Mika 5:7 - IBAYIBOLO 2024

⁷ Abakusyalako aba Yakobo, bakwiza pakwikala pakasi pabantu abinji, ngati nganda iyakufuma kwa Mwene, ngati vula iyakusalasata pisote, bakwiza pakusubila u Chala, batakwiza pakumusubila umuntu.

Mika 5:7 Iomraidhean Croise

2 Samuweli 17:12

Po tukwiza pakulwa nawe ubwite posi papo tungamwagha, sona tukwiza pakulwa ubwite ngati mumo yikuwila inganda, umwakuti nayumoyumo umuntu akwiza pakupona.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 133:3

Chili ngati nganda iya mu Helimoni, yikuwila pighamba ilya Ziyoni. Pakuti kulakula u Mwene akabikako ulusayo lwache, mupaka ubumi ubwa bwila na bwila.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Ivyili 19:12

Ubukali ubwa mwene buli ngati ko kubuluma ukwa nkalamu, loli ichisa chache chili ngati yo nganda pisote.

Yesaya 32:15

mupaka papo Umuzimu ikila papitu ukufuma kumwanya, sona ninkolongo pakuba mughunda uwamuvundo, ghope umughunda uwamuvundo ghukuboneka ngati musitu.

Yesaya 44:3

Pakuti nkwiza pakupungulila amizi pachisu ichanyota, nukubika utusoko pachisu ichumizu, Nkwiza pakupungulila u Muzimu wane pabana binyu, sona nu lusayo lwane pabaluko lwinyu.

Yesaya 55:10

Ngati mumo ivula nukabefu, vikuwila pasi ukufuma kumwanya, sona vitakunyokelako, bo vitasembeleye ichisu, po akumezya imbeyu nukuzikuzya umwakuti chimupanje umulimi inyinulo ni chakulya ichinji.

Yesaya 66:19

“Nkwiza pakubika ichimanyilo pakasi papabo, sona nkwiza pakutuma babo bakapona ku inko, kuchisu icha ku Talishishi nicha ku Libiya nicha Lidiya nicha Tubali sona nicha Gilisi na kuvyisu ivyakubutali ivya mulubazu munyanja vivyo vitivuye ubumanyikwe bwane pamo ukubwennya ubuchindamu bwane. Bakwiza pakufumusya ubuchindamu bwane pakasi pa inko.

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Ezekiyeli 14:22

Napapo bangabapo bamo abakupona batakwiza pakubalongozya abana babo abalumendo na balindu, nanti abantu aba bakwiza kukwako, sona ukwennya inkalo yabo ni mbombo zyabo, ukwiza pakusangalusiwa pachifukwa icha ntamyo zizyo na muwisizya u Yelusalemu sona nintamyo zyosi impalapala zizyo imbombite mulamula.

Ezekiyeli 47:1

Umuntu yula akanyosezya kumulyango uwa Nyumba iya Chala, po nkennya amizi ghakufuma kuzi ukwamulyango ghugho ghukennya kubufumilo bwizuba. Amizi ghala ghakikilagha kuntende ukwa lubazu ulwa Nyumba iya Chala, kuntende ukwa chighemo.

Ezekiyeli 5:5

Po u Mwene Uwamaka Ghosi akuti, “Uyu we Yelusalemu, yuyo namubika pakasi pa inko, ni vyisu vivyo vimuzyunguliye.

Daniyeli 11:32

U mwene yula akwiza pakubazimbula na mazyu aghakubadebula abantu babo bakulunangannya ulufingo. Loli abantu babo bamumenye u Chala bakwiza pakwima nkani.

Hoseya 14:5

Pa ba Izilayeli nkwiza pakuba ngati ne nganda, bakwiza pakubazya ngati bwezya, Abantu banaba bakwiza pakumela amagululuzi, amagululuzi ngati makwi agha mwale mu Lebanoni.

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Yoweli 2:32

Umuntu wesi yuyo akulabila mwitabwa ilya Mwene akwiza pakupokiwa. Pakuti pighamba ilya Ziyoni na mu Yelusalemu mukwiza pakuba ubupoki, ukuyana namumo u Mwene anenela pakasi pabantu abakupona, pakwiza ukwaghiwapo babo u Mwene akubitizya.”

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Mika 2:12

Wee Izilayeli, naloliloli nkwiza pakubabungannya mwebosi poka, naloliloli nkwiza pakubabungannya abantu abakusyalako aba Izilayeli. Nkwiza pakubabungannya ngati ng'ozi muchibagha, sona ngati gho mudimo apakudimilapo, ubuzilo bukwiza pakwizula na bantu abinji nkani.

Mika 4:13

U Mwene akuti, “Wee Ziyoni, nyamuka nukukoma, pakuti nkwiza pakukupa impembe izya chela. Nkwiza pakukupa inyayo izya chela icha mukuba, po ukwiza pakuzipyolannya inko inyinji mu tunanditunandi.” Ukwiza pakumupa u Mwene ubukabi bwabo bubo ukamufyula, sona ukwiza pakumupa ubukabi bwabo bosi u Mwene uwa chisu chosi ichapasi.

Mika 4:7

Abantu abalemazu nkwiza pakubapela pakuba bakusyalako, po babo bakaba bazya lubanje luko ulwa maka. U Mwene akwiza pakubalaghila Pighamba ilya Ziyoni, ukwandila pisiku lilalila mupaka bwila na bwila.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Zekaliya 14:8

Pisiku linilyo amizi amapela bumi ghakwiza pakwendagha ukufuma mu Yelusalemu, u hafu ghakwiza pakwendagha kubufumilo ubwa Nyanja Imfwe, sona u hafu uyunji ghakwiza pakwendagha kubwinjililo ubwa Nyanja iya Medeteleniya pachisanya napa chisiku.

Zekaliya 9:13

Nkwiza pakumupeta u Yuda ngati bwele, sona u Efulayimu akwiza pakuba tulasilo twache. Wee Ziyoni, nkwiza pakubanyamusya abana bako, umwakuti balwe na bantu aba ku Gilisi, nkwiza pakukupela pakuba wepanga uwa balwabwite abamaka nkani.”

Matayi 28:19

Po bukagha pakasi pabantu aba inko zyosi nukubapela pakuba bamanyili bane. Mubozyanje mwitabwa ilya Tata, nilya Mwana nilya Muzimu Umuzelu.

Imbombo 11:15

Bo nanda pakunena, u Muzimu Umuzelu akikila papabo ukuyana namumo zikabela naswe pabwandilo.

Imbombo 13:46

Loli pope bulo u Pabuli nu Balanabasi bakanena nu bujivu bakati, “Chikaba chakulondiwa ukuti amazyu agha Chala ghalumbililiwe tasi kukwinyu. Loli pakuti mwaghakana, sona ukuti mukwinong'ona mutabaghiye pakupokela ubumi ubwa bwila na bwila, tukwiza pakubaleka nukubuka pakasi pabantu babo bate ba Yuda.

Imbombo 16:9

Pabusiku u Pabuli akennya ichisetuka mumo akennya umuntu uwa muchigaba icha Makedoniya imiliye nukumulaba ukuti, “Wize kuno ku Makedoniya ukuti utwavwe!”

Imbombo 9:15

U Mwene akamubuzya akati, “Bukagha pakuti namusala ukuti ambombele, ukufumusya itabwa lyane pakasi pabantu babo bate ba Yuda, na bamwene, sona na pakasi paba Izilayeli.

Aba Loma 10:20

Sona u Yesaya akanena nu bujivu nkani akati, “Nkaghiwa na babo batakandondagha. Nkababonekela babo batakandaba.”

Aba Loma 11:12

Imbibi izya ba Yuda zikiza nu lusayo ulukulu nkani kuchisu ichapasi, sona izala yabo iya buzimu yikiza nu lusayo ulukulu nkani pabantu babo bate ba Yuda. Po nkimba lusayo lukulu loni lulo lukwiza pakubako, bo ubwinji ubwa ba Yuda bonjelelako?

Aba Loma 9:30

Po nkimba tungati choni? Tunganena ukuti abantu babo bate ba Yuda babo batakalondagha ukwinena bene pakuba bantu bagholosu pamaso pa Chala, ilelo baneniwa ukuti bantu bagholosu pantazi papache ukwendela mu lwitiko,

1 Aba Kolinti 3:6

Ane nkabyala imbeyu, wepe u Apolo akasembelela amizi, loli akaba we Chala yuyo akayimezya imbeyu yila.

Ukukumbusya Amalamulo 32:2

Ivimanyisyo vyane vitimaye ngati yo vula, sona amazyu ghane ghabanje ngati yo nganda. Ngati ko kavula akakusalasata, amazyu ghane ghawanje pisote ghatimaye pisote iteta ngati yo vula inyinji nkani.

Abalongi 6:36

U Gidiyoni akamubuzya u Chala akati, “Nanti ungabapoka aba Izilayeli pakubombezya inyobe yane ukuyana namumo wandayizizya,