Mika 2:11 - IBAYIBOLO 2024

¹¹ Nanti umuntu umumyasi sona umuzimbuli akwiza nukunena ukuti, ‘Nkwiza pakubalaghulila ukuti: Mukwiza pakuba nu vinyo umwinji, sona ni vyakungw'ela vivyo umuntu angakolwa navyo,’ umuntu yunuyu angaba mulaghuzi winyu!

Mika 2:11 Iomraidhean Croise

1 Abamwene 13:18

Umulaghuzi umughosi yula akati, “Nane bulo ne mulaghuzi. Uwantumi uwa Mwene akambuzya akati, ‘Buka poka nawe kunyumba yako pakulya ivibama nukung'wela amizi.’ ” Loli umulaghuzi yula akatamantagha.

1 Abamwene 22:6

Po u mwene uwa Izilayeli yula akabitizya abalaghuzi pipipipi 400 nukubalalusya ukuti, “Nkimba imbukaye ku Lamoti Giliyadi pakulwa ubwite, pamo awe?” Abalaghuzi bala bakamwamula bakati, “Bukagha, pakuti u Mwene akwiza pakukabika munyobe zyako.”

Yobu 31:5

Nanti natamanta pamo ichinama chane chachimbilila pakubazimbula abantu,

Ivyili 25:14

Umuntu uwakwituvya ni chabupi chicho atangabika, ayanite bulo ni mpepo na mabingu ghagho ghatakutimizya ivula.

Yesaya 28:7

sona na bantu banaba bope bakutantalila, pachifukwa icha vinyo. Abaputi na balaghuzi bakutantalila pachifukwa icha vinyo, bakutantalila bo bakwennya ivisetuka, bakupotwa pakulonga inongwa zizyo abantu bakubizila nazyo.

Yesaya 9:15

Abasongo na bantu abachindikiwa gho mutu, abalaghuzi babo bakumanyisya ubumyasi gho misinda.

Yelemiya 14:14

Po u Mwene akambuzya akati, “Abalaghuzi bakulaghulila mwitabwa lyane bakunena ubumyasi. Intabatumite awe, pamo ukubasala pamo ukunena nabo. Bakubalaghulila muvisetuka ivyabumyasi, pamo pakunena ni mizimu iya bafwe, pamo pakwiputa ku vifwani, sona bakunena ivya munyinong'ono zyabo imbibi.

Yelemiya 23:14

Loli mu balaghuzi aba mu Yelusalemu nachennyamo ichintu ichakoghofya nkani. Bakulowa nukunena ubumyasi. Bakubavwa abantu pakubomba ububibi, umwakuti atalipo nayumoyumo uwakuleka pakubomba ububibi. Kukwane bosi banaba bali ngati we Sodomu, abantu aba mu Yelusalemu bali ngati we Gomola.”

Yelemiya 23:17

Bakwendelela pakubabuzya abantu babo bakukana pakuteghelezya ku zizyo nkubabuzya bakuti, ‘U Mwene akuti: Mukwiza pakuba nu mutende.’ Sona bakubabuzya babo bali na moyo amakafu bakuti, ‘Intamyo zitakwiza pakubawila napo panandi.’

Yelemiya 23:25

“Nivuye zizyo abalaghuzi bakunena, sona bakulaghulila mwitabwa lyane, zizyo zyabumyasi bakukolomoka bakuti, ‘Nalota! Nalota!’

Yelemiya 23:32

Momumo, nkubakana abalaghuzi babo ubulaghuzi bwabo ubwa vilota ivyabumyasi. Bakubabuzya nukubapuvya abantu bane napapo intakabatuma sona intakabasalapo. Ubulaghuzi bwabo bute nubwavwilizi nabumobumo ku bantu banaba. Ane ne Mwene nanena.”

Yelemiya 28:15

Po umulaghuzi u Yelemiya akamubuzya u mulaghuzi u Hananiya akati, “Wee Hananiya teghelezya! U Mwene atakutumite loli pope bulo wayizimbula inko iyi ukuti yisubilaye ivyabumyasi.

Yelemiya 5:31

Abalaghuzi bakulaghula ivyabumyasi, abaputi bakumanyisya chicho bakulonda, sona abantu bane bakuhoboka na zyosi zinizi. Po nkimba mukwiza pakubomba choni pabumalilo?”

Nkuto 2:14

Ivisetuka ivya balaghuzi binyu vikaba vyabumyasi, sona vitakaba ni mbombo nayimoyimo. Bakazivumbula imbibi zyako umwakuti ivintu vikwendelaye akiza. Amazyu aghabulaghuzi ghakaba ghabumyasi sona ghakabasovyanga bulo abantu.

Ezekiyeli 13:22

Pachifukwa icha bumyasi bwinyu mwabawisya amaka abantu bane abagholosu napapo ane intakulonda ukubapelela ichitima awe, loli mwabakazya ababibi ukuti batakazileke izila zyabo imbibi, po pakubomba bunubu bakubupoka ubumi bwabo.

Hoseya 7:14

Batakundaba na moyo ghabo ghosi, loli bakulila pavitala vyabo. Pachifukwa ichakulonda ingano nu vinyo umupya, po bakunsambukila.

Mika 3:11

Abalongozi bache bakulonga pachifukwa icha mabeko, abaputi bache bakumanyisya pachifukwa icha malipilo, sona abalaghuzi bakulaghula pachifukwa icha ndalama. Loli pope bulo beghamiye kwa Mwene nukuti, “Nkimba u Mwene ate pakasi papitu? Chitalipo ichiwaya chicho chingatuwila.”

Mika 3:5

U Mwene akuti, “Abalaghuzi babo bakubasovya abantu bane, nanti yumo akubapa ichakulya, kokuti bakulumbilila ‘umutende.’ Nanti atakubomba bunubu, kokuti bakwiyannya pakulwa nawe ubwite.

Aba Loma 16:18

Pakuti abantu banaba batakumubombela u Mwene witu u Kilisitu, loli bakuvibombela ivinyonywa vyabo. Sona na mazyu ghabo manoni, sona mazimbuli bakubazimbula abantu babo batamenye nachimochimo.

Aba Filipi 3:19

Ubumalilo ubwa bantu banaba, ko kuzimila, pakuti u chala wabo zyo nyanda zyabo. Bakwituvikizya ni vintu vivyo babaghiye pakukoziwa navyo isoni. Amoyo ghabo ghali pavintu ivya muchisu ichapasi.

1 Yohani 4:1

Mwee bamanyani bane abaghaniwa, mutakabasubilaye abantu bosi babo bakuti bali nu Muzimu Umuzelu, loli mubayezyanje ukuti mumanye nanti naloli umuzimu ghugho bali nagho wakwa Chala. Pakuti abalaghuzi abamyasi binji nkani muchisu chosi ichapasi.