Mika 2:7 - IBAYIBOLO 2024

⁷ Wee Izilayeli, nkimba Umuzimu uwa Mwene akalaye? Nkimba akuvibomba ivintu ngati vinivi? Fwandi amazyu ghane ghatakubomba inyiza, ku muntu yuyo izila zyache ngolosu?

Mika 2:7 Iomraidhean Croise

Masalimo 119:65

Wee Mwene, wamubombela ubwiza umubombi wako, ukayana nizyu lyako.

Masalimo 119:68

We mwiza sona ukubomba zyo nyiza, po umanyisyanje amalamulo ghako.

Masalimo 15:2

Banaba bo babo bate ni chilema nachimochimo, babo bakubomba ingolosu, sona bo babo bakunena ubwanaloli ukufuma pasi pamoyo ghabo.

Masalimo 18:26

Ku bantu abazelu, ukubanga we muzelu, loli ku bantu abanyonganu, ukubanga we muchevu nkani.

Masalimo 84:11

Pakuti u Mwene u Chala lizuba sona ngulu, akutupa ivyiza vyosi sona akutuchindika. U Mwene akubapa ivintu ivyiza abantu babo bagholosu.

Ivyili 10:29

U Mwene lyo lilinga ilya muntu umugholosu, loli akubanangannya babo bakubomba ububibi.

Ivyili 10:9

Umuntu umugholosu akwikalagha umwakufwasa, loli yuyo akwenda muzila inyonganu akulemiwa.

Ivyili 14:2

Umuntu yuyo akwenda muzila ingolosu akumuchindika u Mwene loli yuyo akwenda muzila inyonganu akumusamula u Mwene.

Ivyili 2:7

Akubasungila ubupoti abagholosu munyumba yache, we ngulu iya bantu babo bate ni chilema nachimochimo.

Ivyili 28:18

Umuntu yuyo ate ni chilema nachimochimo akuba mumutende, loli yuyo imbombo zyache nyonganu akuwila muchiliba.

Yesaya 50:2

Nkimba choni chicho bo niza, patakabapo umuntu nayumoyumo? Nkimba choni chicho bo nitizya, patakaba nayumo umuntu uwa kwamula? Nkimba inyobe yane yikaba mpimpa pakubapoka? Nkimba inte na maka aghakubapokela? Ennya, nanti nayichemela inyanja yikukamuka, nkuzyandula isoko pakuba nkolongo, iswi zyabo zikubola, pachifukwa ichakuti zitakuba na mizi, po zikufwa ni nyota.

Yesaya 58:1

U Mwene akuti, “Kolomoka nkani, utakalekaye, kwezya izyu lyako ngati lipati. Babuzye abantu bane nizya kusambuka kwabo, sona ni mbibi izya bamunyumba iya Yakobo.

Yelemiya 15:16

Bo nivwa amazyu ghako, nkaghalya, ghakipela pakuba lusekelo nu buhobosu mumoyo wane, pakuti nkumanyikwa ni tabwa lyako, wee Mwene u Chala Uwamaka Ghosi.

Yelemiya 2:4

Wee luko ulwa Yakobo, ivwa amazyu agha Mwene, sona na mwe bosi abaluko ulwa Izilayeli.

Hoseya 14:9

Nkimba muntu wenu uwa mahala? Ivwisye ivintu vyosi vinivi. Nkimba muntu wenu yuyo akuvyaghannya ivintu vinivi, avimanye ivintu vinivi. Pakuti izila izya Mwene zigholokite, sona abagholosu bo babo bakwendamo, loli abantu abasambuke bakwipunulamo.

Mika 3:9

Ivwa kuno, mwe balongozi abaluko ulwa Yakobo, mwe balaghili aba Izilayeli, babo bakubusula ubwanaloli, nukuchinyongannya chosi chicho chigholosu,

Zekaliya 4:6

Uwantumi akambuzya amazyu ghanagha aghakufuma kwa Mwene akati imubuzye u Zelubabeli ukuti, “Utakupota ubwite pachifukwa icha maka, loli pachifukwa icha Muzimu wane.

Ukubelengiwa 11:23

U Mwene akamwamula u Mozesi akati, “Nkimba amaka ghane ghali ni mpaka? Losi ulu ukwiza pakwennya nanti amazyu ghane ghakwiza pakukwanilisiwa pamo awe.”

Matayi 3:8

Bombagha imbombo izyakulanjizya ukuti naloli mwapinduka nukuzileka imbibi zyinyu.

Yohani 8:39

Abene bakamwamula bakati, “Aswe utata we Abulahamu.” U Yesu akabamula akati, “Nanti mukabanga bana aba Abulahamu, ngali mukubomba imbombo zizyo u Abulahamu akabombagha.

Aba Loma 7:13

Nkimba ichi chikung'anamula ukuti ichintu chicho chizapo chikaba bufwe kukwane? Awe, napo panandi! Loli imbibi yo yiyo yikampelela ubufwe pakubombela imbombo ivintu vivyo vyiza, umwakuti imbibi yilanjiziwe pabuzelu ngati yo mbibi. Po ukwendela mu malamulo, imbibi yikalanjiziwa ngati yo mbibi nkani.

2 Aba Kolinti 6:12

Tute sweswe twighalila amoyo ghitu kukwinyu, awe, loli amwe mwemwe mwighalila amoyo ghinyu kukwitu.

2 Timoti 3:5

napapo bakuboneka ngati po bakumwiputa u Chala, loli bakughakana amaka ghache. Ubaleghuke abantu banaba.