Mika 4:2 - IBAYIBOLO 2024

² Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Mika 4:2 Iomraidhean Croise

Masalimo 110:2

U Mwene akwiza pakonjelezyako amaka, agha bumwene bwako ukwandila ku Ziyoni, Po akwiza pakukubuzya ukuti, “Ubalaghililaye abalwani bako.”

Masalimo 119:1

Basayiwa babo inkalo yabo yite ni chilema nachimochimo, babo bakwenda ukuyana nu lulaghilo ulwa Mwene.

Masalimo 119:171

Umulomo wane ghukupalaye akabalilo kosi, pachifukwa ichakuti ukumanyisya indaghilo zyako.

Masalimo 122:1

Nkahoboka bo bambuzya ukuti, “Twende tubukaye ku Nyumba iya Mwene.”

Masalimo 25:12

Nkimba pali umuntu yumo uwakumunyila u Mwene? Po u Mwene akwiza pakumumanyisya izila izyakuti asale.

Yesaya 2:3

Inko inyinji zikwiza pakunena ukuti, “Zagha, twende tukwele pighamba ilya Mwene, ku Nyumba iya Chala uwa Yakobo. Akwiza pakutumanyisya izila zyache, umwakuti twendaye mumo.” Pakuti ululaghilo lukwiza pakufumila ku Ziyoni, sona ivimanyisyo ivya Mwene vikwiza pakufumila mu Yelusalemu.

Yesaya 54:13

Abana bako bosi bakwiza pakumanyisiwa nu Mwene, sona bakwiza pakwikala mumutende.

Yesaya 56:7

nkwiza pakwiza nabo pighamba lyane izelu, nukubapa ulusekelo munyumba yane iya kwiputilamo. Ivyakwiyipa vyabo ivyakocha sona ni vyakwiyipa, vikwiza pakupokeliwa pachighemo chane, pakuti inyumba yane yikwiza pakwitiziwa ukuti nyumba iya kwiputilamo inko zyosi.”

Yelemiya 31:6

Akabalilo kakwiza pakufikila, kako abalindilili aba pamaghamba agha Efulayimu bakwiza pakukolomoka ukuti, ‘Tubukaye ku Ziyoni, kwa Mwene u Chala witu.’ ”

Yelemiya 42:3

Utulabileko kwa Mwene u Chala witu ukuti atubuzye kuko tubukaye sona nachicho tungabomba.”

Hoseya 6:3

Zagha tumumanye u Mwene, zagha tulemezye nkani pakumumanya. Naloliloli akwiza pakuboneka ngati ko kubuche. Akwiza pakutwizila ngati mumo yibeleye ivula pachisiku, sona ngati mumo yikutimila ivula pachisu ichapasi pakabalilo aka lupepo.”

Zekaliya 14:16

Po abantu bosi abakusyala bumi pakasi pa inko, babo bakalwanga ubwite nu Yelusalemu, bakwiza pakubukagha pakumwiputa u Mwene, umwaka nu mwaka u Mwene Uwamaka Ghosi nukuba nu Lusekelo ulwa Visakasa.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Zekaliya 9:10

U Mwene akuti, “Nkwiza pakuzyefya ingolo izya bwite kwa Efulayimu, sona ifalasi izya bwite kwa Yelusalemu, bope ubwele ubwakulwila ubwite bukwiza pakupyoliwa. U mwene winyu akwiza pakufumusya umutende pakasi pa inko zyosi. Ubulaghili bwache bukwiza pakwandila kunyanja mupaka kunyanja iyinji, ukwandila sona kulusoko ulwa Yufuleti mupaka kubumalilo ubwa chisu.

Maliko 16:20

Abamanyili bakabuka nukulumbilila posi na posi. U Mwene akabombagha nabo nukusimikizya ukuti ubulumbilili bwabo bwanaloli, chifukwa icha vyika vivyo bakabombagha.] [

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Yohani 6:45

Abalaghuzi bakasimba bakati, ‘Bosi bakwiza pakumanyisiwa nu Chala.’ Umuntu wesi yuyo akwivwa zizyo u Tata akunena nukumanyila kukwache, weyuyo akwiza kukwane.

Yohani 7:17

Umuntu wesi yuyo akulonda pakubomba vivyo u Chala akulonda, akwiza pakumanya nanti vivyo nkumanyisya vifumite kwa Chala pamo nkunena nu bulaghili ubwane nu bwane.

Imbombo 1:8

Loli bo u Muzimu Umuzelu iza papinyu, mukwiza pakupokela amaka, po mukwiza pakuba mwe bakaboni bane mu Yelusalemu, na mu Yudeya mosi, sona na mu Samaliya, mupaka na kumpaka iya chisu ichapasi.”

Imbombo 13:42

Bo u Pabuli nu Balanabasi bakepamo munyumba iyakwiputilamo, abantu bakabitizya ukuti bize sona Pisiku Ilyakutuzya ilinji ukuti bababuzye inyinji nizya vintu vinivi.

Aba Loma 15:19

sona nukwendela mu vyika ni viswigho, sona na maka agha Muzimu Umuzelu uwa Chala. Po ukwandila mu Yelusalemu mupaka mu Ililikumu nalumbilila nkani Amazyu Amiza agha Kilisitu.

Ukukumbusya Amalamulo 6:1

Agha gho malamulo ni ndaghilo, sona na zyosi zizyo u Mwene u Chala winyu akandamulila ukuti imbamanyisye umwakuti muvikonkaye muchisu chicho mukwiza pakwikalamo,