Mika 3:11 - IBAYIBOLO 2024

¹¹ Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:11 Iomraidhean Croise

Ivyili 17:23

Umuntu umubibi akupokela amabeko kubusyefu, ukuti abunyongannye ubwanaloli panongwa.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 48:2

mukwiyitizya mwebene ukuti, mwebenecho abakaya akakulu nkani akazelu, nukumusubila u Chala uwa Izilayeli, yuyo itabwa lyache, we Mwene Uwamaka Ghosi.

Yesaya 5:23

babo bakumulongela akiza inongwa umuntu umubibi pachifukwa icha mabeko, loli bakukana ubugholosu ubwa muntu yuyo ate ninongwa.

Yesaya 56:11

Bali ngati zyo mbwa zizyo zili nizala, zizyo zitakwikuta nalumo. Bo badimi babo batakwivwisya, bosi bapulumpa izila zyabo, umuntu wesi ali pakulonda ichakukabilapo.

Yelemiya 23:17

Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 26:7

Abaputi na balaghuzi sona na bantu bosi bakamwivwa u Yelemiya akughanena amazyu ghosi ghanagha mu Nyumba iya Mwene.

Yelemiya 5:12

Abantu bamutamantila u Mwene bati, “Atangatubombela nachimochimo, ubupalapala butakwiza pakutuwila, po tutakwiza pakwennyapo ubwite pamo izala.

Yelemiya 6:13

“Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Yelemiya 7:4

Mutakaghasubilaye amazyu agha bumyasi ghagho ghakuti, “Iyi yo Nyumba iya Mwene, Inyumba iya Mwene, Inyumba iya Mwene!”

Yelemiya 8:10

Polelo nkwiza pakubalemeka abachi babo abanavuli abanji sona amaghunda ghabo ku bantu abanji. Pachifukwa ichakuti ukwandila ku bana mupaka ku basongo bosi banaba bakunyonywa ukukabila ichuma muzila izya buzimbuli. Abalaghuzi na baputi bulo bosi bazimbuli.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 22:27

Amakambala ghache ghali ngati bo bakambwe babo bali pakukavula inyama, bakukupula ibanda nukughogha abantu ukuti bakabilemo vimo umwabuzimbuli.

Ezekiyeli 34:2

“Wee mwana uwa muntu, laghula umwakubasusya abadimi aba mu Izilayeli, laghula nukubabuzya ukuti, ‘Izi zyo zizyo u Mwene Uwamaka Ghosi akambuzya akati: Chighune ku badimi aba mu Izilayeli babo bakwisungilila bene! Nkimba abadimi batakughusungilila umudimo?

Hoseya 4:18

Nanti bang'wela nkani uvinyo bakulowa, sona abalongozi babo bighanite nkani pakubomba inkozyasoni.

Hoseya 4:8

Ichakulya chabo zyo mbibi izya bantu bane, sona ububibi yo nyanyi yabo.

Amosi 5:14

Mubulondaye ubwiza, sona mutakabulondaye ububibi, umwakuti mubanje nubumi. Po u Mwene u Chala Uwamaka Ghosi akwiza pakuba namwe, ukuyana namumo mukunenela ukuti momumo abeleye.

Amosi 9:10

Ababomba mbibi bosi pakasi pabantu bane, bakwiza pakufwa nupanga, sona abantu bosi babo bakuti, ‘Chitalipo nachimochimo ichibibi ichakutuwila pamo ukuti ubupalapala butuwile.’ ”

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Mika 7:3

Inyobe zyabo zyosi zimenye nkani pakubomba ububibi, abalaghili bakulaba ivyabupi, abalongi bakwitika amabeko, abantu abamaka nkani bakunena ivintu ivibibi vivyo vyizuye mumoyo ghabo. Po bosi bakubatikila poka.

Zefaniya 3:3

Amakambala ghache ghakubuluma ngati nkalamu, abalaghili bache bali ngati bo bakambwe babo bakwenda pachamabwila, batakuchilekapo nachimochimo ichakulya icha pandabindabi.

Zefaniya 3:4

Abalaghuzi bache bakwituvya sona te basubiliwa. Abaputi bache bakubunyazya Ubuzilo Ubuzelu nukuzinangannya indaghilo.

Malaki 1:10

“Nalondagha nkani ukuti ngali weka pakasi papinyu ighaliye inyiyi izya Nyumba iya Chala, umwakuti mutakapembe umoto ghugho ghute ni mbombo pachighemo chane! Ane ntahobokite namwe. Ane ne Mwene Uwamaka Ghosi nanena sona ntakwiza pakuvipokela ivyakwiyipa vyinyu vivyo vili munyobe zyinyu.

Malaki 2:9

“Polelo nabasamula, sona nabakozya isoni pakasi pabantu bosi, pachifukwa ichakuti mutakivwila ivimanyisyo vyane mukulonga inongwa pakwennya icheni.”

Ukubelengiwa 16:15

Po u Mozesi akakalala nkani nukumubuzya u Mwene ukuti, “Utakapokelaye ivyakwiyipa ivya bantu banaba. Ntabafyulitepo nayimo impunda pamo ukumunangila umuntu weka bulo.”

Ukubelengiwa 22:7

Po abalongozi aba ba Mowabu naba Midiyani bakabuka, sona bakapaya indalama izyakulaghulila. Bo bafika kwa Balamu bakamubuzya amazyu agha Balaki ghala.

Matayi 3:9

Mutakinong'onaye ukuti, ‘U Abulahamu we munyenya witu.’ Nkubabuzya ukuti u Chala angaghapela amabwe agha pakuba baluko aba Abulahamu.

1 Timoti 3:3

Atakabe we ching'wela, pamo umuntu uwa lombwa, loli abanje mololo. Atakabe wavyongo, sona atakazighanaye indalama.

Titi 1:11

Ubaghiye ubakanizyanje pakunenanena, pachifukwa ichakuti bakuvulungannya imitu iya bantu munyumba zyosi pakubamanyisya vivyo vitabaghiye pakumanyisiwa. Pakubomba bunubu yikuba ngati yo zila iyakukabilamo indalama.

1 Pitala 5:2

ukuti: Mudimaye umudimo uwa ng'ozi zizyo u Chala akubapa. Mughusungilile umwakusita kufyengiwa, ukuyana namumo u Chala akulondela ukuti mubombelaye. Mutakabombaye imbombo yinyu nu moyo uwakunyonywa indalama, loli mubombaye nu moyo uwakunyonywa pakubomba.

Yuda 1:11

Ichighune chabawile pakuti bakonka izila iya Kayini. Pachifukwa icha ndalama, bakananga ukuyana namumo akanangila u Balamu. Bakamusambukila u Chala ukuyana namumo u Kola akamusambukilila, po bakwiza pakunangika ngati weyuyo.

1 Samuweli 8:3

Loli abana banaba batakasendelako inkalo inyiza iya wise, umwakuti bakabombelagha bulo zyo ndalama. Bakanda pakupokela amabeko nukulonga inongwa umwakunyongannya ubwanaloli.