Mika 4:4 - IBAYIBOLO 2024

⁴ Umuntu wesi akwiza pakwikala mukazundila aka mampesya ghache, sona na mukazundila aka makuyu ghache. Po atalipo nayumoyumo yuyo akwiza pakuboghofya, pakuti u Mwene Uwamaka Ghosi anena.

Mika 4:4 Iomraidhean Croise

1 Abamwene 4:25

Pakabalilo kosi aka Solomoni, abantu bosi aba muchisu icha Yuda nicha Izilayeli bakaba mubwabuke, ukwandila ku Dani mupaka ku Belisheba. Umuntu wesi akikalagha umwakufwasa mu mampesya aghache na ghache, sona na makwi agha ikuyu.

1 Abamwene 5:5

Polelo nkubatika pakumuzengela Inyumba u Mwene u Chala wane ukuyana namumo akamubuzizya utata wane u Devedi ukuti, ‘Umwana wako yuyo nkwiza pakumwikazya pachitengo chako akwiza pakunzengela inyumba iya kunchindikilamo.’

Yobu 11:19

Ukwiza pakulambalala, umwakusita umuntu nayumoyumo uwakukughofya, sona abantu abinji bakwiza pakukulaba ukuti ubavwe.

Masalimo 72:3

Amaghamba ghakwiza pakubizila abantu numutende, utughamba tope tukwiza pakwiza ni seke izya bugholosu.

Ivyili 3:25

Utakanyilaye ivintu vivyo vikwiza umwakuchenusya bulo, pamo ukunanganika kuko kukubawila abantu ababibi.

Yesaya 1:20

Loli nanti mukunkana nukunsambukila mukwiza pakughoghiwa nupanga.” Pakuti ane ne Mwene nanena.

Yesaya 17:2

Utwaya utukulu nkani utwa mu Asiliya tukwiza pakuba tusita bantu, sona tukwiza pakuba buzilo ubwakudimilamo ivitekwa, atalipo nayumo yuyo akwiza pakuvyoghofya

Yesaya 22:25

“Pisiku lilalila,” U Mwene Uwamaka Ghosi akati, “Akakwi kako kakasimikiwa pabuzilo bwache ubukafu kakwiza pakunyukuliwa, kakwiza pakudumuliwa nukuwa pasi, ukatundu yuyo akapayikiwa pamwanya akwiza pakunanganika.” U Mwene anena.

Yesaya 26:16

Wee Mwene muntamyo zyabo bakakulonda, bakalaba kukwako, bo wabafunda.

Yesaya 32:17

Ivikomwa ivya bugholosu vikwiza pakuba mutende, ivikomwa ivya bugholosu ko kwikala umwa myee nukufwasa bwila na bwila.

Yesaya 36:16

“Mutakamuteghelezyanje u Hezekiya. Izi zyo zyizyo u mwene uwamu Asiliya akunena akuti, ‘Twitinkane ukuti pabe umutende pakasi pa amwe naswe. Po umuntu wesi uwa amwe akwiza pakulya ivikomwa ivya ikwi lyache ilya mampesya nilya chikuyu nukung'wela amizi aghakufuma muntamba iya mizi iyache ni yache.

Yesaya 40:5

Po ubuchindamu ubwa Mwene bukwiza pakuvumbuliwa, sona abantu bosi bakwiza pakwennya.” U Mwene anena.

Yesaya 54:14

Mukwiza pakwikalana mubugholosu, abantu babo bakakuyivyanga, bakwiza pakuba kubutali nawe, sona mutakwiza pakunyilagha nachimochimo, Po chitakwiza pakukupalamila.

Yesaya 58:14

po mukwiza pakulwagha ulusekelo mwa Mwene, sona nkwiza pakubakwezya pabuzilo ubwapamwanya, nukubalyesekezya pachilingo icha munyenya winyu u Yakobo.” U Mwene anena.

Yelemiya 23:4

Nkwiza pakubalondela abalongozi babo bamenye pakubasungilila sona batakwiza pakunyilagha pamo ukoghofiwa, pamo pakusobelapo. Ane ne Mwene nanena.

Yelemiya 30:10

“Wee Yakobo umubombi wane, utakanyilaye, wee Izilayeli, utakabanje nubogha. Naloliloli nkwiza pakukupoka ku vyisu ivyakubutali, na banyenya bako ukufuma kuchisu icha buzya. Abaluko ulwa Yakobo bakwiza pakunyokela muchisu chabo, sona bakwiza pakwikala akiza nkani mumutende nu mwakufwasa, sona atakwiza pakubapo nayumoyumo uwakuboghofya.

Ezekiyeli 34:25

“ ‘Nkwiza pakufingana nabo ukuti bikalaye mumutende nukuvichimbizyamo ivinyamana muchisu ukuti ing'ozi zyane zyikalaye munkolongo nukughona bulo mumusitu umwakufwasa.

Ezekiyeli 34:28

Inko zitakwiza pakubafyula ivintu vyabo, sona ivinyamana ivya muzi vitakwiza pakubaghogha nukubalya. Bakwiza pakwikalagha umwakufwasa, sona atalipo nayumoyumo umuntu uwakuboghofya.

Ezekiyeli 38:11

ukwiza pakunena ukuti, “Nkwiza pakulwa ni chisu chicho chili nutwaya utusita amalinga, nkwiza pakubanyelela abantu babo bakwikala umwakufwasa, sona batavighililiwe na malinga pamo ninyiyi pamo nimpingwi.

Ezekiyeli 39:26

Bakwiza pakuluvya isoni zyabo nukusita kusubiliwa kwabo kosi kuko bakandanjizya, bo bakwikala umwakufwasa muchisu chabo ukusita koghofesiwa nu muntu yumo.

Aba Levi 26:6

Nkwiza pakubapa umutende muchisu chinyu. Mukwiza pakughonagha ukusita pakunyila nachimochimo. Nkwiza pakuvichimbizyamo ivinyamana ivyakoghofya muchisu chinyu, sona mutakwiza pakubamo ubwite.

Mika 5:3

Polelo u Mwene akwiza pakubabika aba Izilayeli munyobe izya balwani, mupaka pakabalilo kako umukolo yuyo ali nulwanda asayiwe, sona abanji bosi abaluko lwache bakwiza pakunyokela nukwikala poka naba Izilayeli.

Zefaniya 3:13

Abakusyalako aba Izilayeli batakwiza pakunanga, batakwiza pakunena ubumyasi, pamo ubuzimbuli ukuti bwaghiwe mumilomo yabo. Bakwiza pakulya nukulambalala, sona atalipo nayumoyumo yuyo akwiza pakuboghofya.”

Zekaliya 3:10

“ ‘Pisiku linilyo, umuntu wesi uwa amwe akwiza pakumwitizya umupalamani wache ukuti ikale mukazundila aka mampesya ghache sona naka ikuyu.’ ” U Mwene Uwamaka Ghosi anena.