Mika 2:1 - IBAYIBOLO 2024

¹ Chighune ku bantu babo bakubatika pakubomba ububibi, sona nababo bakubatika ivibibi bo bali pavitala vyabo! Pandabindabi bakubomba zizyo babatika, pachifukwa ichakuti amaka aghakubombela zinizi ghali munyobe zyabo.

Mika 2:1 Iomraidhean Croise

Ubwandilo 31:29

Indi na maka ghosi aghakubombela ichintu ichibibi, loli mubusiku ubwa mabwila u Chala uwa ghuso akansoka muchilota akati, ‘Uchebaye nkani ukuti utakamubombele u Yakobo ichintu chimo ichibibi.’

1 Abamwene 21:7

Po umuchi wache u Yezibeli akati, “Awe we mwene uwa Izilayeli. Nyamuka ulye, sona utakapasyanje. Nkwiza pakukusendela umughunda uwa mampesya uwa Naboti umu Yezileli.”

Esitele 3:8

Po u Hamani akamubuzya u mwene u Ahaziwelo akati, “Pali uluko lumo ulwa bantu lulo lunyampanite bulo pakasi pabantu muvigaba vyako vyosi, lulo inyiho zyabo zilekanite ni nyiho izya bantu abanji bosi, sona lulo lutakukonka indaghilo zyako. Inzimenye akiza nkani ukuti wemwene utangabaleka bulo.

Esitele 5:14

Umuchi u Zeleshi poka na bamanyani bache bosi bakamubuzya bakati, “Upange ichikwi icha mamita 23 mumwanya. Pandabindabi umulabe u mwene ukuti u Molodikayi apayikiwanjepo. Po ubukaye poka nu mwene kulusekelo umwakuhoboka.” Ifundo yiniyi yikamuhobosya nkani u Hamani, umwakuti akapangisya ichikwi chila.

Esitele 9:25

Loli bo u mwene azyaghannya zizyo akalondagha pakubomba, akabika ululaghilo ulusimbe ulwakuti ichintu ichibibi chicho u Hamani akabatika pakubabombela aba Yuda chimuwile yuyo. Po u Hamani na bana bache bakapayikiwa pikwi.

Yobu 15:35

Bakupesa intamyo nukwinula imbibi; amoyo ghabo ghakwinong'ona nizya bumyasi.”

Yobu 24:14

Bo ichisi chawa, umughoghi akunyamuka pakughogha abapina na bapotwe, po pabusiku akwiba ngati mwiba.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 36:5

Wee Mwene ulughano lwako lwafika mupaka kumwanya, sona ubusubiliwa bwako bope bwafika mumabingu.

Masalimo 58:3

Abantu ababibi bakusobela ukwandila bo bachili bali mulwanda, sona abantu abamyasi bakusobela ukwanda pisiku ilya kupapiwa kwabo.

Ivyili 12:2

Umuntu umwiza u Mwene, akuhoboka nawe, loli akumulonga umuntu yuyo akubatika pakubomba ububibi.

Ivyili 14:22

Umuntu yuyo akubatikagha ububibi, akunanga, loli yuyo akwinong'onagha pakubomba inyiza, abantu bakumughana nukumupelela ichisa.

Ivyili 3:27

Ubabombelaye ubwiza babo bubabaghiye, nanti uli na maka aghakubombela bunubu.

Ivyili 4:16

Batangaghona utulo nanti batabombitepo chimo ichibibi; sona batakughona utulo mupaka bamupunuzye umuntu yumo.

Yesaya 29:20

Abantu abakali bakwiza pakuzimila, bope abalobezyo bakwiza pakuzyebeluka, sona abantu babo bakubennya abanji ni lyiso ibibi, bakwiza pakwefiwapo.

Yesaya 3:14

U Mwene akulonga abasongo na balongozi aba bantu bache, “Wewe waghunangannya umughunda uwa mampesya; ivintu vivyo mukafyula kubapina vili munyumba zyinyu.

Yesaya 32:7

Imbombo izya muntu umubibi mbibi, akubatika imbombo imbibi, pakubanangannya abapina nu bumyasi, napapo ukulambilizya ukwa basobelwe kugholosu

Yesaya 5:8

Chighune ku amwe mwe mukonjelezyakonjelezya inyumba, sona mukonjelezyakonjelezya amaghunda, mupaka patakasyalepo ubuzilo nabumo, sona mukwikala mwebene muchisu.

Yesaya 59:3

Inyobe zyinyu zili bulo chee ni banda, utufingwi twinyu tope twizuye ni mbibi. Imilomo ghinyu yikunena ubumyasi, zyope indimi zyinyu zikunena ivintu ivibibi.

Yelemiya 18:18

Po abantu bakati, “Zagha tubatike pakumubombela ububibi u Yelemiya! Pakuti abaputi bakwiza pakuba naswe akabalilo kosi pakutulongozya, abamahala bakwiza pakutulongozya, sona abalaghuzi bakwiza pakulumbilila amazyu agha Chala. Zagha tumupe inongwa, sona tuleke pakuteghelezya zizyo akunena.”

Ezekiyeli 11:2

U Mwene akambuzya akati, “Wee mwana uwa muntu, aba bo bantu babo bakubatika pakukubombela ububibi nukukapa akaya akakulu nkani ubulongozi ububibi.

Ezekiyeli 33:26

Amwe mukusubila ubwite, mukubomba ivyamwiko, sona umuntu wesi akumunyazya umuchi uwa mupalamani wache. Nkimba ichisu chingaba chinyu ni chinyu?’

Ezekiyeli 38:10

“ ‘U Mwene Uwamaka Ghosi akuti: Pisiku lila inyinong'ono zikwiza pakwiza mumoyo wako nukwanda pakuyannya pakubatika ububibi

Ezekiyeli 46:18

U mwene atakafyulaye ichilingo icha bantu, nukubachimbizyamo muchisu chabo. Abapanje abana bache ichilingo ichabo ni chabo, umwakuti patakabepo nayumo uwabantu bane uwakufyuliwa ichilingo chache.’ ”

Mika 6:12

Abantu bache abakabi bavyongo, abantu bache bamyasi, sona bakutamanta bulo.

Nahumu 1:11

Mu Ninive mukufuma umuntu yumo, yuyo akubatika pakumusambukila u Mwene, nukubamanyisya abantu ububibi.

Zekaliya 7:10

Mutakabayivyanje abafwilwe pamo abalanda, abayeni pamo abapina. Mutakinong'onelanaye ivintu ivibibi mumoyo ghinyu.’

Maliko 15:1

Pandabindabi nkani abaputi abasongo bosi, na balongozi aba Chiyuda, sona na bamanyisi aba Ndaghilo na balongi bosi bakakomana poka nukunenezannya benebene nizya Yesu. Bakamupinya u Yesu nukubuka nawe kwa Pilati.

Luka 20:19

Abamanyisi aba Ndaghilo na baputi abasongo bakayezya pakumulema u Yesu umwalubilolubilo pakuti bakazyaghannya ukuti akanenagha ni zyabo muchili chilachila, loli bakanyilagha abantu bala.

Yohani 19:11

U Yesu akamwamula akati, “Uli nu bulaghili papane pakuti we Chala yuyo akakupa ubulaghili bunubu. Po umuntu yuyo akambika munyobe zyinyu anangite nkani.”

Imbombo 23:12

Bo kwacha, aba Yuda bakabatika nizya kumughogha u Pabuli. Bakalapa kwa Chala ukuti batakwiza pakulya pamo ukung'wela kamo mupaka papo bamughogha u Pabuli.

Imbombo 23:15

Ilelo awe poka na balongi mutume amazyu kwa songo nkani uwa basilikali uwa Chiloma ukuti ize nu Pabuli kukwako ngati po ukulonda ukuti umanye akiza nkani nizya nongwa yache. Loli tukwiza pakwiyannya ukuti tumughoghe bo atafikite na kuno.”

Aba Loma 1:30

nukobezannya benebene, balwani aba Chala, sona bali na madinko, bamituvyo na bakwikwezya, bakwata ivibibi; batakwivwila abapapi babo;

Ukukumbusya Amalamulo 28:32

Abayeni bakwiza pakubalema abana bako abalumendo na balindu pakuba bazya, bo ukwennya na maso ghako. Isiku ni siku amaso ghako ghakwiza pakubanga kuzila, bo ukulindilila ukuti pamo abana bako bakwiza pakunyokela, loli utakwiza pakubombapo nachimochimo.