Mika 2:3 - IBAYIBOLO 2024

³ Polelo, u Mwene akuti, “Nkubatika ukunanganika pabantu banaba, kuko mutangipoka mwebene Mutakwiza pakwenda nalumolumo umwakwituvya, pakuti kakwiza pakuba kabalilo akapalapala.

Mika 2:3 Iomraidhean Croise

Yesaya 29:20

Abantu abakali bakwiza pakuzimila, bope abalobezyo bakwiza pakuzyebeluka, sona abantu babo bakubennya abanji ni lyiso ibibi, bakwiza pakwefiwapo.

Yesaya 3:16

U Mwene akuti, “Abakolo aba mu ziyoni bakwikwezya, bo bagholosizye isingo zyabo, bakutalankannya kuno na kuno, nukwenda kwabo ukwa kwituvya, bo bapinyiliye muvinama vyabo utujomvu.

Yesaya 5:19

babo bakuti, “Leka u Chala endelezye, abombe lubilolubilo imbombo yache ukuti tuyennye. Leka umuzelu uwa Izilayeli abombe zizyo abatikite ukuti tuzimanye.”

Yelemiya 18:11

“Po ilelo buka ubabuzye abantu aba muchisu icha Yuda na babo bakwikala mu Yelusalemu uti, ‘U Mwene akuti: Nkwinong'ona pakubabombela ichintu ichibibi, sona nkwiyannya nukubatika zizyo nkwiza pakubabombela. Po umuntu wesi anyokeko ku zila zyache imbibi naku mbombo zyache zizyo akuzibomba. Leka inkalo zyinyu imbibi ni mbombo zyinyu.’

Yelemiya 27:12

Nkamubuzya sona amazyu ghanagha u Zedekiya u mwene uwa chisu icha Yuda. Nkati, “Umulambilaye u mwene uwamu Babiloni, umubombelaye yuyo na bantu bache, po ukwiza pakupona.

Yelemiya 34:17

Polelo, u Mwene akuti, “Mukanite pakunyivwila, mutafumusizye ubwabuke ubwakuti mukwiza pakubasatula abakamu binyu na bapalamani binyu. Po ilelo ane nkubafumusizya ubwabuke: Ubwabuke ubwakufwila kubwite, ichiwaya nizala. Nkwiza pakubapela pakuba bantu abakoghofya ku inko izya pachisu ichapasi.

Yelemiya 36:23

Akabalilo kosi bo u Yehudi abelenga ivigaba vitatu pamo folo ivya mwibuku lila, u mwene akavisenda nukuvidumulannya nu mupeni uwa musimbi sona akavisumbila musonta iya moto, mupaka ibuku lyosi lila likapya mumoto.

Yelemiya 43:2

u Azaliya umwana uwa Hoshaya nu Yohanani umwana uwa Kaleya sona na banavuli bosi abamadinko bakamubuzya u Yelemiya bakati, “We mumyasi! U Mwene u Chala witu atakutumite pakutubuzya ukuti, ‘Mutakabukayeko ku Ijiputi pakwikala kulakula.’

Yelemiya 8:3

Kosi kuko nkabachimbizizyako, abantu bosi babo bakapona abaluko ulubibi aba bakwiza pakubulonda ubufwe ukuchila ubumi. Ane ne Mwene Uwamaka Ghosi nanena.’

Nkuto 1:14

“Azipinyiliye imbibi zyane kwikoli, sona ni nyobe zyache akazipinyilila zyosi poka. Azipinyiliye musingo yane, u Mwene anyefya amaka, sona ambika munyobe izya bantu babo intangalwana nabo.

Nkuto 2:17

U Mwene abomba zizyo akabatika, sona akwanilisya amazyu ghache ghagho akanena kale. Po akunangannya umwakusita ichisa, abapela abalwani bako ukuti bakusekaye, abapiye abalwani bako amaka.

Nkuto 5:5

Ikoli lili pasingo zyitu, sona tukuchimbiziwa nkani, twalita po batakutwikizya pakutuzyapo.

Daniyeli 4:37

Ilelo ane ne Nebukadineza, nkumupala, nkumukwezya, sona nkumuchindika u Mwene uwakumwanya pachifukwa ichakuti vyosi vivyo akubomba vyiza sona vigholosu. Sona amenye pakubisya abantu bosi babo bakwikwezya bene.

Amosi 2:14

Abantu abalubilo nkani batakwiza pakupona, abantu abamaka bakwiza pakuba badedebazu, sona abasilikali batakwiza pakubupoka ubumi bwabo.

Amosi 3:1

Mwee ba Izilayeli, ivwa zizyo u Mwene akunena nizya amwe, mwe luko lulo nkalwefyamo mu Ijiputi:

Amosi 3:2

“Pakasi pa inko zyosi izya muchisu ichapasi, nkabasala mwemwe mwebene polelo nkwiza pakubafunda pachifukwa icha mbibi zyinyu zyosi.”

Amosi 5:13

Polelo, umuntu uwa mahala akuba bulo myee, pakabalilo ngati kanaka, pakuti ko kabalilo akabibi nkani.

Mika 2:1

Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.

Aba Loma 16:4

babo bakabika ubumi bwabo pachulu ukuti bampoke ane. Inte nene nemwene nkubapalizya, awe, loli ni vipanga vyosi ivya bantu babo bate ba Yuda.

Aba Efeso 5:16

Akabalilo kinyu kosi kabanje kakubombela imbombo, pakuti amasiku agha mabibi.

Ukukumbusya Amalamulo 28:48

Polelo mukwiza pakubabombela abalwani binyu, babo u Mwene akwiza pakubatumila. Mukwiza pakuba nizala ni nyota sona abapina nkani. U Mwene akwiza pakubayivya nkani mupaka abanangannye mwebosi.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.