Matayi 6:3 - IBAYIBOLO 2024

³ Loli nanti mukumwavwa umuntu umupotwe, mutakazibombaye pabuzelu, umwakuti umumanyani wako uwa pamoyo atakazimanye.

Ulufingo Ulupya

³ Loli nanti mukumwavwa umuntu umupotwe, mutakazibombaye pabuzelu, umwakuti umumanyani wako uwa pamoyo atakazimanye.

Matayi 6:3 Iomraidhean Croise

Matayi 12:19

Atakwiza pakudalika pamo ukukolomoka, nayumo umuntu yuyo akwiza pakwivwa izyu lyache mumisebo.

Matayi 6:2

“Nanti mukumupa chimo umuntu umupotwe, mutakifumusyanje ukuyana namumo bakubombela abazimbuli munyumba izyakwiputilamo na muminalo. Bakubomba bunubu ukuti abantu babapale. Naloli nkubabuzya ukuti bapokelela zila umuvwalo wabo.

Matayi 6:4

Po vivyo mwabomba vikwiza pakuba vya kubusyefu. Ughuso yuyo akwennya izyakubusyefu akwiza pakubapa umuvwalo.

Matayi 8:4

U Yesu akamubuzya akati, “Ivwa kuno! Utakamubuzyepo nayumo umuntu. Loli bukagha wilanjizye ku muputi ukuti akupime; ukuti abantu bosi bamanye ukuti wapola, ubike ichabupi chicho u Mozesi akalamula.”

Matayi 9:30

Amaso ghabo ghakighuka. U Yesu akabasoka nkani akati, “Mutakamubuzyepo yumo.”

Maliko 1:44

akamubuzya akati, “Ivwa kuno! Utakamubuzyepo nayumo umuntu. Loli bukagha wilanjizye ku muputi ukuti akupime ukuti abantu bosi bamanye ukuti wapola, ubike ichabupi chicho u Mozesi akalamula.”

Yohani 7:4

Nayumo umuntu yuyo akufisa vivyo akubomba, nanti akulonda ukuti amanyikwe pabuzelu. Pakuti ukubomba ivintu vinivi, ubaghiye wilanjizye wemwene kuchisu chosi ichapasi.”