Masalimo 98:3 - IBAYIBOLO 2024

³ Alukumbuka ulughano lwache, sona abalanjizya aba Izilayeli ubusubiliwa bwache. Po abantu bosi aba kubumalilo ubwa chisu ichapasi babwennya ubupoki ubwa Chala witu.

Masalimo 98:3 Iomraidhean Croise

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 22:27

Abantu aba inko zyosi pachisu ichapasi bakwiza pakukumbuka, sona bakwiza pakunyokela kukwache. Po abantu aba inko izinji bakwiza pakufughama pamaso papako.

Masalimo 67:7

U Chala akwiza pakutusaya, sona abantu bosi aba kubumalilo ubwa chisu ichipasi bakwiza pakumunyila.

Masalimo 98:2

U Mwene abuvumbula ubupoki bwache, sona abavumbuliye ubugholosu bwache abantu aba inko izinji.

Yesaya 45:22

Amwe mwe bantu bosi aba pachisu ichapasi, pindukila kukwane ukuti mupokiwe, pakuti Ane ne Chala, sona atalipo uyunji.

Yesaya 49:6

U Mwene akamubuzya akati, “Ko kantu akanandi nkani, akakuti, ubanje we mubombi wane. Utakwiza pakubomba yene, iya kubanyosezya abaluko ulwa Yakobo, sona nukubanyosezya aba Izilayeli babo bakasyalako, loli nkwiza pakukupela pakuba we lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.”

Yesaya 52:10

U Mwene akwiza pakulanjizya amaka ghache amazelu, pantazi pa inko zyosi, sona ubumalilo bosi ubwa chisu bukwiza pakubwennya ubupoki ubwa Chala witu.

Yesaya 52:7

Bo bwiza boni pamaghamba, inyayo izya muntu yuyo akwiza na mazyu amiza, yuyo akulumbilila nizya mutende, sona akwiza na mazyu amiza agha vintu ivyiza, akulumbilila nizya ubupoki, nukunena kuba mu Ziyoni ukuti, “U Chala winyu akulaghila!”

Aba Levi 26:42

po ane nkwiza pakulukumbuka ulufingo lwane lulo nkafingana nu Yakobo nu Yisaki nu Abulahamu, sona nkwiza pakuchikumbuka ni chisu chinyu.

Mika 7:20

Ukwiza pakuba musubiliwa kwa Yakobo, nukuba wachisa kwa Abulahamu, ngati mumo ukalapila ichilapo na banyenya bitu mumasiku aghakale.

Luka 1:72

Akanena ukuti akwiza pakubapelela ichisa abanyenya bitu nukukumbuka ulufingo lwache uluzelu.

Luka 3:6

Abantu bosi bakwiza pakwennya ubupoki ubwa Chala!’ ”

Imbombo 13:47

Pakuti u Mwene akatupa ilamulo ilyakuti, ‘Nakubika awe pakuba lukozyo ulwa bantu babo bate ba Yuda, umwakuti abantu bosi aba muchisu ichapasi bapokiwe.’ ”

Imbombo 28:28

U Pabuli akababuzya akati, “Mubaghiye mumanyaye ukuti u Chala abatumila amazyu aghabupoki abantu babo bate ba Yuda. Abene bakwiza pakughateghelezya!”

Aba Loma 10:12

Pakuti butalipo ukulekana pakasi paba Yuda na bantu babo bate ba Yuda. U Chala we Mwene uwa bosi, sona akubasaya nkani abantu bosi babo bakwitizya kukwache.

Aba Loma 10:18

Loli imbalalusye: Nkimba kokuti aba Izilayeli batakivwa Amazyu Amiza? Naloli bakaghivwa pakuti Amasimbo ghakuti, “Izyu lyabo likivwika pachisu chosi ichapasi, amazyu ghabo ghakafika mupaka kubumalilo ubwa chisu ichapasi.”

Ukukumbusya Amalamulo 4:31

Pakuti u Mwene u Chala winyu we Chala uwachisa, atakwiza pakubaleka mwebene pamo ukubanangannya pamo ukuluvya ulufingo lulo akafingana na banyenya binyu pakulapa ichilapo.

Ubuvumbuli 5:9

Bakimbagha ulwimbo ulupya bakatinji, “Awe ubaghiye pakusenda ibuku ilyakunnyengiwa nukumamatula ivimatilo vyache. Pakuti ukaboliwa, sona ni banda lyako, ukamughulila u Chala abantu abaluko losi, na baneno zyosi, sona ninko zyosi izya bantu.