Matayi 1:2 - IBAYIBOLO 2024

^2-6a Ukwandila pakabalilo aka Abulahamu mupaka pakabalilo aka Mwene u Devedi, ulu lo ulubatiko ulwa banyenya: U Abulahamu akapapa u Yisaki. U Yisaki akapapa u Yakobo. U Yakobo akapapa u Yuda na bawamwabo. U Yuda akapapa u Pelezi nu Zela (unyina akaba we Tamala). U Pelezi akapapa u Heziloni, sona u Heziloni akapapa u Lamu. U Lamu akapapa u Aminadabu, wepe u Aminadabu akapapa u Nashoni. U Nashoni akapapa u Salimoni, sona u Salimoni akapapa u Bowazi (unyina akaba we Lahabu). U Bowazi akapapa u Obedi (unyina akaba we Luti). U Obedi akapapa u Yese, wepe u Yese akapapa u Mwene u Devedi.

Ulufingo Ulupya

^2-6a Ukwandila pakabalilo aka Abulahamu mupaka pakabalilo aka Mwene u Devedi, ulu lo ulubatiko ulwa banyenya: U Abulahamu akapapa u Yisaki. U Yisaki akapapa u Yakobo. U Yakobo akapapa u Yuda na bawamwabo. U Yuda akapapa u Pelezi nu Zela (unyina akaba we Tamala). U Pelezi akapapa u Heziloni, sona u Heziloni akapapa u Lamu. U Lamu akapapa u Aminadabu, wepe u Aminadabu akapapa u Nashoni. U Nashoni akapapa u Salimoni, sona u Salimoni akapapa u Bowazi (unyina akaba we Lahabu). U Bowazi akapapa u Obedi (unyina akaba we Luti). U Obedi akapapa u Yese, wepe u Yese akapapa u Mwene u Devedi.

Matayi 1:2 Iomraidhean Croise

Ubwandilo 25:19

Ili lyo lipangwi ilya Yisaki umwana uwa Abulahamu: U Abulahamu akapapa u Yisaki.

Ubwandilo 25:26

Pisinda pache umuzuna wache akapapiwa, bo inyobe yache yilemite ichitende icha Esabu, po bakamwita ukuti we Yakobo. Abana bala bakapapiwa, bo u Yisaki ali na maka 60.

1 Imbili 1:28

U Abulahamu akapapa abana babili u Yisaki nu Ishimayeli.

1 Imbili 1:34

U Abulahamu akapapa: U Yisaki. U Yisaki akapapa: U Esabu nu Yakobo.

Yesaya 41:8

“Wee mubombi wane u Izilayeli, yuyo namusala, we waluko ulwa Abulahamu umumanyani wane,

Yesaya 51:2

Inong'ona nizya munyenya witu, u Abulahamu nu Sala yuyo akakupapa. Bo namwitizya akaba mwene, atakaba nu mwana, nkamusaya nukumubalizya.

Ukubelengiwa 1:26

Mu baluko ulwa Yuda mukasimbiwa abanavuli bosi abamaka 20 pamo ukuchilapo, babo bangalwa ubwite, ukuyana ni nyumba zyabo, sona na matabwa agha banyenya babo.

Matayi 1:1

Ulu lo lubatiko ulwa banyenya aba Yesu Kilisitu, uwaluko ulwa Devedi, yuyo akaba waluko ulwa Abulahamu.

Imbombo 7:8

U Chala akafingana nu Abulahamu, po ukusilimula kukaba chimanyilo icha lufingo. U Abulahamu akamusilimula u Yisaki, bo pachilapo u sabata weka ukwandila pisiku lilyo akapapiwa. U Yisaki akamusilimula umwana wache u Yakobo; wepe u Yakobo akabasilimula abana bache 12, abanyenya abamanyikwe abaluko lwitu.

Aba Hebeli 11:11

Lukaba lwitiko lulo lukamupela u Abulahamu poka nu Sala pakupapa umwana, napapo amaka ghabo aghakupapila abana ghakaba ghachilite kale, pachifukwa ichakuti u Abulahamu akamusubila u Chala ukuti akwiza pakusungilila ilayizyo lyache.

Aba Hebeli 7:14

Pakuti chili pabuzelu bulo ukuti u Mwene witu akaba waluko ulwa Yuda. Po pakunena nizya luko ulu, u Mozesi atakanenapo izya baputi.

Ubuvumbuli 7:5

Abantu abaluko ulwa Yuda, babo bakadindiwa ni chidindo bakabapo 12,000. Abantu abaluko ulwa Lubeni, babo bakadindiwa ni chidindo bakabapo 12,000. Abantu abaluko ulwa Gadi, babo bakadindiwa ni chidindo bakabapo 12,000.