Mika 4:11 - IBAYIBOLO 2024

¹¹ Loli inko inyinji zyakubunganila ukuti zilwe namwe ubwite. Bakuti, “Muleke abanje munyazu, ghaleke amaso ghitu ghamulolotele u Ziyoni!”

Mika 4:11 Iomraidhean Croise

Masalimo 129:5

Bosi babo bamubengite u Ziyoni, bakoziwanje isoni nukuchimbiziwa.

Masalimo 83:5

Naloli bakwikala pasi nukubatika ububibi, bakulapa ichilapo ukuti bakusambukile.

Yesaya 10:7

Loli te momumo zibeleye inyinong'ono zyache, izi tezyo zizyo akaba nazyo munyinong'ono zyache, ifundo yache yikaba yakunangannya, nukuzimala inko inyinji.

Yesaya 17:12

Chighune ku inko inyinji zikuzuma ichongo, ukuzuma kuli ngati kupoma ukwa nyanja! Chighune ku inko, zizyo zikuzuma ichongo, ngati kupoma ukwa mizi aminji nkani!

Yesaya 29:7

Po abasilikali bosi aba inko zyosi, zizyo zikulwa nakaya akakulu nkani aka Yelusalemu zizyo zikulwana nawe poka na malinga ghache, sona nukukazyungulila, kakwiza pakuba ngati chilota, sona ngati chisetuka icha pabusiku,

Yelemiya 52:4

Po u Nebukadineza akabuka na basilikali bache bosi pakulwa nakaya akakulu nkani aka Yelusalemu pisiku ilya 10 mumwezi uwa 10 mumwaka uwa nayini uwa bulaghili ubwa Zedekiya. Bakasimika ivisakasa sona bakazenga ivitembe umwakukazyungulila akaya kosi kala.

Ezekiyeli 26:3

polelo u Mwene Uwamaka Ghosi akuti: Nkukususya we Tile sona nkwiza pakuzipela inko pakulwana nawe, ngati mumo inyanja yikuvundulila amayigha.

Ezekiyeli 38:17

“ ‘U Mwene Uwamaka Ghosi akuti: Nkimba te wewe nkanena mumasiku ghagho ghachilapo pakwendela mu mubabombi bane abalaghuzi aba mu Izilayeli? Babo bakalaghulagha ukuti mumasiku ghagho ghakwiza, nkwiza pakulwa nabo ubwite.’ ”

Obadiya 1:12

Loli amwe mutakituvyanje pisiku ilya ntamyo izya bamwinyu, pamo ukusekela pisiku ilya kughoghiwa ukwa ba Yuda, pamo ukwituvya pisiku ilya ntamyo zyabo.

Mika 7:10

Po umulwani wane akwiza pakuchennya chinichi, sona isoni zikwiza pakumulema, akundalusya akuti, “Nkimba u Mwene u Chala wako ali ko kwiyi?” Amaso ghane ghakwiza pakwennya ukuwa kwache, nilelo bulo akwiza pakukanyankiliwa ngati matope agha mumisebo.

Zekaliya 12:3

Pisiku lilalila, bo inko zyosi izya pachisu ichapasi zimubunganiye, nkwiza pakumupela u Yelusalemu pakuba libwe lilyo litakuyingana pakasi pa inko zyosi. Abantu bosi babo bakuyezya pakuliyingannya bakwiza pakwivulazya bene.