Masalimo 99:1 - IBAYIBOLO 2024

¹ U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Masalimo 99:1 Iomraidhean Croise

2 Samuweli 6:2

U Devedi poka na bantu bache babo bakaba nawe, bakanyamuka ku Baala mu Yuda pakulisenda Ibokosi ilya Chala, lilyo likwitiziwa ni tabwa ilya Mwene Uwamaka Ghosi, yuyo ikaye pachitengo icha bumwene pakasi pa bakelubi.

1 Imbili 16:30

Wee chisu chapasi, tetemagha pamaso papache. Ichisu ichapasi chikalanite nkani, sona chitangayingana napo panandi.

Masalimo 18:10

Akakwela pa bakelubi nukubuluka sona akaba mwengo nkani bo ali pavipapande ivya mpepo.

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 80:1

Wee mudimi uwa Izilayeli, tegha ikutu, wewe akumulongozya u Yosefu ngati mudimo uwa ng'ozi, we ukwikala pachitengo icha bumwene pakasi pa bakelubi. Ubalamilaye

Masalimo 80:2

abaluko ulwa Efulayimu nulwa Benjamini sona nulwa Manase lanjizya amaka ghako, po wizaye pakutupoka.

Masalimo 82:5

“Batakumanyapo nachimochimo sona bate na mahala naghamoghamo. Bakwendakwenda bulo muchisi, ulwalo lwachisu ichapasi lukuyingana.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Masalimo 96:9

Mumwiputaye u Mwene, yuyo muchindamu, sona muzelu, Wee chisu chapasi, tetemagha pamaso papache. Ichisu ichapasi chikalanite nkani, sona chitangayingana.

Masalimo 97:1

U Mwene weyuyo akulaghila, po ichisu ichapasi chihobokaye, bope abantu babo bakwikala mulubazu ulwanyanja bahokaye.

Masalimo 97:4

Akamesya kache kakuchilamizya ichisu ichapasi, sona ichisu ichapasi chikukennya nukutetema.

Ukufuma 25:22

Nkwiza pakukomana nawe palapala, sona pamwanya pa chikupikizyo pala, pakasi na pakasi pa bakelubi babili, nkwiza pakukupa amalamulo ghagho aba Izilayeli babaghiye pakughakonka.

Yesaya 19:14

U Mwene abikamo mumwabo umoyo uwakuvulungannya, zikumupelela u Ijiputi ukuti atantalilaye pazyosi zizyo akubomba, ngati mumo umuntu yuyo akolizwe akutantalila bo akutapika.

Yelemiya 4:24

Nkennya kumaghamba, nkagha ukuti ghakaneng'enagha, sona utughamba tosi tukatetemagha.

Yelemiya 49:21

Ichisu ichapasi chikwiza pakutetema pachifukwa icha kuwa kwabo. Ukulila kwabo kukwiza pakwivwika mupaka ku Nyanja Inchesamu.

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Yelemiya 50:46

Ichisu ichapasi chikwiza pakutetema, pachifukwa ichakuti u Babiloni afyuliwa. Ukulila kwache kukwiza pakwivwika pakasi pa inko.

Ezekiyeli 43:7

Akati, “Wee mwana uwa muntu, ubu bo buzilo bwane ubwa chitengo chane icha bumwene sona ubuzilo ubwa nyayo zyane. Uku ko kuko nkwiza pakwikala pakasi paba Izilayeli bwila na bwila. Aba Izilayeli batakwiza pakulinyazya sona itabwa lyane izelu pamo abamwene babo, babo bakwiputa ku bachala abanji pamo pakubika imivimba iya bamwene babo pabuzilo ubwa kwiputilapo.

Luka 19:12

Po akati, “Kukabako umuntu yumo uwapamwanya, yuyo akabukagha kuchisu ichakubutali ukuti imikiwe pakuba we mwene, po akabwela kunyumba bo bamwimika.

Luka 19:14

Loli abantu aba mukaya kache bakamubenga, po bakatuma intumi ukuti, ‘Aswe tutakumulonda umuntu uyu pakuba we mwene witu.’

Luka 19:27

Loli abalwani bane babo batakandondagha ukuti imbanje ne mwene wabo, mwize nabo kuno nukubaghogha pamaso papane.’ ”

Aba Filipi 2:12

Polelo baghaniwa bane, munyivwilaye nilelo bulo ukuyana namumo mwanyivwilagha bwila. Mutakanyivwile pene papo indi poka namwe. Po mwendelele pakufisya ubupoki bwinyu nubogha, sona nukutetema.

Ubuvumbuli 11:17

Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!

Ubuvumbuli 20:11

Po nkennya ichitengo icha bumwene ichikulu ichiswepu, sona na yuyo akikalapo. Ichisu ichapasi na kumwanya vikachimbila pantazi papache, sona vitakaboneka sona.

Ubuvumbuli 6:14

Kumwanya kukazyebeluka ukuyana namumo ibuku likunnyengiwa, sona amaghamba ghosi nu tusungo tosi vikepapo pabuzilo bwache.