Mika 1:3 - IBAYIBOLO 2024

³ Ennya! U Mwene akwiza ukufuma pabuzilo bwache ubwakwikalapo, akwika pasi nukwenda patunenela utwa maghamba.

Mika 1:3 Iomraidhean Croise

Yobu 40:12

umwenelezye umuntu wesi uwa mituvyo nukumukozya isoni, nukubasya ababibi bosi papo bimiliye.

Masalimo 115:3

U Chala witu ali kumwanya, sona akubomba zyosi zizyo zikumuhobosya.

Yesaya 25:10

Inyobe iya Mwene yikwiza pakuba pighamba linili, loli aba Mowabu bakwiza pakukanyankiliwa, ngati mumo isote likukanyankiliwa mumumvundo.

Yesaya 26:21

Ennya, u Mwene akufuma mubuzilo bwache ubwakwikalamo, pakubafunda abantu aba pachisu ichapasi pa pachifukwa icha mbibi zyabo. Po ichisu chikwiza pakuvumbula ibanda lilyo lyakupukilapo papache, ichisu ichapasi chikwiza pakubavumbula abantu babo bakaghoghiwa.

Ezekiyeli 3:12

Po Umuzimu akankwezya pamwanya, kwisinda kwane nkivwa ichongo ichikulu nkani ngati kasenyenta akakulu nkani likunena ukuti, “Leka ubuchindamu ubwa Mwene bupaliwanje mumo akwikalamo!”

Amosi 4:13

Yuyo akupela amaghamba akupela impepo, nukubavumbulila abantu inyinong'ono zyache, yuyo akughupela umusanya pakuba chisi, akwenda pamwanya pachisu ichapasi: Itabwa lyache we Mwene u Chala Uwamaka Ghosi.

Amosi 9:5

U Mwene, u Mwene Uwamaka Ghosi, yuyo achipalamasya ichisu ichapasi chikusunguluka, sona abantu babo bakwikalamo bakulila. Ichisu chosi chikwizula ngati lusoko ulwa Nayilo, sona chikupwa ngati lusoko ulwa mu Ijiputi.

Habakuku 3:19

U Mwene Uwamaka Ghosi we maka ghane, akuvipela ivinama vyane pakuba ngati vinama vya mbabala, sona akunyitikizya ane ukufika pamwanya pighamba. Kumulongozi uwa bwimbi. Pakubombezya ipango.

Zekaliya 14:4

Pisiku lilalila akwiza pakwimilila Pighamba ilya Misyunguti kubwinjililo bwizuba ubwa Yelusalemu, po ighamba lilalila likwiza pakugabiwa pabili, lyoka kubufumilo bwizuba ilinji kubwinjililo bwizuba. Likwiza pakupela ikombe ikulu nkani, u hafu uwa chigaba choka akwiza pakubuzila kuchigaba icha kumitu sona u hafu uwa chigaba ichinji akwiza pakubuzila kuchigaba icha kuntende.

Ukukumbusya Amalamulo 32:13

Akabavwa ukuti balaghilaye ivyisu ivya mumaghamba, sona bakalyanga ivimelwa ivya mumaghunda. Akabalyesya ubuchi ubwa mumpako izya mabwe, na mafuta ghagho ghakafumagha mumabwe.

Ukukumbusya Amalamulo 33:29

Mwee ba Izilayeli, mwe basayiwa nkani! Nkimba wewenu yuyo ayanite namwe, mwe bantu babo bapokiwe nu Mwene? U Mwene umwenecho we ngulu yinyu, sona wepanga winyu uwakupotela. Abalwani binyu bakwiza pakukupama, po amwe mukwiza pakubakanyankila pasi.”