Matayi 2:2 - IBAYIBOLO 2024

² Bakalalusya bakati, “Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo bwizuba. Po twiza pakumwiputa.”

Ulufingo Ulupya

² Bakalalusya bakati, “Ali ko kwiyi umwana yuyo apapiwa pakuba we mwene uwa ba Yuda? Tukennya ulutondwa lwache kubufumilo ubwizuba. Po twiza pakumuchindika.”

Matayi 2:2 Iomraidhean Croise

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 45:11

U mwene akukunyonywa pachifukwa ichakuboneka kwako akiza, po umuchindikaye pakuti we mwene wako.

Yesaya 60:3

Inko zikwiza pakwiza kulokozyo lwako, na bamwene bakwiza pakwiza pakwennya, ukulama kwako ukwa pandabindabi.

Yelemiya 23:5

“Amasiku ghakwiza ghagho ane ne Mwene nkwiza pakubimikila u mwene umugholosu pa banyenya aba Devedi. Weyuyo akwiza pakubalaghila abantu mubugholosu na mumahala, sona akwiza pakulongelagha mubugholosu na mubwanaloli inongwa izya bantu aba muchisu.

Yelemiya 30:9

Mubuzilo bwache bakwiza pakumubombela u Mwene u Chala wabo, sona nu Devedi u mwene wabo, yuyo nkwiza pakubasalila.

Zekaliya 9:9

Mwee bantu aba mukaya akakulu nkani aka Ziyoni, sekelagha nkani! Mwee bantu ba mu Yelusalemu, hobokagha! Ennya, u mwene winyu akwiza kukwinyu, mugholosu sona ali nubupoki, mololo sona akwelite pampunda inyanavuli, umwana wampunda.

Ukubelengiwa 24:17

Nkwennya muntazi, nkwennya uluko lwaba Izilayeli. Umwene yuyo ayanite nu lutondwa, akwiza pakuba wa munyumba iya Yakobo. Indisa iya bumwene yikwiza pakuba ya munyumba iya Izilayeli. Indisa yache yikwiza pakubakoma abalongozi aba Mowabu, sona yikwiza pakulupota uluko ulwa Seti.

Matayi 2:3

Bo u Mwene u Helodi, poka na bantu bosi aba mu Yelusalemu bivwa zinizi, bakavulala mumoyo.

Matayi 21:5

“Kabuzye akaya akakulu nkani aka Ziyoni ukuti, ‘Ennya, u mwene wako akwiza kukwako. Wakwiyisya, sona akwelite pampunda, pamwana uwa mpunda.’ ”

Matayi 27:11

U Yesu akimilila pamaso pa mulaghili uwa Chiloma yuyo akamulalusya akati, “Nkimba awe we Mwene uwa ba Yuda?” U Yesu akamula akati, “Wanena wemwene.”

Luka 19:38

“U Chala amusaye u mwene yuyo akwiza mwitabwa ilya Mwene. Umutende kumwanya nkani, sona ubuchindamu kwa Chala.”

Luka 2:11

Pakuti ubusiku ubu mukaya aka Devedi mupapiwemo Umupoki winyu, yuyo we Kilisitu u Mwene!

Luka 23:3

U Pilati akamulalusya akati, “Nkimba awe we Mwene uwa ba Yuda?” U Yesu akamula akati, “Wanena we mwene.”

Luka 23:38

Pamwanya pachipinjika chache pakasimbiwapo amazyu aghakuti, “Uyu we Mwene uwa ba Yuda.”

Yohani 1:49

U Nataniyele akamwamula akati, “Wee Mumanyisi, we Mwana uwa Chala! We Mwene uwa ba Izilayeli.”

Yohani 12:13

Po bakasenda isamba izya mabale nukubuka pakumupokela. Bakakolomoka bakati, “U Chala apaliwanje! Musayiwa yuyo akwizila mwitabwa ilya Mwene! U Chala amusaye u Mwene uwa ba Izilayeli!”

Yohani 18:37

Po u Pilati akamulalusya akati, “Nkimba we Mwene?” U Yesu akamula akati, “Momumo mo wanenela ukuti ane ne Mwene. Nkapapiwa nukwiza muchisu ichapasi ukuti imbusimikizye ubwanaloli. Umuntu wesi yuyo ali pa bwanaloli, akwivwila amazyu ghane.”

Yohani 19:19

U Pilati akasimba ubusimbe nukubika pamwanya pachipinjika icha Yesu ubwakuti, “U Yesu uwamu Nazaleti, u Mwene uwa ba Yuda.”

Yohani 20:28

U Tomasi akamwamula akati, “Mwene wane, sona nu Chala wane.”

Yohani 5:23

ukuti bosi bamuchindikaye u Mwana ukuyana namumo bakumuchindikila Uwise. Umuntu wesi yuyo atakumuchindika u Mwana, atakumuchindika nu Wise bulo yuyo akamutuma.

Yohani 9:38

Po akati, “Mwene, nkusubila.” Akamufughamilila u Yesu nukumwiputa.

Aba Hebeli 1:6

Sona bo u Chala ali papipi pakumutuma u Mwana wache ukatote muchisu ichapasi akati, “Abantumi bosi aba Chala aba kumwanya, bamwiputaye.”

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”