Masalimo 97:10 - IBAYIBOLO 2024

¹⁰ Babo bamughanite u Mwene, babubengaye ububibi. Pakuti akubuvighilila ubumi ubwa bantu bache abasubiliwa, sona akubapoka munyobe izya bantu ababibi.

Masalimo 97:10 Iomraidhean Croise

Masalimo 101:3

Ntakwiza pakughitikizya amaso ghane, pakwennya ivintu ivyamwalwemwalwe. Izibengite nkani imbombo izya bantu babo te basubiliwa. Zinizi zitakwiza pakumamatila.

Masalimo 119:104

Amalamulo ghako ghakumpa amahala, polelo izibengite izila imbibi.

Masalimo 119:163

Imbabengite abazimbuli, Loli indughanite ululaghilo lwako.

Masalimo 121:7

U Mwene akwiza pakukupoka kuvyosi ivibibi, sona akwiza pakubusungilila ubumi bwako.

Masalimo 125:3

Abantu ababibi batakwiza pakuchilaghila ichisu icha bantu abagholosu, pakuti lumo abantu abagholosu bala bangeghelela inkalo yabo imbibi.

Masalimo 145:20

U Mwene akubasungilila bosi babo bamughanite, loli akwiza pakubanangannya abantu ababibi.

Masalimo 31:23

Mumughanaye u Mwene mwebosi mwe bantu bache abazelu. U Mwene akubasungilila akiza abantu abasubiliwa loli abantu abakwituvya akubapa umuvwalo ukuyana ni mbombo zyabo.

Masalimo 34:14

Uzileghukaye imbibi, nukubomba zizyo nyiza, ubanje nu lweke pakughulonda umutende nukughukonka.

Masalimo 36:4

Bo alambalaye pachitala chache akwinong'ona ububibi bwene, akwibika mwene mu mbibi, sona atakubuleghuka ububibi.

Masalimo 91:14

U Mwene akuti, “Pachifukwa ichakuti anganite, nkwiza pakumupoka. Nkwiza pakumupoka pachifukwa ichakuti akunyitika.

Ivyili 2:8

Pakuti akubasungilila abagholosu, sona akubazighilila abasubiliwa.

Ivyili 3:7

Utakipimaye ngati po we wamahala, umuchindikaye u Mwene, nukuvikana ivintu ivibibi.

Ivyili 8:13

Ukumunyila u Mwene ko kuzibenga imbibi, loli ukwikwezya na mituvyo ni zila izya bubibi, sona nukunena ubumyasi ivibengite.

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Yelemiya 15:21

“Nkwiza pakukupoka ku bantu ababibi sona nkwiza pakukutabula ku bantu abakali.”

Daniyeli 3:28

Po u Nebukadineza akati, “Apaliwanje u Chala uwa Shadiliki nu Meshaki nu Abedinego, yuyo amutuma uwantumi wache pakubapoka ababombi bache! Bakamusubila u Chala nukulusulannya ululaghilo ulwa mwene, sona bakiyannya pakwiyipa ubumi bwabo bosi ukuti bamubombelaye u Chala wabo nukusita ukuti bamubombelaye pamo ukumwiputa uchala uyunji.

Daniyeli 6:22

U Chala wane atumite uwantumi wache nukwighalila imilomo iya nkalamu. Wee mwene, zitakanvulazya napo panandi pachifukwa ichakuti intakaba ninongwa nayimoyimo pamaso papache pamo ukukubombela chimo ichibibi pamaso papako.”

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Amosi 5:14

Mubulondaye ubwiza, sona mutakabulondaye ububibi, umwakuti mubanje nubumi. Po u Mwene u Chala Uwamaka Ghosi akwiza pakuba namwe, ukuyana namumo mukunenela ukuti momumo abeleye.

Amosi 5:15

Mububenge ububibi, mubughane ubwiza, sona mubombe ubwanaloli pabulongi. Lumo u Mwene u Chala Uwamaka Ghosi akwiza pakubapelela ichisa abantu abakusyalako abaluko ulwa Yosefu.

Aba Loma 12:9

Ulughano lutakabanje lwa buzimbuli. Muchibengaye chicho chibibi, loli muchilemelele chicho chiza.

Aba Loma 7:15

Ane intakwivwisya chicho nkubomba. Pakuti intakubomba chicho nkulonda pakubomba, loli nkubomba chicho inchibengite.

Aba Loma 7:24

Mwee ane mwee! Nkimba wewenu akwiza pakumpoka ku mubili ghugho ghukumbika kubufwe?

1 Aba Kolinti 8:3

Loli umuntu yuyo amughanite u Chala, amanyikitwe nu Chala.

2 Aba Tesalonika 3:2

Mwiputaye sona ukuti u Chala atupoke munyobe izya bantu abambibi, sona naku babibi pakuti, bate bantu bosi babo bali nu lwitiko, awe.

Yakobo 1:12

Musayiwa umuntu yuyo akujimba nkani munjelo, pakuti nanti ajimba, akwiza pakupokela impumpu iyabumi yiyo u Chala akabalayizya abantu bache babo bamughanite.

Yakobo 2:5

Mwee bakamu bane abaghaniwa, ivwa kuno! Nkimba u Chala atakabasala abantu abapina aba muchisu ichapasi ukuti babanje bakabi mulwitiko nukupyana ubumwene, bubo akabalayizya abantu babo bamughanite?

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.

1 Pitala 1:8

Napapo amwe mutamwenizye na maso, pope bulo mumughanite, sona mukumusubila napapo ilelo mutakumwennya. Amwe mwizuye nu buhobosu bubo butanganeniwa pamulomo,

1 Yohani 4:19

Aswe tumughanite u Chala, pakuti weyuyo akanda pakutughana aswe.

1 Yohani 5:18

Tuzimenye ukuti umuntu wesi yuyo mwana uwa Chala, atakwendelela pakubomba imbibi, pakuti u Mwana uwa Chala akumusungilila akiza umuntu yula, sona Umubibi yula atangamupalamasya.

Ubuvumbuli 13:8

Abantu abakwikala muchisu ichapasi bakwiza pakuchiputa ichinyamana chila, abantu bosi babo amatabwa ghabo ghatasimbiwe mwibuku ilya bumi ilya Mwana uwa ng'ozi, yuyo akaboliwa yula.