Matayi 1:1 - IBAYIBOLO 2024

¹ Ulu lo lubatiko ulwa banyenya aba Yesu Kilisitu, uwaluko ulwa Devedi, yuyo akaba waluko ulwa Abulahamu.

Ulufingo Ulupya

¹ Ulu lo lubatiko ulwa banyenya aba Yesu Kilisitu, uwaluko ulwa Devedi, yuyo akaba waluko ulwa Abulahamu.

Matayi 1:1 Iomraidhean Croise

Ubwandilo 12:3

Nkwiza pakubasaya bosi babo bakukusaya. Loli bosi babo bakukughuna nane nkwiza pakubaghuna. Inko zyosi pachisu ichapasi nkwiza pakuzisaya ukwendela mumwako.”

Ubwandilo 2:4

Ili lyo lipangwi ilyakulingannya namumo kumwanya ni chisu ichapasi vikapeleliwa. Bo u Mwene u Chala apela kumwanya ni chisu ichapasi,

Ubwandilo 22:18

Inko zyosi pachisu ichapasi nkwiza pakuzisaya ukwendela mubaluko lwako, pachifukwa ichakuti awe wanyivwila.’ ”

Ubwandilo 5:1

Ulu lo lubatiko ulwa baluko ulwa Adamu. Bo u Chala abapela abantu, akabapela muchifwani chache.

Masalimo 132:11

U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Masalimo 89:3

Wanena ukuti, “Nafinga ulufingo nu musaliwa wane, nalapa ichilapo nu mubombi wane u Devedi,

Masalimo 89:36

Ukuti uluko lwache lukwiza pakubangako bwila na bwila. Po ichitengo chache icha bumwene cha bwila na bwila pamaso papane ngati lizuba.

Yesaya 11:1

Akasamba kakwiza pakufuma muchisinko icha Yese, akasamba akanandi kakwiza pakwela ivikomwa ukufuma kumagululuzi ghache.

Yesaya 53:8

Ukusamuliwa kwache kutakamuvighilila nukumulongela. Nkimba wewenu yuyo akinong'onelako na chicho akayimbilagha? Pakuti akefiwamo muchisu icha bumi. Akakomiwa pachifukwa icha bubibi ubwa bantu bane.

Yelemiya 23:5

“Amasiku ghakwiza ghagho ane ne Mwene nkwiza pakubimikila u mwene umugholosu pa banyenya aba Devedi. Weyuyo akwiza pakubalaghila abantu mubugholosu na mumahala, sona akwiza pakulongelagha mubugholosu na mubwanaloli inongwa izya bantu aba muchisu.

Yelemiya 33:26

po nkwiza pakubakana abaluko ulwa Yakobo nu Devedi umubombi wane. Ntakwiza pakumusala umwana weka uwa Devedi ukuti abalaghilaye abaluko ulwa Abulahamu nu Yisaki sona nu Yakobo. Pakuti nkwiza pakubanyosezya ubukabi bwabo sona nkwiza pakubapelela ichisa.”

Amosi 9:11

U Mwene akuti, “Pisiku lilalila nkwiza pakunyosezyamo ubumwene ubwa Devedi bubo buli ngati nyumba yiyo yighuye. Nkwiza pakuluzenga sona ulubumba lwache, nukuyannya sona mumo lwamongoka po nukuzenga sona ngati mumo lukabela kale,

Zekaliya 12:8

Pisiku lilalila ane ne Mwene nkwiza pakubavighilila abantu aba mu Yelusalemu, umwakuti abadedebazu nkani pakasi papabo bakwiza pakuba ngati we Devedi, sona abamunyumba iya Devedi bakwiza pakuba ngati we Chala, sona ngati Wantumi uwa Mwene, babo bakubuka pamaso papabo.

Matayi 1:18

Ukupapiwa ukwa Yesu Kilisitu kukaba ulu. Unyina u Maliya akazingiliwa nu Yosefu, loli bo batakomanitepo u Maliya akagha ukuti akwiza pakuba nu mwana ukwendela mu Muzimu Umuzelu.

Matayi 1:2

Ukwandila pakabalilo aka Abulahamu mupaka pakabalilo aka Mwene u Devedi, ulu lo ulubatiko ulwa banyenya: U Abulahamu akapapa u Yisaki. U Yisaki akapapa u Yakobo. U Yakobo akapapa u Yuda na bawamwabo. U Yuda akapapa u Pelezi nu Zela (unyina akaba we Tamala). U Pelezi akapapa u Heziloni, sona u Heziloni akapapa u Lamu. U Lamu akapapa u Aminadabu, wepe u Aminadabu akapapa u Nashoni. U Nashoni akapapa u Salimoni, sona u Salimoni akapapa u Bowazi (unyina akaba we Lahabu). U Bowazi akapapa u Obedi (unyina akaba we Luti). U Obedi akapapa u Yese, wepe u Yese akapapa u Mwene u Devedi.

Matayi 15:22

Umukolo yumo umu Kenani yuyo akikalagha muchigaba chilachila akiza kukwache nukulila ukuti, “Wee Mwene Mwana uwa Devedi! Umpelele ichisa! Umwana wane umulindu ali nu muzimu umubibi sona mubine nkani.”

Matayi 3:16

Bo u Yesu oziwa bulo, akazubuka mumizi. Palapala kumwanya kukighuka, akennya u Muzimu uwa Chala akumwikila ngati yo nkunda.

Matayi 9:27

Bo u Yesu akwepapo pabuzilo bula, abafwamaso babili bakanda pakumukonka mwisinda. Bakakolomoka nkani bakati, “Wee Mwana uwa Devedi, tupelele ichisa.”

Luka 1:33

sona akwiza pakuba we Mwene uwaluko ulwa Yakobo bwila na bwila, sona ubumwene bwache bute bukamale nalumo!”

Yohani 7:42

Amasimbo ghakuti u Kilisitu akwiza pakuba luko ulwa Mwene u Devedi nukuti akwiza pakupapiwa mu Betelehemu mukaya kako u Devedi akikalaghamo.”

Imbombo 2:30

Akaba mulaghuzi, sona akazimanya zizyo u Chala akamulayizya: U Chala akalapa ukuti weka uwaluko lwache akwiza pakupyana ubumwene bwache.

Aba Loma 1:3

Ghakunena nizya Mwana wache, u Mwene witu u Yesu Kilisitu: Ukuyana nu buntu bwache, akapapiwa mu luko ulwa Devedi,

Aba Loma 4:13

Bo u Chala akumulayizya u Abulahamu na baluko lwache ukuti ichisu ichapasi chikwiza pakuba chabo, akabomba bunubu, pate pachifukwa ichakukonka Indaghilo, loli pachifukwa ichakuti akasubila nukuneniwa ukuti mugholosu pamaso pa Chala.

Aba Loma 9:5

Abene bo baluko aba banyenya bitu abamanyikwe aba Chihebeli, po ukuyana nizya buntu ubwa Kilisitu, akafuma mu luko lwabo. U Chala yuyo ali nu bulaghili pavintu vyosi achindikiwanje bwila na bwila. Ameni.

Aba Galatiya 3:16

U Chala akamulayizya u Abulahamu nu waluko lwache. Amasimbo ghatakunena ukuti, “Abaluko lwako,” chicho chitakung'anamula ukuti abantu abinji, awe. Loli ghakuti, “Sona nu waluko lwako,” chicho chikung'anamula ukuti umuntu weka yuyo we Kilisitu.

1 Timoti 2:5

Pakuti pali u Chala weka nu Mufusya weka bulo, yuyo akusayannya abantu nu Chala, umuntu yunuyu we Kilisitu Yesu.

2 Timoti 2:8

Kumbuka u Yesu Kilisitu, yuyo akazyuka kubufwe, sona akaba waluko ulwa Devedi. Pakuti ichi cho chicho Amazyu Amiza ghagho nkulumbilila ghakumanyisya.

Ubuvumbuli 22:16

“Ane ne Yesu, nabatumila amwe uwantumi wane pakufumusya nizya vintu vinivi muvipanga. Ane ne waluko ulwa Devedi. Ane ne lutondwa ulwakulama kubuche nkani.”