Mika 4:9 - IBAYIBOLO 2024

⁹ Nkimba choni chicho ukulila umwakukwezya amazyu? Nkimba ute nu mwene? Nkimba uwakukumanyisya amahala afuye, pakuti ububavu bwakulema ngati mukolo yuyo akupapa?

Mika 4:9 Iomraidhean Croise

Yesaya 13:8

Ivyakoghofya nivyakubaba vikwiza pakubalema, bakwiza pakuba mububavu ngati, mukolo yuyo ali pakupapa. Bakwiza pakuswighanagha, ivyeni vyabo vikwiza pakuba ni soni.

Yesaya 21:3

Zizyo nkazyennya nukuzyivwa muchisetuka zikampelela ubogha nu bubavu, ububavu ngati ubwa mukolo yuyo ali pakusayiwa. Nkutantalila nazizyo nkwivwa, sona zizyo nkuzyennya zinkuvulungannya.

Yesaya 26:17

Wee Mwene watulizya, ngati mumo akulilila umukolo yuyo ali pakupapa,

Yelemiya 22:23

Amwe mwe mukwikala munyumba zizyo zizengiwe na makwi agha mwale aghakufuma ku Lebanoni, mukwiza pakulila ngati mukolo yuyo ali mububavu pakabalilo akakupapila.”

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Yelemiya 4:21

Nkimba imbaghiye pakwennya indembela iya bwite mupaka liyi? Nkimba imbaghiye pakwivwa ukulila ukwa ipati mupaka liyi?

Yelemiya 4:31

Nkivwa ukulila ngati po kwa mukolo yuyo ali pakusayiwa, ukukoloma ukwa yuyo akupapa umwana ukatote. Ukulila ukwa bantu aba mu Ziyoni bo bali pakubulonda ubumi bwabo, bakugholosya inyobe zyabo bakuti, “Mwee nkuzilika! Ubumi bwane bwabikiwa munyobe izya baghoghi.”

Yelemiya 48:41

Akaya akakulu nkani aka Keliyoti kakwiza pakulemiwa, sona amalinga ghakwiza pakufyuliwa. Pisiku lilalila amoyo agha basilikali aba Mowabu ghakwiza pakuba ngati moyo uwa mukolo yuyo ali pakusayiwa.

Yelemiya 50:43

U mwene uwamu Babiloni ivuye nizya mbili yabo, sona amaka ghamumalila. Ubogha bwamulema ngati bubavu ubwa mukolo yuyo akusayiwa.

Yelemiya 8:19

Ivwa ukulila ukwa bantu bane abakufuma kuchisu icha kubutali, “Nkimba u Mwene atalimo muchisu icha Ziyoni? Fwandi u mwene atalimo mulamula?” U Mwene akwamula akuti, “Nkimba choni chicho bakunkalalizya ni vifwani vyabo? Sona ni vifwani vyabo iviyeni vivyo vite nimbombo nayimoyimo?”

Nkuto 4:20

Bakamughogha ni chipingo umupakiwa uwa Mwene, yuyo muyi witu uwenecho uwa bumi bwitu. Po tukinong'onagha ukuti aswe twe tukwikala pakasi inko izinji, tukwiza pakwavwiliziwa.

Hoseya 10:3

Po bakwiza pakunena ukuti, “Tute nu mwene, pakuti tutakamuchindikapo u Mwene. Napapo tukaba nu mwene, nkimba po ngali atubombeye ichoni?”

Hoseya 13:13

Ububavu ubwa mukolo yuyo ali pakusayiwa bwabawila, loli u mwana ate na mahala. Bo akabalilo kafikila atakulonda pakufuma pakabalilo kache.

Hoseya 3:4

Pakuti aba Izilayeli bakwiza pakwikala amasiku aminji nkani bo bate nu mwene pamo umulongozi bo batakubika ivyakwiyipa pamo pakuba na mabwe amazelu pamo u efodi pamo ichifwani.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Yohani 16:21

Nanti umukolo ali papipi pakusayiwa, akulwika pakuti akabalilo kache akantamyo kakwana, loli nanti umwana apapiwa, akuluvya intamyo zyache zila pakuti akuhoboka nkani ukuti umwana apapiwa muchisu.

Ubuvumbuli 12:2

Umukolo yula akamela ulwanda, bo ali pakusayiwa, akakolomoka nkani pachifukwa icha bubavu pakupapa.