Mika 1:7 - IBAYIBOLO 2024

⁷ Ivifwani vyache vyosi vikwiza pakutiziwa tunanditunandi, sona ni vyabupi vyache vyosi, ivya mu Nyumba iya Chala vikwiza pakochiwa numoto. Nkwiza pakuvinangannya ivifwani vyache vyosi. Pakuti akavyaghila ivyabupi vyache mumuvwalo uwa bwamalaya, pakuba muvwalo uwa bwamalaya bakwiza pakuvibombezya sona.”

Mika 1:7 Iomraidhean Croise

2 Imbili 31:1

Bo zyosi zinizi zyamala, aba Izilayeli babo bakaba palapala bakabuka mutwaya utukulu mu Yuda nukumongolannya Ivikumbusyo ivipaghuliwa ivya mabwe nukudumulannya ivifwani ivya Ashela. Bakanangannya ubuzilo ubwapamwanya ubwakwiputilapo ivifwani ni vighemo mu Yuda mosi na muchisu icha Benjamini nicha Efulayimu sona nicha Manase. Bo bamala pakuvinangannya vyosi, aba Izilayeli bakabwela.

Yesaya 2:18

Ivifwani vitakwiza pakuboneka sona.

Yesaya 23:17

Pabumalilo ubwa maka sevente u Mwene akwiza pakukakumbuka akaya aka Tile. Akwiza pakunyokela sona pambombo yache iya bumalaya, akwiza pakulowa na bamwene bosi aba muchisu chosi ichapasi.

Yesaya 27:9

Bunubu, po imbibi izya Izilayeli zikwiza pakuhobokeliwa, vinivi vikwiza pakuba vikomwa ivyakwefesezya imbibi, akwiza pakughatizannya amabwe ghosi agha vighemo pakuba lufumbi, ichighemo ichakwiputilapo ichifwani icha Ashela, pamo ichighemo ichakufukizizya utwa kununkila, vitakwiza pakubangapo sona.

Ezekiyeli 6:6

Kosi kuko mukwikala utwaya twinyu utukulu tukwiza pakunanganika, po ubuzilo bwinyu ubwapamwanya bukwiza pakumongoliwa, umwakuti ivighemo vyinyu vikwiza pakuba visami, ivifwani vyinyu vikwiza pakutiziwa nukulekiwa, vyope ivyakufukizizya utwakunukila vikwiza pakutiziwa, vyosi vivyo mwapanga vikwiza pakumala.

Hoseya 2:12

Nkwiza pakughanangannya amampesya ghache, na makwi agha makuyu, ghagho akatinji gho malipilo ghache aghakufuma ku baghaniwa bache. Nkwiza pakughapela pakuba ngati gho musitu, sona ivinyamana ivyamuzi vikwiza pakughalya.

Hoseya 2:14

Polelo nkwiza pakumudeba umukolo yula, nukubuka nawe kunkolongo, sona nkwiza pakunena nawe akiza nkani.

Hoseya 2:5

Unyina atakaba musubiliwa, sona akamela ulwandwa bo akubomba inkozyasoni. Akati, “Nkwiza pakubakonka abapamoyo bane, babo bakumpa ichakulya, na mizi. Bakumpa sona ameya, na menda amatonte, na mafuta agha misyunguti, sona nu vinyo.”

Hoseya 8:5

Mwee bantu aba mu Samaliya, vitaghe ivifwani vyinyu ivya ngwata! Ubukali bwane bukwaka papabo. Nkimba pakwiza pakwendapo kabalilo koni, ukuti abantu banaba biswefye?

Hoseya 8:6

Nkimba ichifwani chinichi chitafuma mu Izilayeli? Chapangiwa nabafundi bulo. Te we Chala, awe, ichifwani ichakubiziwa mu Samaliya chila, chikwiza pakutiziwa mutuvigaba.

Yoweli 3:3

Bakapanga amayele na bantu bane sona bakaghulizannya abalumendo nu bwamalaya sona abalindu nu vinyo umwakuti bakolwe.

Aba Levi 26:30

Nkwiza pakunangannya inyumba zyinyu izyakwiputilamo ivifwani mumaghamba, nukumongolannya ivighemo ivyakufukizizyapo utwakununkila. Nkwiza pakuyisumbila imivimba yinyu pa vifwani vivyo vite nubumi, sona nkwiza pakubasulannya.

Ukukumbusya Amalamulo 23:18

Mutakize ni ndalama izya bwamalaya, manyi umalaya umwanavuli manyi umalaya umukolo mu Nyumba iya Mwene u Chala winyu, ukuti mukwanilisye ichilapo chinyu, pachifukwa ichakuti u Mwene avibengite vyosi vinivi.

Ukukumbusya Amalamulo 9:21

Ane nkachisenda ichintu icha mbibi zyinyu, ingwata yiyo mukipangila mwebene nukuyocha. Nkachisya nukulisumbila itoyi lyache mulusoko, lulo lukendagha muntende mwighamba.

Ubuvumbuli 18:3

Ivyisu vyosi vyang'wela uvinyo wache, uvinyo umukali uwa bwamalaya bwache. Abamwene aba muchisu ichapasi bakalowa nawe, sona abaghulizi aba muchisu ichapasi bakaba bakabi pachifukwa icha bumi bwache ubwamwalwemwalwe.”

Ubuvumbuli 18:9

“Abamwene aba muchisu ichapasi babo bakalowa nawe bakwiza pakukalilila nukukafwifwitilila akaya akakulu nkani kala, bo bakulyennya ilyosi ilya moto ghugho ghukumulungulizya.

1 Samuweli 5:4

Loli indabi yache pandabindabi, bo balamusya bakagha ichifwani chila chighuye sona ubukupama pantazi pi Bokosi ilya Lufingo ilya Mwene. Pakabalilo kanaka umutu ni nyobe zyache vikadumuka nukuwila pamulyango. Ichimubili chache chene cho chicho chikasyalikila.