Mika 5:6 - IBAYIBOLO 2024

⁶ Bakwiza pakuchimala ichisu icha Asiliya nupanga, sona ni chisu icha Nimulodi. Akwiza pakutupoka munyobe izya Asiliya, bo bakwiza muchisu chitu nukwenda mumpaka zyitu.

Mika 5:6 Iomraidhean Croise

2 Abamwene 15:29

Pakaba po pakabalilo aka mwene u Peka uwamu Izilayeli, kako u mwene u Tigilati Pileseli uwamu Asiliya akakafyula akaya akakulu nkani aka Iyoni naka Abeli Beti Maaka naka Yanowa naka Kedeshi, sona naka Hazoli. Akachifyula ichigaba icha Giliyadi, nicha Galileya sona ni chisu chosi icha Nafutali nukubasenda abantu bosi aba mula nukubuka nabo ku Asiliya pakuba bakayidi.

1 Imbili 1:10

U Kushi akapapa: U Nimulodi yuyo akaba muntu wakwanda pakuba musilikali uwamaka nkani pachisu ichapasi.

2 Imbili 33:11

Po u Mwene akabatumila abasongo aba basilikali abamwene aba mu Asiliya, po bakamulema u Manase pakuba mukayidi, nukumubika indobani pampuno, bakamupinya ni minyololo iya mukuba nukubuka nawe ku Babiloni.

Yobu 29:22

Bo nanena batakanenepo sona, po amazyu ghane ghakabinjila.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 72:6

Akwiza pakuba ngati vula yiyo yikutima pamaghunda, sona ngati vula iyakusalasata pachisu.

Yesaya 14:2

Inko izinji zikwiza pakubavwa aba Izilayeli pakunyokela mubuzilo ubwabo nu bwabo. Inko inyinji zikwiza pakumubombela u Izilayeli, ngati bambombo abanavuli naba mbombo abakolo muchisu icha Mwene. Babo bakabalema aba Izilayeli bakwiza pakulemiwa pakuba bazya, nukubalaghila babo bakabayivyanga.

Yesaya 14:25

Nkwiza pakubanangannya aba Asiliya babo bali muchisu chane, nukubakanyankila pamwanya pighamba lyane. Po ikoli likwiza pakwefiwapo pabantu bane, poka nu katundu pavipunko vyabo.”

Yesaya 33:1

Chighune kukwako we mughoghi, we utananganikitepo! Wee muzimbuli, chighune kukwako, nayumo yuyo atakuzimbuyepo nalumo. Nanti wamalizya pakunangannya, nawe bakwiza pakukunangannya, nanti waleka ubuzimbuli, nawe bakwiza pakukubombela izya buzimbuli.

Yesaya 37:36

Po uwantumi uwa Mwene akabuka muvisakasa ivya ba Asiliya nukubaghogha abalwabwite 185,000. Bo abantu balamusya bulo pandabindabi bakagha ukuti imivimba yilambalaye!

Yesaya 37:37

Po u mwene u Senakelibu uwamu Asiliya akanyokela ku Ninive nukwikala kulakula.

Yesaya 6:13

Napapo ichigaba icha bantu 10 chingalekiwa muchisu, pope bulo chikwiza pakuba chisami. Ngati mumo ibanga nu mupandapanda ghakuleka ichisinko bo ghadumuliwa. Ichisinko chila yo mbeyu izelu muchisu.”

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Nahumu 2:11

Nkimba yili ko kwiyi impako iya nkalamu, ubuzilo bubo zikalyesezyangako utwana twabo, kuko inkalamu inyanavuli ni nkolo zikabuka, sona utwana tutakunyila nachimochimo?

Zefaniya 2:13

U Mwene akwiza pakulanjizya amaka ghache pakulwana nichigaba icha kumitu nukumunangannya u Asiliya, akwiza pakukapela akaya aka Ninive pakuba chisami, sona chikwiza pakuba chumizu ngati nkolongo.

Zefaniya 3:12

Loli nkwiza pakubaleka pakasi papinyu abololo na bakwiyisya, babo bakuchimbilila kukwane, kune Mwene.

Luka 1:71

Akatulayizya ukuti akwiza pakutupoka munyobe izya balwani bitu ukufuma munyobe izya bosi babo bakutubenga.

Luka 1:74

ukuti akwiza pakutupoka munyobe izya balwani bitu nukutwitikizya ukuti tumubombele umwakusita ubogha,

Luka 24:27

Sona u Yesu akalingannya kukwabo zizyo zikaneniwa nizya yuyo mu Masimbo ghosi, ukwandila mu mabuku agha Mozesi mupaka na mumasimbo ghosi agha balaghuzi.

Ukukumbusya Amalamulo 32:2

Ivimanyisyo vyane vitimaye ngati yo vula, sona amazyu ghane ghabanje ngati yo nganda. Ngati ko kavula akakusalasata, amazyu ghane ghawanje pisote ghatimaye pisote iteta ngati yo vula inyinji nkani.