Matayi 22:3 - IBAYIBOLO 2024

³ Akabatuma abambombo bache pakubabuzya abantu babo bakitiziwa ku lusekelo, loli bakakana.

Ulufingo Ulupya

³ Akabatuma abambombo bache pakubabuzya abantu babo bakitiziwa ku lusekelo, loli bakakana.

Matayi 22:3 Iomraidhean Croise

Masalimo 68:11

U Chala akunena amazyu, po ichilundilo icha babo bakalumbilila zinizi chikaba chikulu nkani.

Yesaya 30:15

Izi zyo zizyo U Mwene Uwamaka Ghosi Umuzelu uwa Izilayeli akuti, “Nanti mukupinduka nukuba myee mukwiza pakupokiwa, ukuba myee kwinyu nu lusubilo lwinyu gho maka ghinyu, loli amwe mutakalonda awe.

Yelemiya 25:4

Loli napapo u Mwene akabatumila ababombi bache abalaghuzi kabilikabili, pope bulo mutakivwa pamo ukuteghelezya.

Yelemiya 35:15

Kabilikabili nkabatumilagha ababombi bane abalaghuzi ukuti bize bababuzye ukuti, “Umuntu wesi mumwinyu azileke imbombo zyache imbibi. Yannya inkalo zyinyu, sona mutakabakonkaye abachala abanji nukubabombela. Po mukwiza pakwikala muchisu chicho imbapiye amwe na baghuso.” Loli pope bulo mutakanteghelezya sona mutakanyivwila.

Hoseya 11:2

Napapo nkamwitizya u Izilayeli akinji bulo, loli akepaghako nkani kukwane. Bakabika ivyakwiyipa kwa Baala, sona bakafukizya utwakununkila ku vifwani.

Hoseya 11:7

Abantu bane balemezizye pakunkana, Napapo bakwitizya ku Wakumwanya Nkani, loli batakunchindika nubwanaloli.

Zefaniya 1:7

Ubanje myee pamaso pa Mwene Uwamaka Ghosi, pakuti isiku ilya Mwene lili papipi. U Mwene ayannya ichakwiyipa, sona abapaghula abantu babo abitizizye.

Matayi 21:34

Bo akabalilo kakwana akakuyabila amampesya, umuntu yula akabatuma abambombo bache ku balimi bala pakumusendela amampesya ghache.

Matayi 23:37

“Wee Yelusalemu, wee Yelusalemu! Ukughogha abalaghuzi nukuzitiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Matayi 3:2

Akati, “Pinduka nukuzileka imbibi zyinyu, pakuti Ubumwene ubwa Kumwanya buli papipi!”

Matayi 9:15

U Yesu akamula akati, “Nkimba mukwinong'ona ukuti abayeni palusekelo ulwa sendwa bangalanjizya ichitima bo umwenesendwa ali poka nabo? Awe! Loli isiku likwiza bo umwenesendwa bamwefyako kukwabo, po bakwiza ukutuzya pakulya.”

Luka 13:34

“Wee Yelusalemu, wee Yelusalemu! Ukughogha abalaghuzi nukubatiza na mabwe intumi zizyo u Chala akutumiye! Akabalilo akinji nalondagha pakubabungannya abana bako ukuyana namumo inkuku yikufukatilila utwana twache muvipapande, loli utakanyitikizya.

Luka 15:28

Bo umwana usongo yula ivwa zinizi, akakalala nkani umwakuti akakana nukwinjila munyumba mula. Po uwise akafuma kuzi nukumulaba ukuti injile.

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Yohani 5:40

Loli amwe mukukana ukwiza kukwane ukuti mubanje nubumi.

Imbombo 13:45

Bo aba Yuda bennya ichilundilo icha bantu chila, bakizula na kabini. Akanena ukuti zizyo u Pabuli akunena zyabumyasi sona bakamusamula nkani u Pabuli.

Aba Loma 10:21

Loli nizya ba Izilayeli akati, “Umusanya ghosi nkagholosya inyobe zyane pakubapokela abantu babo batakanyivwilagha, sona na babo bakansambukila.”

Aba Hebeli 12:25

Po mubanje maso ukuti mutakamukanaye yuyo akunena namwe. Nanti abantu babo bakakana pakumwivwila yuyo akabasoka, bataponite ulufundo, po nkimba aswe tukwiza pakupona bulibuli nanti tutakumuteghelezya uwakumwanya yuyo akutusoka?

Aba Hebeli 9:15

Pachifukwa ichi u Kilisitu we mufusya uwa lufingo ulupya, umwakuti abantu babo bitiziwe nu Chala bapokele ulusayo ulwa bwila na bwila lulo u Chala akalayizya. Ichi chikabombiwa ukwendela mu bufwe ubwa Kilisitu bubo bukupoka abantu babo bakabomba imbibi, bo bali nu lufingo ulwakwanda lula.

Ubuvumbuli 22:17

U Muzimu Umuzelu nu mukolo yuyo akusendwa bakuti, “Zagha!” Umuntu wesi yuyo akwivwa zinizi, wepe anene ati, “Zagha!” Umuntu wesi yuyo ali ni nyota, ize. Umuntu wesi yuyo akughalonda, muleke asende pabulo amizi amapela bumi.

1 Samuweli 9:13

Bo mwinjila bulo mukaya kala mukwiza pakumwagha, bo atabukite kubuzilo ubwakwiputilapo pakulya. Abantu batanganda pakulya nanti atafikite, pakuti weyuyo abaghiye pakuchisaya tasi ichakwiyipa chila. Pisinda pache abantu abakwitiziwa bala bakwanda pakulya. Losi ulu bukagha mukomane nawe.”