Masalimo 97:11 - IBAYIBOLO 2024

¹¹ Ulukozyo lwapesiwa pa bagholosu, po bakwizula nu buhobosu.

Masalimo 97:11 Iomraidhean Croise

Esitele 8:16

Pakuti kakaba kabalilo akakuhoboka na kakusekela aka ba Yuda, po bakalya nukusekela nkani.

Yobu 11:17

Ubumi bukwiza pakulama nkani ukuchila umusanya, ichisi chikwiza pakuba ngati po pandabindabi.

Yobu 22:28

Chicho wadumula, chikwiza pakubombiwa, sona ulukozyo lukwiza pakukulamila muzila zyako.

Masalimo 112:4

Napapo mungaba mo muchisi ulukozyo lukumwizila, pachifukwa ichakuti wachisa, wachililizi sona nu mugholosu.

Masalimo 18:28

Wee Mwene wewe ukuyipela inyale ukuti yakaye, u Chala wane akuchipela ichisi chane pakuba lukozyo.

Masalimo 68:4

Mumwimbilaye u Chala, mulipalaye itabwa lyache pakwimba inyimbo. Mumukwezyanje yuyo akwelite pamabingu, yuyo itabwa lyache we Mwene, po musekelaye pamaso papache.

Ivyili 4:18

Izila iya bagholosu yili ngati ko kubuche, kuko kukulama nkani mupaka izuba lyafika pamutu.

Yesaya 58:8

Po ulukozyo lwako lukwiza pakulama ngati kokubuche, nukupoziwa kwako kukwiza pakuboneka lubilolubilo, ubugholosu bwako bukwiza pakukulongolela, sona ubuchindamu ubwa Mwene, bukwiza pakumulindilila uwa kwisinda kukwako.

Yesaya 62:1

Nkwiza pakunena nukubakazya aba mu Yelusalemu, ntakwiza pakuba bulo myee mupaka apokiwe, sona ubupoti bwache bukulama, ngati chikoka pabusiku.

Mika 7:9

Pachifukwa ichakuti imunangiye u Mwene, nkwiza pakujimba kubukali bwache mupaka alonge inongwa yane nukuyidumula. Akwiza pakunyinjizya mulukozyo, po nkwiza pakubwennya ubugholosu bwache.

Yohani 12:46

Ane nizite muchisu ichapasi ngati lo lukozyo, umwakuti umuntu wesi yuyo akunsubila atakikalaye muchisi.

Aba Galatiya 6:8

Pakuti umuntu yuyo akupesa ivinyonywa ivya buntu, chicho akwiza pakwinula bo bufwe. Loli umuntu yuyo akupesa mwa Muzimu Umuzelu, chicho akwiza pakwinula bo bumi ubwa bwila na bwila.

Ubuvumbuli 21:23

Izuba pamo umwezi vitakulondiwa nukuti vilamaye mukaya akakulu nkani kanaka pakuti ubuchindamu ubwa Chala bukulamilamo, sona ulukozyo lwache we Mwana uwa ng'ozi.

Ubuvumbuli 22:5

Kulakula kutakwiza pakubako sona ubusiku. Ukulama ukwa nyale pamo izuba kutakwiza pakulondiwapo nalumo, pakuti u Mwene u Chala akwiza pakuba lukozyo lwabo, sona bakwiza pakuba bamwene bwila na bwila.