Mika 1:15 - IBAYIBOLO 2024

¹⁵ Mwe bantu baku Malesha, nkwiza pakubabika munyobe izya mulwani yuyo akwiza pakubafyula akaya. Abalongozi aba mu Izilayeli bakwiza pakuvwama mu mpako iya Adulamu.

Mika 1:15 Iomraidhean Croise

Ubwandilo 38:1

Pakabalilo kalakala u Yuda akabaleka abakamu bache nukubuka pakwikala nu Hila umuntu yumo wamu Adulamu.

2 Samuweli 23:13

Pakabalilo aka kwinula, abasilikali bamo batatu abamanyikwe pakasi pabasilikali 30, bakabuka kwa Devedi kumpako iya Adulamu, bo akabukatila aka basilikali aka ba Filisiti kazengite ivisakasa vyabo mwikombe ilya Lefayimu.

2 Imbili 11:7

naka Beti Zuli naka Soko naka Adulamu

Yesaya 10:3

Nkimba mukwiza pakubomba ichoni pisiku ilya lufundo, bo ukunanganika kukwiza ukufuma kubutali? Nkimba mukwiza ukuchimbilila kwa wenu ukuti mubwaghe ubwavwilizi? Nkimba mukwiza pakumulekela uwenu ubukabi bwinyu?

Yelemiya 49:1

Pakunena nizya luko ulwa Amoni, u Mwene ukulalusya akuti, “Nkimba aba Izilayeli bate na bana abalumendo? Nkimba bate naba mpyana? Po nkimba choni chicho abantu, babo bakumwiputa u Moleki bafyulite ichisu icha Gadi? Nkimba choni chicho abantu bache bakwikala mutwaya twache utukulu?

Yoshwa 12:15

u mwene uwamu Libina uwa bamo aba mu Adulamu

Yoshwa 15:35

naka Yalimuti naka Adulamu naka Soko naka Azeka

Yoshwa 15:44

naka Keyila naka Akizibu sona naka Malesha: Utwaya utukulu tukabapo 9, sona nutwaya twabo utwakuzyungulila.

1 Samuweli 22:1

U Devedi akachimbilako ku Gati nukuvwama mumpako iya Adulamu. Bo abawamwabo poka na bamunyumba iya wise bivwa zinizi, bakamukonka kulakula.