Masalimo 97:1 - IBAYIBOLO 2024

¹ U Mwene weyuyo akulaghila, po ichisu ichapasi chihobokaye, bope abantu babo bakwikala mulubazu ulwanyanja bahokaye.

Masalimo 97:1 Iomraidhean Croise

Ubwandilo 10:5

Banaba bakaba banyenya aba bantu bosi babo bakikalagha mulubazu ulwa nyanja na mutusungo utwa nyanja. Banaba bo baluko ulwa Yafeti. Uluko lwabo lukaba lwakulekanalekana, po bakikalagha muvyisu ivyakulekanalekana. Uluko losi lukaba ni neno iyabo ni yabo.

Masalimo 2:11

Mumubombelaye u Mwene nubogha sona muhobokaye nukutetema.

Masalimo 93:1

U Mwene we mwene. Avwalite ubuchindamu na maka. Ukuchikazya ichisu chosi mubuzilo bwache chitakwiza pakuyingana.

Masalimo 99:1

U Mwene weyuyo akulaghila po inko zitetemaye, po ichisu ichapasi chihobokaye. Ikaye pachitengo pakasi pa bakelubi, po ichisu ichapasi chiyinganaye.

Yesaya 11:11

Pisiku lila u Mwene akwiza pakulanjizya amaka ghache akabubili, pakubabwezya abantu bache abakusyalako ukufuma kuvyisu ivi, Asiliya na kuchigaba icha kuntede ku Ijiputi na kuchigaba ichakumitu icha Ijiputi nu Etiyopiya nu Elamu nu Babiloni nu Hamati na musungo zyosi izya Nyanja iya Medeteleniya.

Yesaya 41:5

“Utusungo twavyennya vinivi nukunyila, ubumalilo ubwa vyisu bukutetema. Vikupalamila nukwiza,

Yesaya 42:4

atakwiza pakupotwa pamo ukuwa amaka, bo atikazizye ubwanaloli pachisu ichapasi. Utusungo tukulindilila indaghilo zyache.”

Yesaya 49:1

Nteghelezya amwe mwe bantu mwe mukwikala mulubazu ulwa nyanja, namwe mwe bantu mwe mukwikala kubutali, ivwa zinizi! Bo inchili napakupapiwa, u Mwene akanyitizya pakuba ne mubombi wache. Bo inchili mulwanda akanyita itabwa lyane.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 51:5

Ubugholosu bwane bukupalamila lubilolubilo, ubupoki bwane buli muzila. Ivyisu ivya mulubazu munyanja vikundindilila, vikundindilila nulusubilo ukuti invipoke.

Yesaya 60:9

Ghanagha mabwato ghagho ghafuma kuvyisu ivyakubutali, ivya ku Talishishi ghali pantazi, nukwiza nabana bako abalumendo ukufuma kubutali, nu golide nu siliva wabo, pakumuchindika u Mwene u Chala wako, Umuzelu uwa Izilayeli, pachifukwa akupa ubuchindamu.

Yesaya 66:19

“Nkwiza pakubika ichimanyilo pakasi papabo, sona nkwiza pakutuma babo bakapona ku inko, kuchisu icha ku Talishishi nicha ku Libiya nicha Lidiya nicha Tubali sona nicha Gilisi na kuvyisu ivyakubutali ivya mulubazu munyanja vivyo vitivuye ubumanyikwe bwane pamo ukubwennya ubuchindamu bwane. Bakwiza pakufumusya ubuchindamu bwane pakasi pa inko.

Obadiya 1:21

Abakupona bakwiza pakukwela ighamba, ilya Ziyoni pakulaghila pighamba ilya Esabu. Sona ubumwene bukwiza pakuba bwa Mwene.”

Zefaniya 2:11

U Mwene akwiza pakuboghofya, bo akubanangannya abachala bosi aba chisu ichapasi. Inko zyosi zikwiza pakumwiputa, inko yosi muchisu chache.

Zekaliya 14:9

U Mwene akwiza pakuba we mwene uwa chisu chosi ichapasi. Pisiku lilalila akwiza pakubako u Mwene weka, sona akwiza pakumanyikwa ni tabwa lyoka mpela.

Matayi 3:3

U Yohani akaba muntu yuyo umulaghuzi u Yesaya akamunenagha ukuti, “Izyu ilya muntu yumo likukolomoka munkolongo likuti, ‘Yannya izila iya Mwene, gholosya izila ukuti endemo!’ ”

Matayi 6:10

Ubumwene bwako bwizaghe, ubwighane bwako bubombiwanje pachisu ichapasi pano ukuyana namumo kubeleye kumwanya.

Matayi 6:13

Utakitikizyanje ukuti tuwile munjelo, loli utupoke kwa Satana, Umubibi yula.’

Maliko 11:10

Busayiwa Ubumwene ubwa tata witu u Mwene u Devedi, bubo bukwiza! U Chala uwakumwanya apaliwanje!”

Aba Kolosi 1:13

Pakuti akatupoka kumaka agha chisi, nukutwinjizya mubumwene ubwa Mwana wache umughaniwa.

Ubuvumbuli 11:17

Bakanena bakati, “Mwene Chala Uwamaka Ghosi, wewe uliko, sona wewe ukabako! Tukukupalizya pakuti walanjizya amaka ghako amakulu, sona wanda pakulaghila!