Mika 2:2 - IBAYIBOLO 2024

² Bakughanyonywa amaghunda agha bantu nukughafyula, sona ni nyumba izya bantu nukuzisenda. Bakumufyula umwenenyumba sona ni mpyana yache.

Mika 2:2 Iomraidhean Croise

1 Abamwene 21:1

Kukabako umuntu yumo yuyo akaba we Naboti umu Yezileli. U Naboti akaba nu mughunda uwa mampesya papipi ni nyumba iya mwene u Ahabu uwamu Samaliya.

2 Abamwene 9:26

‘Mumabwila nkalyennya ibanda ilya Naboti nilya bana bache. Po nkwiza pakukutanizya mumughunda ghunughu.’ Polelo mumunyamule, mumusumbile mumughunda ghulaghula ukuyana namumo u Mwene akanenela.”

Yobu 31:38

Nanti nkiba bulo umughunda ghugho nkulima, nanti nkamufyula bulo umwenecho;

Ukufuma 20:17

“Utakayinyonywanje inyumba iya mupalamani wako. Utakamunyonywanje umuchi uwa mupalamani wako pamo uwambombo wache umwanavuli pamo umukolo pamo ing'ombe zyache pamo impunda zyache pamo ichintu chosi chicho ali nacho.”

Yesaya 3:14

U Mwene akulonga abasongo na balongozi aba bantu bache, “Wewe waghunangannya umughunda uwa mampesya; ivintu vivyo mukafyula kubapina vili munyumba zyinyu.

Yesaya 5:8

Chighune ku amwe mwe mukonjelezyakonjelezya inyumba, sona mukonjelezyakonjelezya amaghunda, mupaka patakasyalepo ubuzilo nabumo, sona mukwikala mwebene muchisu.

Yelemiya 22:17

“Loli amaso ghako nu moyo wako vili pabukabi ubwa buzimbuli, vili pakukupula ibanda ilya bantu abasita nongwa nayimoyimo, sona nukubayivya abantu abasita nongwa nayimoyimo, nukufyula ivintu vyabo.”

Ezekiyeli 18:12

Akubayivya abapina na bapotwe. Akwiba sona atakunyosya vivyo akakopa. Akwiputa ivifwani. Akubomba ivintu ivyamwiko.

Ezekiyeli 22:12

Pakasi papinyu abantu bakupokela amabeko ukuti bakupule ibanda, bakupokela ichuma ichakonjelezya pamwanya kubapalamani binyu, loli mwanduvya ane. U Mwene Uwamaka Ghosi anena.

Ezekiyeli 22:13

“ ‘Naloli mukukalala kwane nkwiza pakukoma inkufi zyane, pachifukwa ichakukabilapo izya pamwanya umwakusita ukusubiliwa kwako sona na pachifukwa icha kukupula ibanda pakasi papinyu.

Ezekiyeli 33:26

Amwe mukusubila ubwite, mukubomba ivyamwiko, sona umuntu wesi akumunyazya umuchi uwa mupalamani wache. Nkimba ichisu chingaba chinyu ni chinyu?’

Ezekiyeli 45:9

“ ‘U Mwene Uwamaka Ghosi akuti: Mwabomba imbibi akabalilo akatali, mwee bamwene aba muchisu icha Izilayeli! Leka ivyongo nukubayivya abantu sona mubombaye ubwanaloli nu bugholosu. Mutakabachimbizyanjemo abantu bane muchisu chabo, u Mwene Uwamaka Ghosi anena.

Ezekiyeli 46:18

U mwene atakafyulaye ichilingo icha bantu, nukubachimbizyamo muchisu chabo. Abapanje abana bache ichilingo ichabo ni chabo, umwakuti patakabepo nayumo uwabantu bane uwakufyuliwa ichilingo chache.’ ”

Ezekiyeli 8:17

U Chala akandalusya akati, “Wee mwana uwa muntu, nkimba wazyennya zinizi? Nkimba chintu chipepe nkani kuba Yuda pakubomba ivintu ivyamwiko vivyo bakubomba pano? Nkimba bizuzye ni vyongo ichisu nukwendelela pakunkalalizya? Bennye, napapo bakakolomoka nkani loli ntakabateghelezya!

Amosi 2:7

Bakusendelapo ulusako pabapina nukubasunkila, sona batakubabombela mubwanaloli abantu abakuyivyiwa. Uwise nu mwana wache umulumendo bakwinjila mumulindu weka, umwakuti bakulisamula itabwa lyane izelu.

Amosi 4:1

Ivwa kuno, mwe bakolo aba mu Samaliya mwe mwinite ngati ngwata izya mu Bashani. Mwe mukubayivya abapina na bapotwe mukubabuzya abalume binyu mukuti, “Tupe chimo ichakung'wela!”

Amosi 8:4

Ivwa kuno, amwe mwe mukubayivya abapina, sona mukulonda pakubamala abakusobelwa,

Mika 3:9

Ivwa kuno, mwe balongozi abaluko ulwa Yakobo, mwe balaghili aba Izilayeli, babo bakubusula ubwanaloli, nukuchinyongannya chosi chicho chigholosu,

Mika 6:12

Abantu bache abakabi bavyongo, abantu bache bamyasi, sona bakutamanta bulo.

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.

Matayi 23:13

“Chighune nkani kukwinyu, amwe mwe bamanyisi aba Ndaghilo naba Falisayi! Mwe bazimbuli mwee! Mukwighalila umulyango uwa Bumwene ubwa Kumwanya pamaso pabantu, po amwe mwebene mutakwinjilamo, pamo ukwitikizya babo bakuyezya ukwinjilamo.

1 Timoti 6:10

Pakuti ukuzighana indalama yo mpenya iya mbibi izya kulekanalekana. Pachifukwa icha kuzighana indalama, abantu bamo baluleghuka ulwitiko lwabo, nukwivulazya mumoyo ghabo ni vyakubaba ivikulu nkani.