Mika 4:1 - IBAYIBOLO 2024

¹ Mumasiku aghabumalilo, ighamba ilya Nyumba iya Mwene likwiza pakuba litali nkani pakasi pamaghamba ghosi. Likwiza pakuboneka pamwanya pamaghamba ghosi, sona inko zikwiza pakuchimbilila kulakula.

Mika 4:1 Iomraidhean Croise

Ubwandilo 49:1

Bo u Yakobo amusaya u Efulayimu nu Manase, akabitizya abana bache nukuti, “Mubungane poka mwebosi, umwakuti imbabuzye zizyo zikwiza pakubabonekela muntazi.

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

Masalimo 110:3

Abasilikali bako bakwiza pakwiyipa mubwighane bwabo, pisiku lilyo ukwiza pakulwa na balwani bako. Abalumendo bako bakwiza pakwiza kukwako mubwinji bwabo, ngati mumo inganda yikuwila pandabindabi.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 48:1

U Mwene mukulu nkani, yuyo amapalo ghamubaghiye. Tumupalaye mukaya kache akakulu nkani bo ali pighamba lyache izelu.

Masalimo 86:9

Wee Mwene inko zyosi zizyo wazipela, zikwiza pakukwiputa pamaso papako, po zikwiza pakulichindika itabwa lyako.

Yesaya 27:13

Sona pisiku lilalila ipati ikulu nkani likwiza pakulila. Abantu bosi babo bakaba mubuzya muchisu icha Asiliya na muchisu icha Ijiputi bakwiza pakumwiputa u Mwene pighamba izelu ilya mu Yelusalemu.

Yesaya 43:6

Nkwiza pakunena kuchisu icha kumitu ukuti, ‘Balekezye!’ sona kuchisu ichakuntende ukuti, ‘Utakabakanizyanje.’ Zagha na bana bane abalumendo ukufuma kubutali, nabana bane abalindu ukufuma kubumalilo ubwa chisu.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 54:2

Onjelezya ubuzilo ubwa chisakasa, ghakuzule amenda aghakuzighila, zikuzule impote zyako sona utukwi twache, tubanje twa maka.

Yesaya 56:7

nkwiza pakwiza nabo pighamba lyane izelu, nukubapa ulusekelo munyumba yane iya kwiputilamo. Ivyakwiyipa vyabo ivyakocha sona ni vyakwiyipa, vikwiza pakupokeliwa pachighemo chane, pakuti inyumba yane yikwiza pakwitiziwa ukuti nyumba iya kwiputilamo inko zyosi.”

Yelemiya 16:19

Wee Mwene, awe we maka ghane, nilinga lyane sona nkuvwamila mumwako mukabalilo akantamyo, inko izya bantu izya ukufuma pachisu ichapasi, zikwiza pakwiza kukwako nukuti, “Abanyenya bitu batakapyanapo chimo, loli abachala aba bumyasi sona na vivyo vite ni mbombo nayimoyimo.

Yelemiya 26:18

“U Mika uwa muchisu icha Molesheti akalaghulagha mukabalilo aka Hezekiya, u mwene uwa chisu icha Yuda akati, ‘U Mwene Uwamaka Ghosi ati: U Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.’

Yelemiya 3:17

Pakabalilo kalakala u Yelusalemu akwiza pakwitiziwa pakuba Chitengo icha Mwene, sona inko zyosi zikwiza pakubungana mu Yelusalemu nukulichindika itabwa ilya Mwene. Batakwiza pakuba sona na moyo amabibi.

Yelemiya 31:12

Bakwiza pakwimba umwalusekelo pighamba ilya Ziyoni, bakwiza pakukolomoka nu buhobosu pachifukwa icha bwiza ubwa Mwene, pavyakulya vivyo akubapa, ingano nu vinyo sona na mafuta, utwana utwa ng'ozi nutwa ng'ombe, bakwiza pakuba navyo vyosi vivyo bakuvilonda.

Yelemiya 48:47

“Loli pope bulo nkwiza pakubanyosezya aba Mowabu ulusako lwabo. Ane ne Mwene nanena.” Panapa po pabumalilo ubwa budumuzi ubwa nongwa iya ba Mowabu.

Ezekiyeli 38:16

Po mukwiza pakulwa ubwite na bantu bane aba Izilayeli mukwiza pakuba ngati libingu lilyo lyavwinka ichisu. Wee Gogi, mumasiku agha kuntazi ukwiza pakulwa ubwite ni chisu chane, umwakuti inko zimanye ane, bo nkwilanjizya ubuzelu bwane ukwendela mumwako pamaso papabo.

Ezekiyeli 40:2

Muvisetuka ivya Chala akansenda muchisu icha Izilayeli nukumbika pakanenela aka lighamba, kulubazu ulwa muntende kukaba ubuzengi bumo bubo bukabonekagha ngati kaya akakulu nkani.

Ezekiyeli 43:12

“Ulu lo lulaghilo ulwa Nyumba iya Chala, yiyo yikwiza pakuzengiwa pabuzilo bosi ubwakuzyungulila pamwanya pighamba, pakwiza pakuba pazelu nkani. Lunulu lo lulaghilo ulwa Nyumba iya Chala.

Daniyeli 10:14

Ilelo niza pakukulingannya zizyo zikwiza pakubawila aba inko yako muntazi muno, pakuti ichisetuka chinichi chikunena nizya muntazi.”

Daniyeli 2:28

Loli aliko u Chala kumwanya, yuyo akuvumbula izyakubusyefu. Amulanjizya u mwene u Nebukadineza zizyo zikwiza pakubombiwa muntazi. Ichilota ni chisetuka vivyo ukavyennya bo ulambalaye pachitala chako vyo ivi:

Daniyeli 2:35

Po ichela ni tope nu mukuba nu siliva, sona nu golide vikatiziwa pakabalilo koka, nukuba ngati lufumbi pabuzilo ubwakukomelapo inyinulo. Impepo yikavipupuzya sona patakasyalapo nakamokamo akantu. Loli ibwe lilyo likatizannya ichifwani chila likanduka pakuba lighamba ikulu nkani, sona likizula pachisu chosi ichapasi.

Daniyeli 2:44

“Pakabalilo aka bamwene banabo, u Chala uwakumwanya akwiza pakubwikazya ubumwene, bubo butakwiza pakunanganika nalumolumo pamo pakubikiwa munyobe izya bantu abanji. Bukwiza pakughanangannya amabumwene aghanji ghosi mupaka nukughazimizya, loli ubumwene bunubu bukwiza pakubangako bwila na bwila

Daniyeli 7:14

Akapeghiwa ubulaghili nu buchindamu, sona na maka amakulu nkani, ni inko zyosi, nuluko losi sona na baneno zyosi bakamwiputagha. Ubulaghili bwache bwa bwila na bwila, sona ubumwene bwache butakwiza pakunanganika nalumo.

Daniyeli 7:18

Loli abantu abazelu aba kumwanya nkani bakwiza pakubupokela ubumwene sona bukwiza pakubanga bwabo bwila na bwila.’

Daniyeli 7:22

Mupaka Uwavula Intazi yula akafika, po inongwa yikabendela akiza abantu abazelu aba Kumwanya Nkani. Akabalilo kakakwana akakuti abantu abazelu bala bapokele ubumwene.

Daniyeli 7:27

Po ubumwene na maka sona nu bukulu nkani ubwa mabumwene pasi pachisu chosi icha kumwanya, vikwiza pakupeghiwa ku bantu abazelu, aba Wakumwanya Nkani. Ubumwene bunubu bukwiza pakubangako bwila na bwila, pisinda pache abalaghili bosi bakwiza pakumwiputa nukumwivwila.’

Hoseya 3:5

Loli bo pachilapo akabalilo aba Izilayeli bakwiza pakunyokela nukumulondelezya u Mwene u Chala wabo, sona nu Devedi u mwene wabo. Bakwiza kwa Mwene bo bakutetema umwakuti bapokele ubwiza bwache ubwa bumalilo.

Mika 3:12

Polelo pachifukwa icha mwemwe, u Ziyoni akwiza pakulimiwa ngati mughunda, u Yelusalemu akwiza pakuba chisami, sona ighamba ilya Nyumba iya Chala likwiza pakuba ngati musitu.

Zekaliya 14:10

Ichisu chosi chikwiza pakuba likombe ukwanda ku Geba mupaka ku Limoni, kuntende ukwa kaya akakulu nkani aka Yelusalemu. Loli u Yelusalemu akwiza pakuba buzilo ubwakukwela ukwanda pa Mulyango uwa Benjamini mupaka pa Mulyango Uwakwanda, mupaka pa Mulyango Uwapakunto, sona ukwanda pa Chitembe icha Hananeli mupaka pachakukanyilamo amampesya icha mwene.

Zekaliya 2:11

Pakabalilo kalakala, inko inyinji zikwiza pakwiza kwa Mwene, sona zikwiza pakuba bantu bache. Nkwiza pakwikala pakasi papinyu, mukwiza pakumanya ukuti u Mwene Uwamaka Ghosi antumite pakasi papinyu.

Zekaliya 8:3

Po u Mwene Uwamaka Ghosi akuti, “Nkwiza pakunyokela mu Ziyoni nukwikala mu Yelusalemu. Po u Yelusalemu akwiza pakwitiziwa ukuti Akaya Akakulu Nkani Akasubiliwa sona kakwiza pakwitiziwa ukuti ighamba ilya Mwene Uwamaka Ghosi, likwiza pakwitiziwa ukuti Ighamba Izelu.”

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Imbombo 2:17

‘U Chala akati: Izi zyo zizyo nkwiza pakubomba mumasiku aghabumalilo, nkwiza pakupungulila Umuzimu wane pabantu bosi. Abana binyu abalumendo na balindu bakwiza pakulaghula, abaghosi bakwiza pakulota ivilota, bope abalumendo bakwiza pakwennya ivisetuka.

Aba Hebeli 1:2

Loli mumasiku aghabumalilo agha anena namwe ukwendela mu Mwana wache, yuyo akamwimika ukuti apyane ivintu vyosi, sona akapela ichisu ichapasi ukwendela mumwache.

2 Pitala 3:3

Ichakwanda pavyosi, mubaghiye pakwivwisya ukuti mumasiku aghabumalilo abantu abalobezyo bakwiza pakuboneka babo bakukonka ivinyonywa vyabo ivibibi.

Ubuvumbuli 11:15

Uwantumi waseveni akalizya ipati lyache, sona izyu ilya pamwanya nkani likivwika kumwanya likati, “Amaka aghakulaghilila ichisu ichapasi ilelo ghali munyobe izya Mwene nu Mesiya wache. Akwiza pakulaghila bwila na bwila!”

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

Ubuvumbuli 20:4

Pisinda pache nkennya ivitengo ivya bumwene, sona babo bakikalapo bakapeghiwa amaka aghakulongela. Nkennya sona imizimu iya babo bakadumuliwa imitu pachifukwa icha kulumbilila ubwanaloli bubo u Yesu akavumbulagha, sona pachifukwa icha kulumbilila Amazyu agha Chala. Banaba batakachichindikagha ichinyamana pamo ichifwani chache, sona batakadindiwa ni chidindo pa vyeni pamo panyobe zyabo. Bakazyuka kubufwe pakuba bamwene poka nu Kilisitu amaka 1,000.