Masalimo 97:3 - IBAYIBOLO 2024

³ Umoto ghukubuka pantazi papache, nukubalungulizya abalwani bache kumbazu zyosi.

Masalimo 97:3 Iomraidhean Croise

Masalimo 18:8

Mumpuno zyache mukasukagha ilyosi, umoto uwakulungulizya ghukafumagha mumulomo wache, sona amazimwa aghakwaka ghakafumagha mumulomo wache mula.

Masalimo 18:9

Akazepula kumwanya nukwika pasi, sona amabingu amafitu ghakaba kusi kunyayo zyache.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Ezekiyeli 1:4

Nkatalankannya, po nkennya impepo iyamaka yikufuma kumitu sona ni bingu ikulu lilyo likazyunguliliwa nukumesya ukwa tumesya sona kakazyunguliliwa nulukozyo. Pakasi pamoto pakaboneka ngati chela chicho chikusunguluka,

Daniyeli 7:10

Ulusoko ulwa moto lukendagha, ukufuma pamaso papache. Abantu amasabuzani na masabuzani bakamubombelagha, sona abantu abinji nkani bakimilila pamaso papache. Po ubulongi bukanda, ghope amabuku ghakighuliwanga.

Habakuku 3:5

Ichiwaya chikalongolela muntazi mumwache, sona ububine ubwakoghofya bukamukonka mwisinda.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukukumbusya Amalamulo 32:22

Ubukali bwane bukwiza pakwaka ngati moto, ghugho ghukwaka mupaka kuchisu icha bantu abafwe. Bukwiza pakuchilungulizya ichisu ichapasi ni vimelwa vyache vyosi, sona na maghamba ghache ghosi.

Ukukumbusya Amalamulo 4:11

Amwe mukapalamila, nukwimilila muntende mwighamba, bo ighamba likwaka umoto mupaka ukufika kumwanya. Ighamba lila likavwinkiwa na mabingu amafitu, sona ni chisi ichakoghofya.

Ukukumbusya Amalamulo 4:36

Bo ali kumwanya, amwe mukivwa izyu lyache umwakuti abamanyisye. Pachisu ichapasi akalanjizya umoto wache umukulu, sona mukamwivwa akunena namwe, bo ali mumoto ghunughu.

Ukukumbusya Amalamulo 5:4

U Mwene akanena namwe pamaso na pamaso pighamba pala, bo ali mumoto.

2 Aba Tesalonika 1:8

Akwiza pakubafunda abantu babo bakumukana u Chala, sona na babo batakwivwila Amazyu Amiza aghakunena nizya Mwene witu u Yesu.

Aba Hebeli 12:29

Pakuti u Chala witu moto ghugho ghukulungulizya.

Ubuvumbuli 11:5

Nanti umuntu yumo akuyezya pakubavulazya, umoto uwakufuma mumulomo wabo ghukwiza pakubanangannya abalwani babo. Sona umuntu wesi yuyo akulonda pakubavulazya, akwiza pakughoghiwa bunubu.

Ubuvumbuli 20:15

Umuntu wesi yuyo itabwa lyache litakasimbiwamo mwibuku ilya bumi, akasumbiwanga munyanja iya moto.