Mika 2:9 - IBAYIBOLO 2024

⁹ Mukubachimbizya abachi aba bantu bane munyumba zyabo izyakuboneka akiza nkani, mukwefyapo ulusayo lwane pabana babo abanandi bwila na bwila.

Mika 2:9 Iomraidhean Croise

Masalimo 72:19

Itabwa lyache lichindamu, lipaliwanje bwila na bwila, sona ichisu chosi ichapasi chizulaye nu buchindamu bwache. Ameni nu Ameni.

Yelemiya 10:20

Ivisakasa vyitu vyananganika, inkusa zizyo zikavilema zyadumuka. Abana bitu bosi bepitemo, atalipo nayumoyumo uwakuti angatuzengela sona ivisakasa, sona atalipo nayumoyumo, uwakubikapo ivyakwighalila pa vipinda.

Ezekiyeli 39:21

“Po nkwiza pakulanjizya ubuchindamu bwane pakasi pa inko, sona inko zyosi zikwiza pakwennya ulufundo lulo nabapa sona namaka ghagho nalanjizya papabo.

Yoweli 3:6

Mukabaghulizya aba Yuda, naba bantu aba mu Yelusalemu kuchisu icha ba Giliki, ukuti babuke kubutali ni chisu chabo.

Amosi 2:7

Bakusendelapo ulusako pabapina nukubasunkila, sona batakubabombela mubwanaloli abantu abakuyivyiwa. Uwise nu mwana wache umulumendo bakwinjila mumulindu weka, umwakuti bakulisamula itabwa lyane izelu.

Mika 2:2

Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Habakuku 2:14

Pakuti ichisu chikwiza pakwizula nu bumanyi ubwa buchindamu ubwa Mwene ngati mumo amizi ghizuliye munyanja.

Zekaliya 2:5

Po ane nkwiza pakubanga ne lupaso ulwa moto sona nkwiza pakubanga ne buchindamu bwache mulamula, u Mwene anena.’ ”

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

Maliko 12:40

Loli bakubazimbula abakolo abafwilwe nukubafyula inyumba zyabo nukwiputa inyiputo intali ukuti abantu babennye. Abantu aba bakwiza pakufundiwa nkani!”

Luka 20:47

Bakubazimbula abakolo abafwilwe nukubafyula inyumba zyabo nukwiputa inyiputo intali ukuti abantu babennye. Abantu aba bakwiza pakufundiwa nkani!”

2 Aba Kolinti 3:18

Polelo aswe twebosi, tukulanjizya ubuchindamu ubwa Mwene nivyeni vyitu vivyo vite ni chakuvwinka. Tukwanduliwa pakuba chifwani chache nu buchindamu ubwakonjelelakonjela, bubo bukufuma kwa Mwene, yuyo we Muzimu Umuzelu.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

1 Samuweli 26:19

Wee mwene wane teghelezya amazyu agha mubombi wako. Nanti we Mwene yuyo akulonda ukuti unsambukile, po apokele ichakwiyipa ichakupepesezya imbibi. Loli nanti bantu bachibomba bunubu, u Mwene abaghune. Ilelo banyefyamo mumpyana iya Mwene sona bakuti, ‘Bukagha pakubabombela abachala abanji.’