Masalimo 97:2 - IBAYIBOLO 2024

² Amabingu ni chisi vimuzyunguliye, ubugholosu nu bwanaloli vyo vivyo vikwikazya ichitengo chache.

Masalimo 97:2 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

Yobu 23:14

Akwiza pakukwanilisya zizyo ambatikiye, sona ansungiye imbatiko inyinji nkani.

Yobu 26:9

Akughukupikila umwezi, nukughufisa na mabingu ghache.

Masalimo 77:19

Ukadumusannya pamayigha aghamaka nkani, izila yako yikenda pamizi amibizu, pope bulo ukudindiwa ukwanyayo zyako kutakaboneka.

Masalimo 89:14

Ubugholosu bwako nu bwanaloli lo lwalo lwachitengo icha bumwene bwako. Ulughano nu busubiliwa vikukufughamilila.

Masalimo 89:15

Basayiwa abantu babo bakukuchindika, wee Mwene basayiwa abantu babo bakwenda mukulama kwako.

Masalimo 99:4

U Mwene wamaka, sona abughanite ubwanaloli, ubwikazizye ubwanaloli. Wabomba ingolosu sona izyanaloli mwa Yakobo.

Ukufuma 19:9

U Mwene akamubuzya u Mozesi akati, “Nkwiza pakukwizila mwibingu ifitu, umwakuti abantu banyivwe, bo nkunena nawe, sona nukuti basubile akabalilo kosi.” U Mozesi akamubuzya u Mwene amazyu ghagho abantu bakamula.

Ukufuma 20:21

Abantu bakimilila pabutalipo, bo u Mozesi akupalamila kwibingu ifitu mumo u Chala akaba.

Ivyili 16:12

Abamwene bakubengite ukubomba imbibi pakuti ubwanaloli bo bubo bukuchikazya ichitengo.

Nahumu 1:3

U Mwene atakukalala lubilolubilo, sona wamaka nkani. U Mwene atakwiza pakubaleka bulo ababomba mbibi. Akwenda mwakankungu, na mumpepo iyamaka, sona amabingu lufumbi ulwa kunyayo zyache.

Aba Loma 11:33

Mwee, bo bukabi boni ubwa Chala! Amahala ghache nu bumanyi bwache vyibizu nkani! Wewenu yuyo angalingannya ubulongi bwache? Nkimba wewenu angivwisya izila zyache?