Mika 2:12 - IBAYIBOLO 2024

¹² Wee Izilayeli, naloliloli nkwiza pakubabungannya mwebosi poka, naloliloli nkwiza pakubabungannya abantu abakusyalako aba Izilayeli. Nkwiza pakubabungannya ngati ng'ozi muchibagha, sona ngati gho mudimo apakudimilapo, ubuzilo bukwiza pakwizula na bantu abinji nkani.

Mika 2:12 Iomraidhean Croise

Ubwandilo 36:33

Bo u Bela afwa, u Yobabu umwana uwa Zela uwa muchisu icha Bozila akamupyana pakuba we mwene.

1 Imbili 1:44

Bo u Bela afwa, u Yobabu umwana uwa Zela uwa muchisu icha Bozila akamupyana pakuba we mwene.

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 27:12

Pisiku lilalila u Mwene akwiza pakubabungannya abantu weka na weka ukwanda kulusoko ulwa Yufuleti mupaka kulusoko ulwa Ijiputi ngati muntu yuyo akupeta ingano pakwefyamo ilyelelo.

Yesaya 34:6

U panga uwa Mwene oghite mwibanda, ali mafuta ghene agha mwana uwa ng'ozi nagha mbuzi, amafuta agha figho agha dubi. Pakuti u Mwene abika ichakwiyipa mukaya akakulu nkani aka Bozila, sona baghoghiwa abantu abinji nkani muchisu icha Edomu.

Yesaya 5:17

Po ing'ozi zikwiza pakulya ngati po zili pisote iteta, tope utwana utwa ng'ozi tukwiza pakulya muvisami ivya bantu abakabi.

Yelemiya 23:3

Ane nemwenecho nkwiza pakubabungannya abantu bane abakusyalako, nkwiza pakubefyamo muvyisu mumo nkabachimbizizyamo nukubanyosezya muvyisu vyabo, mumo bakwiza pakunyama nkani sona bakwiza pakuba binji nkani.

Yelemiya 3:18

Mumasiku ghalaghala ubumwene ubwa Yuda bukwiza pakuba poka nu bumwene ubwa Izilayeli, bosi poka bakwiza pakufuma kuchisu icha kumitu nukubasendela kuchisu chicho nkabapa abanyenya binyu pakuba mpyana yabo.”

Ezekiyeli 34:11

“ ‘Pakuti u Mwene Uwamaka Ghosi akuti: Ane nemwene nkwiza pakuzilonda ing'ozi zyane nukuzisungilila.

Ezekiyeli 34:13

Nkwiza pakuzyefya pa inko nukuzibungannya muvyisu iviyeni. Nkwiza pakuzinyosezya muchisu ichabo ni chabo. Nkwiza pakuzidima pighamba ilya Izilayeli papipi nu tusoko, na mubuzilo bosi ubwiza bubo abantu bakwikalako.

Ezekiyeli 34:22

nkwiza pakughupoka umudimo wane, sona ghutakwiza pakufyuliwa. Nkwiza pakuyilonga ing'ozi yokayoka.

Ezekiyeli 34:31

Amwe mwe ng'ozi zyane, ing'ozi zizyo nkuzilyesya, sona ane ne Chala winyu, u Mwene Uwamaka Ghosi anena.’ ”

Ezekiyeli 36:37

“U Mwene Uwamaka Ghosi akuti: Chicho nkwiza pakubamula sona aba Izilayeli bo bali pakulaba kukwane ukuti imbabombele chakuti, imbabalizye babe ngati mudimo uwa ng'ozi,

Ezekiyeli 37:21

po ubabuzye uti, ‘U Mwene Uwamaka Ghosi akuti: Nkwiza pakubefyapo aba Izilayeli pakasi pa inko kuko bakabuka. Nkwiza pakubabungannya pakufuma mu nkuto zyosi folo nukwiza nabo muchisu ichabo ni chabo.

Hoseya 1:11

Abantu aba mu Yuda, naba mu Izilayeli bakwiza pakuba poka. Bakwiza pakusala umulongozi weka, sona ivintu vikwiza pakubendela akiza muchisu chabo, pakuti isiku ilya Yezileli likwiza pakuba likulu nkani.

Amosi 1:12

Nkwiza pakuwisizya umoto mu Temani, ghugho ghukwiza pakughalungulizya amalinga agha mu Bozila.”

Mika 2:13

Umuntu yuyo akulongolela, weyuyo akubalanjizya izila pantazi papabo, bakwiza pakupankula umulyango nukufumamo. U mwene wabo akwiza pakudumusannya pantazi papabo, u Mwene akwiza pakubalongozya.”

Mika 4:8

Ukunena nizya awe, wee chitembe icha mudimo, wee ilinga ilya Ziyoni, ubumwene ubwakale bukwiza pakunyokela kukwako, ubumwene bukwiza pakunyokela mu Yelusalemu.”

Mika 5:7

Abakusyalako aba Yakobo, bakwiza pakwikala pakasi pabantu abinji, ngati nganda iyakufuma kwa Mwene, ngati vula iyakusalasata pisote, bakwiza pakusubila u Chala, batakwiza pakumusubila umuntu.

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Mika 7:14

Wee Mwene, badime abantu bako ni ndisa yako, umudimo uwampyana yako, ghugho ghukwikala wene mumusitu. Ghuleke ghulyanje apakudimilapo, ghuleke ghulyanje mu Bashani, na mu Giliyadi ngati mo mumasiku aghakale.

Mika 7:18

Nkimba we Chala wenu yuyo ayanite nawe, yuyo akuhobokela imbibi sona nukunanga ukwa bantu abakusyalako pakuba mpyana yache? Utakukalala bwila na bwila, loli akuhoboka nkani pakubapelela ichisa.

Zefaniya 3:20

Pakabalilo kalakala nkwiza pakubabungannya, nukubabwezya kukaya. Nkwiza pakubachindika nukubapala, pakasi pabantu bosi aba muchisu ichapasi. Nkwiza pakubanyosezya ubwiza bwinyu, bo mukwennya na maso ghinyu.” U Mwene anena.