Matayi 9:2 - IBAYIBOLO 2024

² kuko abantu bamo bakiza nu muntu umulemazu, bo alambalaye pachibonde. Bo u Yesu ennya ulwitiko lwabo, akamubuzya umuntu umulemazu yula akati, “Wee mwana wane, jimba umoyo! Imbibi zyako zyahobokeliwa.”

Ulufingo Ulupya

² kuko abantu bamo bakiza nu muntu umulemazu, bo alambalaye pachibonde. Bo u Yesu ennya ulwitiko lwabo, akamubuzya umuntu umulemazu yula akati, “Wee mwana wane, jimba umoyo! Imbibi zyako zyahobokeliwa.”

Matayi 9:2 Iomraidhean Croise

Umulumbilili 9:7

Lyanga ichakulya chako nukusekela, sona ng'welagha uvinyo wako nu buhobosu, pakuti u Chala ahobokite ni mbombo zyako.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Matayi 14:27

Panapo na panapo u Yesu akababuzya akati, “Mutakatetemaye! Nene. Mutakanyilaye.”

Matayi 4:24

Imbili iya Yesu yikasata muchisu chosi icha Siliya, umwakuti abantu bakiza kukwache na babine bosi babo bakaba nu bubine ubwakulekanalekana, na babo bakivwa ububavu mu mabili ghabo—abantu babo bakaba ni mizimu imibibi, abavizilisi na babo bafuye ivinama, po u Yesu akabapozya bosi.

Matayi 6:12

Utuhobokele imbibi zyitu ukuyana namumo naswe bulo tukubahobokela abantu babo bakutunangila.

Matayi 8:10

Bo u Yesu ivwa zinizi, akaswigha nkani, po akababuzya abantu babo bakamukonkagha ukuti, “Naloli nkubabuzya ukuti intamwaghite nalumolumo umuntu uwa lwitiko ulukulu ngati we uyu pakasi paba Izilayeli.

Matayi 8:16

Pachamabwila abantu bakiza kwa Yesu na bantu abinji babo bakaba ni mizimu imibibi. U Yesu akefya imizimu yila nizyu bulo nukubapozya abantu ababine bosi.

Matayi 9:22

U Yesu akaghalabuka nukumwennya umukolo yula nukuti, “Wee mwana wane, jimba umoyo! Ulwitiko lwako lwakupozya.” Panapo na panapo umukolo yula akapola.

Matayi 9:5

Nkimba chili ko kwiyi chicho chipepe, pakumubuzya ukuti, ‘Imbibi zyako zyahobokeliwa,’ pamo pakumubuzya ukuti, ‘Nyamuka, endagha?’

Matayi 9:6

Loli nkwiza pakubasimikizizya ukuti u Mwana uwa Muntu ali nu bulaghili pachisu ichapasi pano ubwakuhobokela imbibi.” Po akamubuzya umuntu umulemazu yula akati, “Nyamuka, nyamula ichibonde chako bwelagha.”

Maliko 1:32

Pachamabwila bo izuba lyinjila, abantu bakiza na bantu ababine bosi poka na bantu babo bakaba ni mizimu imibibi.

Maliko 10:49

U Yesu akima nukubabuzya abantu bala ukuti, “Mwitizye.” Po bakamwitizya umufwamaso yula nukumubuzya ukuti, “Jimba umoyo! Nyamuka akukwitizya.”

Maliko 5:34

U Yesu akamubuzya umukolo yula akati, “Wee mwana wane, ulwitiko lwako lwakupozya. Wende akiza, intamyo zyako zyamala.”

Maliko 6:50

Bo bamwennya, bosi ubogha bukabalema nkani. Panapo na panapo u Yesu akababuzya akati, “Mutakatetemaye! Nene. Mutakanyilaye!”

Yohani 16:33

Nababuzya zinizi ukuti mubanje nu mutende pakuba poka nane. Ichisu ichapasi chikwiza pakubavwima, loli mujimbe nkani umoyo pakuti nachipota kale ichisu ichapasi!”

Yohani 2:25

Patakalondiwa ukuti yumo amubuzye nizya bantu pakuti umwenecho akazimanya inyinong'ono zyabo.

Yohani 21:5

U Yesu akabalalusya akati, “Mwee bamanyani, nkimba mutalemitepo niswi nayimoyimo?” Bakamwamula bakati, “Nayimoyimo.”

Imbombo 14:9

Akikala mulamula nukuteghelezya amazyu agha Pabuli. U Pabuli akamwenelezya umuntu yula nukwennya ukuti akaba nu lwitiko ulwakuti angapola nalo.

Imbombo 19:12

umwakuti tope ututambala na menda ghagho u Pabuli akabombezyanga, bakaghabikagha pa babine, po bakapolagha, sona ni mizimu imibibi yope yikepamo mumwabo.

Imbombo 23:11

Ubusiku bulabula u Mwene akimilila papipi nu Pabuli nukumubuzya ukuti, “Utakanyilaye! Ukaba we kaboni wane mu Yelusalemu muno, po ubaghiye pakuba we kaboni wane sona na mu Loma bulo.”

Aba Loma 5:11

Loli ukuchilapo pazinizi, tukusekela pachifukwa icha zizyo u Chala abomba ukwendela mwa Mwene witu u Yesu Kilisitu, yuyo ilelo atusayannya aswe nu Chala.

Yakobo 2:18

Loli umuntu yumo akwiza pakunena ukuti, “Awe uli nu lwitiko, loli ane indi ni mbombo.” Po ilyamulo lyane lyo ili, “Undanjizye ulwitiko lwako ulusita imbombo, po nane nkwiza pakukulanjizya ulwitiko lwane ukwendela mu mbombo zyane.”