inko ichiwaya chicho akaziyivya inko zizyo zikukana pakubukako nukuba nu Lusekelo ulwa Visakasa.

Zekaliya 9:15

akwiza pakubavighilila. Bakwiza pakubapota nukubanangannya pakubasumba na mabwe. Bakwiza pakung'wela nukukolomoka ngati po bakolizwe nu vinyo. Bakwiza pakwizula ni banda ngati nyinga, izyakubombezya pakunyafila inkuto izya chighemo.

Malaki 4:3

“Po Mukwiza pakubakanyankila pasi ababomba mbibi, sona bakwiza pakuba litoyi ilya kunyayo zyinyu pisiku lilyo nkwiza pakubomba zinizi,” U Mwene Uwamaka Ghosi anena.

Ukubelengiwa 24:9

Mukwiza pakuba ngati nkalamu, inkalamu inkolo, nkimba wewenu angachela pakukulamusya? Musayiwa umuntu yuyo akubasaya, mughuniwa umuntu yuyo akubaghuna.”

Matayi 10:14

Nanti abantu bamo munyumba, pamo mukaya batakubapokela akiza pamo ukubateghelezya, epapo pabuzilo bula nukukung'unta ulufumbi munyayo zyinyu pakulanjizya ukuti mwabakana.

Imbombo 18:6

Bo Aba Yuda bamususya nukumusamula, u Pabuli akabamula pakukung'unta ulufumbi munkazo yache nukubabuzya ukuti, “Nanti mwasobela lwinyu nu lwinyu! Yite nongwa yane. Ukwandila pakabalilo aka nkwiza pakubuka pakasi pabantu babo bate ba Yuda.”

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

Aba Hebeli 2:3

Nkimba aswe tungapona bulibuli nanti tutakulemezya ubupoki ubukulu nkani bunubu? Akaba we Mwene yuyo akafumusya tasi ubupoki bunubu, bubo bukasimikiziwa kukwitu na bantu babo bakamwivwa.