Mika 4:3 - IBAYIBOLO 2024

³ Akwiza pakulonga pakasi pa inko inyinji, pakasi pa inko izyamaka, izya papipi nizya kubutali bulo. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Mika 4:3 Iomraidhean Croise

Masalimo 46:10

“Banga bulo myee, sona uzimanye ukuti ne Chala, sona abantu aba inko izinji bakwiza pakumpala, bope abantu aba muchisu ichapasi bakwiza pakunkwezya.”

Masalimo 46:9

Akumazya ubwite mupaka kubumalilo ubwa chisu ichapasi, sona akubupolannya ubwele ni mpalala, nukuzyocha ingulu.

Masalimo 72:3

Amaghamba ghakwiza pakubizila abantu numutende, utughamba tope tukwiza pakwiza ni seke izya bugholosu.

Masalimo 72:7

Pakabalilo kache umugholosu akwiza pakubako, sona ivintu vikwiza pakwenda akiza nkani mupaka umwezi ghuleke pakulama.

Masalimo 82:8

Wee Chala, vundumuka, chilongaye ichisu ichapasi, pakuti abantu aba inko zyosi yo mpyana yako.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Yesaya 2:4

Akwiza pakulonga pakasi pa inko inyinji, pakasi pa bantu abinji,. Abantu bakwiza pakusyana abapanga babo pakuba majembe, sona impalala zyabo pakuba sengo. Inko zitakwiza pakulwa ubwite ninko izinji, pamo pakumanyila sona akalwile aka bwite.

Yesaya 25:3

Polelo inko izya bantu abamaka zikwiza pakukuchindika, inko zizyo zite ni nkalo zikwiza pakukunyila.

Yesaya 51:5

Ubugholosu bwane bukupalamila lubilolubilo, ubupoki bwane buli muzila. Ivyisu ivya mulubazu munyanja vikundindilila, vikundindilila nulusubilo ukuti invipoke.

Yesaya 60:12

Pakuti uluko pamo ubumwene, bubo butakukubombela bukwiza pakuzimila, ubumwene bukwiza pakumalila zila.

Yesaya 65:25

Abakambwe nu mwana uwa ng'ozi vikwiza pakulyanga poka, sona inkalamu yikwiza pakulya isote, ngati ng'ombe, po ulufumbi lukwiza pakuba chakulya icha njoka. Kutakwiza pakuba ukuvulazannya, pamo ukughoghana mwi ghamba lyane izelu.” U Mwene anena.

Yesaya 9:7

Ukonjeleziwa ukwa bulaghili bwache nu mutende butakwiza pakumala. Akwiza pakulaghila pachitengo icha Devedi napabumwene bwache, pakubwikazya nukubukuzya mubwanaloli nu bugholosu ukwanda pakabalilo kalakala sona bwila na bwila. Ulweke ulwa Mwene Uwamaka Ghosi lukwiza pakuzimalizya zinizi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Hoseya 2:18

Mumasiku ghalaghala nkwiza pakufinga ulufingo ni vinyamana ivyamunkolongo, ni viyuni, sona ni vinyamana vivyo vikwavula. Nkwiza pakumazya ubwele, na bapanga, sona nu bwite, umwakuti bikalaye umwakufwasa.

Hoseya 2:20

Nkwiza pakukuzingila mubusubiliwa, po ukwiza pakumanya ukuti ane ne Mwene.

Yoweli 3:2

nkwiza pakuzibungannya inko zyosi, nukwika nazyo kwikombe ilya Yehoshafati. Nkwiza pakuzipa inongwa inko ukuyana ni mpyana iya bantu bane aba Izilayeli, pachifukwa ichakuti babanyampanizye abantu bane pakasi pa inko, sona bagabana ichisu chane.

Mika 5:15

Mubukalale sona na mubukali bwane, nkwiza pakuzitanizya inko zyosi zizyo zitakanyivwila.”

Zekaliya 14:3

Po u Mwene akwiza pakwepamo nukulwa ubwite ninko zinizyo, ukuyana namumo akulwila pisiku ilya bwite.

Zekaliya 8:20

U Mwene Uwamaka Ghosi akuti, “Akabalilo kakwiza kako inko inyinji izyakufuma mutwaya utwinji utukulu nkani sona na bantu babo bakwikala mulamula bakwiza pakwiza mu Yelusalemu.

Zekaliya 9:10

U Mwene akuti, “Nkwiza pakuzyefya ingolo izya bwite kwa Efulayimu, sona ifalasi izya bwite kwa Yelusalemu, bope ubwele ubwakulwila ubwite bukwiza pakupyoliwa. U mwene winyu akwiza pakufumusya umutende pakasi pa inko zyosi. Ubulaghili bwache bukwiza pakwandila kunyanja mupaka kunyanja iyinji, ukwandila sona kulusoko ulwa Yufuleti mupaka kubumalilo ubwa chisu.

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

Ubuvumbuli 19:11

Pisinda pache nkennya kumwanya kwighukite, po nkennya ifalasi inswepu. Uwakukwelapo akaba we Musubiliwa sona Wanaloli. Akulonga nukulwa ubwite bwache mubwanaloli.

1 Samuweli 2:10

Abantu babo bakususannya nu Mwene, bakwiza pakuzimila, sona akwiza pakubapayila ukufuma kumwanya. U Mwene akwiza pakubalonga mupaka kubumalilo ubwa chisu ichapasi. “Akwiza pakumupa amaka u mwene wache, nukughakwezya amaka agha lupembe ulwa mupakiwa wache.”