Mika 4:5 - IBAYIBOLO 2024

⁵ Inko zyosi zikumuchindika, nukumwivwila u chala wabo, loli aswe tukwiza pakumwiputa nukumwivwila u Mwene u Chala witu bwila na bwila.

Mika 4:5 Iomraidhean Croise

Ubwandilo 17:1

Bo u Abulamu ali na maka 99, u Mwene akamubonekela nukumubuzya ukuti, “Ane ne Chala Uwamaka Ghosi. Unyivwilaye, sona bombagha chicho chigholosu.

2 Abamwene 17:29

Loli uluko losi lukipangila lwene ichifwani mutwaya utukulu utwakulekanalekana mumo bakikalagha nukuvibika munyumba izyakwiputilamo zizyo aba Samaliya bakazenga pabuzilo ubwapamwanya ubwakwiputilapo ivifwani.

2 Abamwene 17:34

Bachili bakubomba bunubu mupaka nilelo bulo. Batakamwiputagha u Mwene, pamo ukuzikonka indaghilo zyache, na malamulo ghagho akabalamula abaluko ulwa Yakobo, yuyo akamwita ukuti we Izilayeli.

Masalimo 20:6

Losi ulu nazimanya ukuti u Mwene akumupoka umupakiwa wache. Bo ali kubuzilo bwache ubuzelu kumwanya, akumwamulagha, sona akumupoka na maka amakulu agha nyobe yache indilo.

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Masalimo 71:16

Wee Mwene Uwamaka Ghosi, nkwiza pakufumusya nizyamaka ghako amakulu, sona nkwiza pakulumbilila nizya bugholosu ubwako nu bwako.

Yesaya 2:5

Mwee baluko ulwa Yakobo, zagha twendaye mulukozyo ulwa Mwene.

Yesaya 26:13

Wee Mwene u Chala witu, napapo tukulaghiliwa na banji, loli tukulichindika itabwa lyako mpela.

Yesaya 26:8

Eee Mwene tukuzikonka izila zyako izya ndaghilo zyako, po tukukulindilila, u moyo witu ghukulonda nkani pakulikumbuka itabwa lyako, sona nukulichindika.

Yelemiya 32:40

Nkwiza pakufingana nabo ulufingo ulwa bwila na bwila, ntakwiza pakuleka pakubabombela inyiza. Nkwiza pakubapa u moyo uwakunnyila umwakuti batakansambukile sona.

Zekaliya 10:12

Nkwiza pakubakazya abantu bane mwa Mwene, sona mwitabwa lyache bakwiza pakwenda.” U Mwene anena.

Imbombo 14:16

Kale u Chala akabitikizya abantu bosi pakubomba imbombo zyabo zizyo bakinong'onagha ukuti ngolosu.

Ukukumbusya Amalamulo 27:10

Po mumwivwilaye u Mwene u Chala winyu nukuzikonka indaghilo zyache, sona na malamulo ghache ghosi ghagho nkubapa ilelo.”

Aba Kolosi 2:6

Pakuti mwamwitika Kilisitu u Yesu pakuba we Mwene, po mwendelele pakwikala mukumamatilana poka nawe.

Aba Kolosi 3:17

Chosi chicho mukubomba, manyi mukanenele, manyi mumbombo, mubombelaye mwitabwa ilya Mwene u Yesu, bo mukumupalizya u Chala u Tata ukwendela mumwache.

Yoshwa 24:15

Nanti mutakulonda pakumubombela u Mwene, po ilelo musalepo yuyo mukwiza pakumubombelagha manyi abachala aba abanyenya binyu, babo bakabachindikagha mulubazu lwalusoko, pamo abachala aba ba Amoli, muchisu chicho mukwikalamo. Loli ane na bamunyumba yane tukwiza pakumubombela u Mwene.”