Masalimo 96:4 - IBAYIBOLO 2024

⁴ Pakuti u Mwene we mukulu, yuyo amapalo ghope ghamubaghiye nkani, sona abantu bosi bamunyilaye ukubachila abachala abanji.

Masalimo 96:4 Iomraidhean Croise

2 Imbili 2:4

Polelo nkulonda pakumuzengela Inyumba u Chala u Mwene wane sona nkwiza pakuyipaghula ukuti yibanje yakufukizizyamo utwakununkila pamaso papache, sona nukuti yibanje yakubikamo ivibama ivipaghuliwa ivya isiku ni siku nukubikamo ivyakwiyipa ivyakocha pandabindabi na pachamabwila posi na Pisiku Ilyakutuzya, nilya Kupanta ukwa Mwezi patubalilo utwa lusekelo tuto u Mwene u Chala witu akatusala. Po akabalamula aba Izilayeli ukuti babombaye bunubu bwila na bwila.

Nehemiya 9:5

Po Aba Levi kokuti u Yeshuwa nu Kadimiyeli nu Bani nu Hashabineya nu Shelebiya nu Hodiya nu Shebaniya sona nu Petahiya bakati, “Imilila, mumupalaye u Mwene u Chala winyu, yuyo aliko bwila na bwila. “Lipaliwanje itabwa lyako lyabuchindamu, lilyo abantu batangalikwezya nukulichindika umwakufikapo.

Masalimo 145:3

U Mwene we mukulu, sona amapalo ghamubaghiye, Atalipo umuntu nayumoyumo yuyo angabwivwisya ubukulu bwache.

Masalimo 150:2

Mumupalaye pachifukwa icha mbombo zyache izyamaka, mubupalaye ubukulu bwache ubwakuchilapo.

Masalimo 18:3

Nkumwitizya u Mwene pakuti amapalo ghamubaghiliye, po akumpoka munyobe izya balwani bane.

Masalimo 48:1

U Mwene mukulu nkani, yuyo amapalo ghamubaghiye. Tumupalaye mukaya kache akakulu nkani bo ali pighamba lyache izelu.

Masalimo 66:3

Mumubuzye u Chala mutinji, “Imbombo zyako zyakuswighisya nkani! Amaka ghako makulu nkani umwakuti abalwani bako bakukufughamilila.

Masalimo 66:5

Zagha mwennye zizyo u Chala abomba, imbombo zyache zyakuswighisya nkani pakasi pabantu!

Masalimo 76:7

Awe wemwene we wakoghofya. Nkimba wewenu angimilila pamaso papako, nanti ukalaye?

Masalimo 86:10

Pakuti we mukulu nkani sona imbombo zyako zyakuswighisya. Awe wemwene mpela we Chala.

Masalimo 89:7

Bakumunyila nkani u Chala mulukomano uluzelu nkani, sona wakuswighisya ukubachila bosi babo bamuzyunguliye

Masalimo 95:3

Pakuti u Mwene we Chala umukulu, we Mwene umukulu nkani ukubachila abachala bosi.

Ukufuma 18:11

Ilelo namanya ukuti, u Mwene wamaka nkani ukubachila abachala abanji bosi, pachifukwa ichakuti akabapoka aba Izilayeli munyobe izya ba Ijiputi, bo bakubayivya.”

Yelemiya 5:22

Ane ne Mwene. Nkimba choni chicho mutakunyila? Nkimba mutakutetema pamaso papane? Nkabika umusesenga pakuba yo mpaka iya nyanja, impaka iya bwila na bwila yiyo inyanja yitangaloboka. Amayigha agha nyanja ghangabunguluka, loli ghatangabomba nachimochimo, ghangapongomoka loli ghatangaloboka.

Daniyeli 2:47

U mwene yula akamubuzya u Daniyeli akati, “Naloliloli u Chala wako we Chala uwa bachala, sona we Mwene uwa bamwene, yuyo akuvumbula izyakubusyefu pakuti wanvumbulila izyakubusyefu zinizi.”

Luka 12:5

Leka imbalanjizye yuyo mubaghiye pakumunyila. Mumunyilaye u Chala, yuyo nanti amufyula umuntu ubumi, ali nu bulaghili ubwakumusumbila mu Gehena. Naloli weyuyo mubaghiye pakumunyila!

Ubuvumbuli 15:4

Wee Mwene, nkimba wewenu atangakunyila nukulichindika itabwa lyako? Pakuti awe wemwene we Muzelu. Abantu abaluko losi bakwiza pakukwiputa, pachifukwa ichakuti imbombo zyako ngolosu zikuboneka pabuzelu na bantu bosi.”

1 Samuweli 4:8

Twaghuniwa! Nkimba wewenu yuyo angatupoka munyobe izya bachala abamaka banaba? Banaba bo bachala babo bakabaghogha aba Ijiputi ni viwaya ivyakulekanalekana munkolongo mula!