Matayi 1:12 - IBAYIBOLO 2024

^12-16 Ukwandila pakabalilo akakwepela mu Babiloni mupaka pakabalilo akakupapiwa ukwa Yesu, ulu lo ulubatiko ulwa banyenya: U Yekoniya akapapa u Sheyalitiyeli; u Sheyalitiyeli akapapa u Zelubabeli; u Zelubabeli akapapa u Abihudi; u Abihudi akapapa u Eliyakimu; u Eliyakimu akapapa u Azolo; u Azolo akapapa u Zadoki; Zadoki akapapa u Akimu; u Akimu akapapa u Eliyudi; u Eliyudi akapapa u Eleyazala; u Eleyazala akapapa u Matani; u Matani akapapa u Yakobo; u Yakobo akapapa u Yosefu; u Yosefu umulume uwa Maliya, u Maliya weyuyo akaba we nyina uwa Yesu, yuyo akitiziwanga ukuti we Kilisitu.

Ulufingo Ulupya

^12-16 Ukwandila pakabalilo akakwepela mu Babiloni mupaka pakabalilo akakupapiwa kwa Yesu, ulu lo ulubatiko ulwa banyenya: U Yekoniya akapapa u Shelatiyeli; u Shelatiyeli akapapa u Zelubabeli; u Zelubabeli akapapa u Abihudi; u Abihudi akapapa u Eliyakimu; u Eliyakimu akapapa u Azolo; u Azolo akapapa u Zadoki; Zadoki akapapa u Akimu; u Akimu akapapa u Eliyudi; u Eliyudi akapapa u Eleyazala; u Eleyazala akapapa u Matani; u Matani akapapa u Yakobo; u Yakobo akapapa u Yosefu; u Yosefu umulume uwa Maliya, u Maliya we yuyo akaba nyina uwa Yesu, yuyo akitiziwanga ukuti we Kilisitu.

Matayi 1:12 Iomraidhean Croise

2 Abamwene 24:14

Akabalema abantu bosi aba mu Yelusalemu nukubuka nabo pakuba bazya. Akasenda amakambala ghosi na basilikali sona na bafundi bosi, umwakuti bosi poka bakabapo 10,000. Loli akabaleka abantu abapina nkani mulamula.

2 Abamwene 25:27

Mumwaka ghugho u Evili Melodaki akaba we mwene uwa Babiloni, akamupelela ichisa u mwene u Yehoyakini uwamu Yuda nukumusatula mujele. Vinivi vikabombiwa pisiku ilya 27 mumwezi uwa 12.

1 Imbili 3:17

Abaluko ulwa Yehoyakini yuyo akalemiwa pakuba mukayidi bakaba bo aba: U Sheyalitiyeli

Ezila 3:2

U Yeshuwa umwana uwa Yozadaki nu muputi uwamwabo nu Zelubabeli umwana uwa Sheyalitiyeli poka na bamwabo bakanda pakuzenga sona ichighemo icha Chala uwa Izilayeli ukuti babikaye ivyakwiyipa ivyakocha ukuyana ni Ndaghilo izya Mozesi umubombi uwa Chala.

Ezila 5:2

Po u Zelubabeli umwana uwa Sheyalitiyeli nu Yeshuwa umwana uwa Yozadaki bakabuka ku Yelusalemu pakuzenga sona Inyumba iya Chala. Bope abalaghuzi aba Chala bakaba poka nabo nukubavwa.

Nehemiya 12:1

Abaputi, naba Levi babo bakanyokako kubukayidi poka nu Zelubabeli umwana uwa Sheyalitiyeli sona nu Yeshuwa bakaba bo aba: U Selaya nu Yelemiya nu Ezila

Yelemiya 22:24

U Mwene akuti, “Wee Yehoyakini, umwana uwa Yehoyakimu, u mwene uwa Yuda, nkulapa ukuti, napapo wabanga ngati mpete iya munyobe yane indilo, ngali nkakwefyamo.

Yelemiya 22:28

Nkimba u Yehoyakimu yunuyu muntu wenu, yuyo ali ngati yo sonta iya kufwantika, yiyo yitakulondiwa napo panandi? Nkimba choni chicho yuyo poka na bana bache, basumbiwe kuchisu chicho batachimenyepo nalumolumo?

Yelemiya 22:30

U Mwene akuti, “Mumusimbe umuntu uwa bunubu ngati mughumba, umuntu yuyo atangendelela mubumi bwache pakuti atalipo nayumoyumo uwa luko lwache, yuyo akwiza pakupyanapo ubumwene ubwa Devedi, pamo pakulaghila sona mu Yuda.”

Yelemiya 27:20

vivyo u Nebukadineza u mwene uwamu Babiloni atakavisenda bo akumusendela kubuzya u Yehoyakini umwana uwa Yehoyakimu u mwene uwamu Yuda ukufumila nabo ku Yelusalemu mupaka ku Babiloni poka na balongozi aba mu Yuda naba mu Yelusalemu.

Hagayi 1:1

Mumwaka uwabubili bo u mwene u Daliyasi akulaghila, pisiku ilyakwanda ilya mwezi uwasikisi, u Mwene akanenela mumulaghuzi u Hagayi ukwendela mwa Zelubabeli umwana uwa Sheyalitiyeli, yuyo akaba mulaghili muchisu icha Yuda, sona nu muputi usongo u Yoshwa umwana uwa Yehozadaki.

Hagayi 1:12

Po u Zelubabeli umwana uwa Sheyalitiyeli nu Yoshwa umwana uwa Yehozadaki, yuyo akaba muputi usongo, sona na bantu bosi abakusyalako bakamwivwilagha u Mwene u Chala wabo, sona na mazyu agha mulaghuzi u Hagayi, pachifukwa ichakuti u Mwene u Chala wabo weyuyo akamutuma. Po abantu bakamuchindika u Mwene.

Hagayi 1:14

Po u Mwene akaghunyamusya umuzimu uwa Zelubabeli umwana uwa Sheyalitiyeli, yuyo akaba mulaghili uwa chisu icha Yuda, sona nu muzimu uwa Yoshwa, umwana uwa Yehozadaki, yuyo akaba muputi usongo nu muzimu uwa bantu bosi abakusyalako. Bakiza nukwanda pakuzenga Inyumba iya Mwene Uwamaka Ghosi, u Chala wabo,

Hagayi 2:2

“Umubuzye u Zelubabeli, umwana uwa Sheyalitiyeli, umulaghili uwa chisu icha Yuda nu Yoshwa umwana uwa Yehozadaki, umuputi usongo sona na bantu bosi abakusyalako uti,

Hagayi 2:23

“U Mwene Uwamaka Ghosi ati, ‘Pisiku lilalila nkwiza pakukusenda we mubombi wane u Zelubabeli umwana uwa Sheyalitiyeli, sona nkwiza pakukupela pakuba we mpete yane, pakuti nakusala.’ ” U Mwene Uwamaka Ghosi anena.

Matayi 1:17

Pakaba nkulilo izya bantu 14 ukwandila pakabalilo aka Abulahamu mupaka pakabalilo aka Devedi, sona pakabapo uluko ulwa bantu 14 ukufika pakabalilo akakubukila mu Babiloni pakuba bakayidi, pakaba sona inkulilo izya bantu 14 mupaka pakabalilo akakupapiwa ukwa Kilisitu.

Luka 3:27

nu mwana uwa Yohanani nu mwana uwa Lesa nu mwana uwa Zelubabeli nu mwana uwa Sheyalitiyeli nu mwana uwa Neli,