Masalimo 98:8 - IBAYIBOLO 2024

⁸ Isoko zikomaye inkufi, amaghamba ghimbaye poka pachifukwa icha buhobosu.

Masalimo 98:8 Iomraidhean Croise

2 Abamwene 11:12

U Yehoyada akamufumya kuzi umwana uwa mwene yula nukumuvwika impumpu. Po akamupa ibuku ilya ndaghilo nukumwimika pakuba we mwene. Bakamupakazya amafuta agha syunguti ukuti abanje we mwene, sona abantu bakakoma inkufi nukukolomoka ukuti, “Wee mwene, tukukulondela ubumi ubutali.”

Masalimo 47:1

Mwee bantu aba inko izinji, komagha inkufi, mumwimbilaye umwakulomoka u Chala pachifukwa icha buhobosu.

Masalimo 89:12

Ukapela ichisu icha kumitu nicha kuntende, amaghamba agha Taboli nilya Helimoni ghakusekela nukulipala itabwa lyako.

Masalimo 89:13

Inyobe yako yamaka, amaka ghako makulu sona ghapamwanya.

Masalimo 93:3

Wee Mwene, inyanja inkulu nkani zyapoma, momumo, zyakwezya amazyu ghache, zyakwezya ukupoma kwache.

Yesaya 55:12

Pakuti mukwiza pakwepamo nu lusekelo, bakwiza pakubefyamo umwamutende bulo, amaghamba nu tumaghamba, vikwiza pakwimba pamaso papinyu, sona amakwi ghosi agha mumusito, ghakwiza pakubakomela inkufi zyabo.