Mika 1:11 - IBAYIBOLO 2024

¹¹ Mwee bantu aba mu Shafili, bukagha kuchisu icha buzya bo muli nkule sona nisoni. Abantu aba mu Zanani batakwiza pakwepamo mukaya kabo. Abantu aba mu Beti Ezeli bakulila, mumanye ukuti batangabavwa.

Mika 1:11 Iomraidhean Croise

Yesaya 16:2

Ngati mumo utuyuni tukubulukila ukwepa pachivulumbo, momumo babeleye abakolo aba mu Mowabu, piloboko ilya lusoko ulwa Alinoni.

Yesaya 20:4

Umu momumo u mwene uwa ku Asiliya akwiza pakuchisendela ichisu icha Ijiputi nicha Etiyopiya kubuzya, akwiza pakuvipela ukuti vyendaye nkule sona nyayo zyene, abasongo na banadi ukuti bakoziwanje isoni.

Yelemiya 13:22

Nanti mukwilalusya mwebene mukuti, ‘Nkimba choni chicho zyosi zinizi zyatuwila?’ Pachifukwa icha mbibi zyinyu inyinji ivyakuvwala vyinyu vyazepuliwa sona amabili ghinyu ghayinviwa.

Yelemiya 48:6

Chimbila! Bupoke ubumi bwinyu, mube ngati vyo vinyamana ivya munkolongo.

Yelemiya 48:9

Umusoke u Mowabu, pakuti akwiza pakunanganika lunulu, Utwaya twache utukulu tukwiza pakuba visami, mumo atalipo nayumoyumo umuntu uwakwikalamo.

Ezekiyeli 16:37

po nkwiza pakubabungannya abaghaniwa bako bosi, babo ukabomba nabo ivibibi, babo ukabaghana sona na babo ukababenga. Nkwiza pakubabungannya ukwanda kunkuto zyosi, nkwiza pakukuvula pamaka pamaso papabo, po bakwiza pakwennya inkule yako.

Ezekiyeli 23:29

Bakwiza pakukubombela ivipalapala nukukufyula vyosi vivyo ukiyula. Bakwiza pakukuleka nkule, po umubili uwa bwamalaya bwako bakwiza pakughuleka bo utavwete nachimochimo.

Mika 1:8

U Mika akati, “Pachifukwa chinichi, nkwiza pakulila nukufwifwitila, sona nkwiza pakwenda nyayo zyene nukuba nkule, Nkwiza pakukuta ngati we kambwe sona nkwiza pakulila ngati lisisimusi.

Nahumu 3:5

U Mwene Uwamaka Ghosi akuti, “Wee Ninive, nkwiza pakukusambukila. Nkwiza pakukuvula amenda ghako, nukuzilangizya inko inkule yako, po ukwiza pakuba nisoni pamaso pa inko.

Zekaliya 14:5

Mukwiza pakupona pachifukwa icha likombe lilyo lili pakasi pamaghamba mabili, pakuti likwiza pakufika mupaka ku Azeli. Mukwiza pakuchimbila ngati mumo mukachimbilila akasenyenta, bo u mwene Uziya akulaghila mu Yuda. Po u Mwene u Chala wane akwiza pakwiza poka na bantu bache bosi abazelu.

Yoshwa 15:37

Pakabapo sona akaya aka Zenani naka Hadasha naka Migidali Gadi