Mika 1:4 - IBAYIBOLO 2024

⁴ Amaghamba ghakusunguluka muntende mwa Mwene. Ghope amakombe ghakulepunkana, ngati mpula pamoto, sona ngati mizi aghakwika pighamba.

Mika 1:4 Iomraidhean Croise

Masalimo 46:6

Abantu aba inko izinji bakali, ubumwene ubwakulekanalekana bukutetema. Nanti u Chala akunena, ichisu chikusunguluka.

Masalimo 68:2

Ubaputaye ngati mumo impepo yikuputila ilyosi, banangannye ngati mumo impula likusungunukila pamoto.

Masalimo 97:5

Amaghamba ghakusunguluka ngati mpula pamaso pa Mwene, pamaso pa Mwene uwa ichisu chosi ichapasi.

Amosi 9:5

U Mwene, u Mwene Uwamaka Ghosi, yuyo achipalamasya ichisu ichapasi chikusunguluka, sona abantu babo bakwikalamo bakulila. Ichisu chosi chikwizula ngati lusoko ulwa Nayilo, sona chikupwa ngati lusoko ulwa mu Ijiputi.

Nahumu 1:5

Amaghamba ghakuneng'ena pamaso papache, sona utumaghamba tukusunguluka. Ichisu chikutetema pamaso papache, ichisu chosi ichapasi sona na babo bakwikala mulamula.

Habakuku 3:10

Amaghamba ghakakwennya nukutetema, nukusata ukufuma kumwanya, ubwibizu ubwanyanja bukazumagha ichongo, nukughakwezya amayigha ghache mumwanya.

Habakuku 3:6

Akimilila, nukuchineng'ennya ichisu ichapasi, akennya po inko izya bantu zikatetema. Amaghamba aghakale ghakalepunkana, sona utumaghamba utwakale tope tukamongonkana. Izila zyache zya bwila na bwila.

Zekaliya 14:4

Pisiku lilalila akwiza pakwimilila Pighamba ilya Misyunguti kubwinjililo bwizuba ubwa Yelusalemu, po ighamba lilalila likwiza pakugabiwa pabili, lyoka kubufumilo bwizuba ilinji kubwinjililo bwizuba. Likwiza pakupela ikombe ikulu nkani, u hafu uwa chigaba choka akwiza pakubuzila kuchigaba icha kumitu sona u hafu uwa chigaba ichinji akwiza pakubuzila kuchigaba icha kuntende.

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.

Abalongi 5:4

Wee Mwene, bo wepapo pighamba ilya Seyili, sona bo wiza muchisu icha Edomu, ichisu ichapasi chikaneng'ena, sona ivula yikatima. Eee, amabingu ghakasunguluka kumwanya nukupungulila amizi.